Populāri Bībeles panti no Juan 19

Dalīties

Nashiwä toubä fa uyucanö, a wa̦ Jesús fama. —Tä jödödöblou waiquilayou lä cufe —a cudaliyoma. Ö̦jö däjä, a fe fa leidalunö, a möshöa jawäa fa showadaicunö, a nomalayoma.

Öjö däjä, tä bluca lä jödödöblaliyono wei tä fa dalalönö, a wa̦ Jesús fama. Yai Bada etä a̦ oni jamö tä a̦ lä cuu weinaja tä a̦ bejedi cublobä, abinaja a cuma. —Ya amishi —a cuma.

Jesúsnö bä nöö e dalalema. A lä nocamabono wei ai e lä cui, e ca̦i ublao ajedeoma, a yai lä nofimano wei e lä cui. Cäcöbö fa dalalönö, abinaja bä nöö e nija a cuu balöoma. —Nabe, nabemi. Ijilufä wa nofi nö lä tabobö weinaja, miji wa nofi nia tabou —a cuma. Ö̦jö däjä, a lä nocamabono wei a lä cui nija abinaja a cuu nomöjöoma. —Bei. Naafä wa nofi nö lä tabobö weinaja, inaja showawä nayä wa nofi nia ca̦i tabou juo —a cuma. Inaja cäcöbö nowa fa talönö, a lä nocaono wei e lä cuinö, cama e yafi jamö a bälöobä, a nofi taa showadaalema.

Ö̦jö ma cui, Jesús nija bä icua fa nomöjöicunö, a nomawä waiquiwä fa dalalöjenö ucu yafequiblanomije. Ö̦jö ma cui, sodado ai a lä cuinö, boo shi bada namonö, Jesús leboco diquibalejelayoma. Leboco fa diquibalujulunö, i̦yäbö falayoma, mau ubä ca̦i.

Ö̦jö tä lä cublaliyono wei tä lä cui, Yai Bada etä a̦ oni lä cuu weinaja tä a̦ bejedi wawäblobä tä li cublaliyoma. Abinaja tä a̦ cuu. Moli ma cui, u nia cäblamoimi. Einaja tä a̦ cuu. ¿Ö̦jö tawä? Abinaja ai tä a̦ ca̦i cuu mö fedua. A lä diquiano wejei a lä cui nija bä mamo nia showao. Einaja tä a̦ cuu.

Ö̦jö cudeenö, Jesús a ca̦i fa alujenö, a juma. A nia lä basuano wejei defi lä cui, camanö defi yalucua showalefälöma. Fe̦losi blaobä tä a̦fa ulifi lä cule jamö a ca̦i jumaje, ebleo bä caficö a̦ ja, Cocoda a wa̦fa lä jilabou wejei jamö.

¿Ö̦jö tawä? Sodado bänö too totocö ca̦i mösöcöbö fa motoleblalöjenö, Jesús nija totocö yojoquemaje, bada bänö olo bä showadi yojobou lä cuaaö wejeinaja showawä. Ushi wacäjäwä cäcö labe ja, a jole jole ca̦i lucäa mö fedumalemaje.