Populāri Bībeles panti no Lukas 11

Dalīties

Biar pan kaitn urakng bodosa, kaitn pasti udah tohu moonji'i inyo boi' ko ana' kaitn. Apotolagi' Allah Bopai di sorugo! Aman urakng mominto Roh Allah, pasti Sio paca'an moonji'i ko urakng inyo mominto nantai.”

“Porotiancam, ubo nian jam halnyo agatn doa. Mintocam, kaitn paca'an dionji'i. Goyapcam, kaitn paca'an bodapat. Ketokcam, kaitn paca'an dibuka'an lawakng.

Obai sotiap urakng inyo mominto paca'an monorima'; sotiap urakng inyo bogoyap tajahan bodapat; huatan lawakng tajahan dibuka'an pakai' sotiap urakng inyo mongetok.”

Ongko Yesus bopandir, “Aman kaitn bodoa, dinga' ni'in bunyinyo, ‘Bopai, koi bodoa kironyo somuo urakng mohormati damo Duatn. Datakngcam Koraja'an Duatn.

Amputicam boko dosa koi, obai koi pan moamputi sotiap urakng inyo bosalah agatn koi. Tulukngcam koi oca' koi totap monuruti Duatn watu ado inyo moncubo'i koi oca' bulah dosa.’ ”

Onji'i koi pomakatn tiap ari socukupnyo.

Mato sama'an pompolitoan pakai' bukakng-tubuh. Aman mato urakng boi', boroti soluruh bukakng-tubuhnyo torakng. Apo aman mato urakng inyo kinyo boi', boroti soluruh bukakng-tubuhnyo golap.

Yesus molajuan pongajaran-Nyo. Kato-Nyo, “Aman ado urakng inyo monokil pompolitoan, io kinyo moombakannyo damo monungkau'inyo agatn roga'. Sobali'nyo io molota'an pompolitoan nantai di tompat tobuka' oca' somuo urakng inyo mansu' ko dalapm rumah ulih moniant torakngnyo.