Yôhan 15
15
Brah Yêsu jêng tơm krăk ƀâu ngăn
1“Gâp jêng tơm krăk ƀâu ngăn, Mbơ̆ Gâp jêng nơm tăm krăk ƀâu. 2Moh n'gĭng tâm Gâp mâu geh play, Păng koh mƀăr lơi, jêh ri lĕ n'gĭng geh play, Păng ƀư ueh, gay ma păng play âk lơn đŏng. 3Khân may jêng kloh jêh yor ma nau ngơi Gâp hŏ ntăm nti jêh ma khân may. 4Gŭ hom tâm Gâp ri mơ Gâp mra gŭ tâm khân may. Tâm ban ma n'gĭng krăk ƀâu, tơlah păng mâu gŭ tâm tơm krăk ƀâu, păng mâu dơi play êng păng nơm ôh. Tơlah khân may mâu gŭ tâm Gâp khân may tâm ban kơt nây đŏng. 5Gâp jêng tơm krăk ƀâu, khân may jêng n'gĭng. Mbu nơm gŭ tâm Gâp, jêh ri Gâp gŭ tâm păng, păng nây geh play âk ngăn, yorlah mâu geh Gâp khân may mâu dơi ƀư du ntil ndơ ôh. 6Lah mbu nơm mâu gŭ tâm Gâp, bu klŭp padih tâm ban ma n'gĭng krăk ƀâu jêh ri kro, bu dônh mƀăr tâm ŭnh, ăn ŭnh sa păng. 7Lah khân may gŭ tâm Gâp jêh ri nau Gâp ngơi gŭ tâm khân may, dăn hom moh ndơ khân may ŭch, khân may mra geh nau nây. 8Bơh nau nây Mbơ̆ Gâp mra geh nau tâm rnê, lah khân may dơi geh play âk jêh ri khân may jêng phung oh mon Gâp. 9Tâm ban ma Mbơ̆ rŏng jêh ma Gâp, pônây lĕ Gâp rŏng ma khân may. Gŭ hom tâm nau rŏng Gâp. 10Lah khân may djôt prăp nau Gâp ntăm, khân may mra gŭ tâm nau Gâp rŏng, tâm ban ma Gâp djôt prăp nau Mbơ̆ Gâp ntăm jêh ri Gâp gŭ tâm nau rŏng Păng. 11Gâp lah lĕ nau aơ ma khân may, gay ma nau răm maak Gâp gŭ tâm khân may, jêh ri nau răm maak khân may dơi nŭm rĭng.
12Aơ jêng nau vay Gâp ntăm: Khân may tâm rŏng hom ndrăng khân may nơm, tâm ban ma Gâp rŏng jêh ma khân may.#Yôh 13:34; 15:17; I Yôh 3:23; II Yôh 5. 13Mâu geh nau rŏng toyh lơn nau rŏng yor mĭt jiăng nhhơr nau rêh păng nơm. 14Lah khân may ƀư tĭng nau Gâp ntĭm nti, khân may jêng băl Gâp. 15Gâp mâu hôm kuăl khân may jêng oh mon ôh, yorlah oh mon mâu gĭt ôh moh nau kôranh păng ƀư. Ƀiălah Gâp kuăl khân may băl Gâp nơm, yorlah Gâp hŏ mpơl jêh ma khân may gĭt lĕ rngôch lĕ nau Gâp hŏ tăng jêh tă bơh Mbơ̆ Gâp. 16Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may. 17Gâp ntăm nti nau nây ma khân may, ăn khân may tâm rŏng ndrăng khân may nơm.”
Neh ntu tâm rmot
18“Lah neh ntu tâm rmot ma khân may, khân may gĭt neh ntu tâm rmot ma Gâp lor jêh. 19Lah khân may jêng ndơ neh ntu, neh ntu mra rŏng ma phung bunuyh păng nơm. Ƀiălah khân may mâu jêng ndơ neh ntu ôh, yorlah Gâp săch jêh khân may tă bơh nklang neh ntu, yor ri neh ntu tâm rmot ma khân may. 20Kah gĭt hom nau Gâp lah jêh ma khân may: ‘Oh mon mâu rlau ma kôranh păng ôh.’ Tơlah khân păng ƀư mhĭk ma Gâp, khân păng mra ƀư mhĭk ma khân may tâm ban lĕ. Tơlah khân păng djôt prăp nau Gâp ngơi, khân păng djôt prăp nau khân may ngơi.#Mat 10:24; Luk 6:40; Yôh 13:16. 21Ƀiălah yor amoh Gâp, khân păng mra ƀư lĕ nau nây ma khân may, yorlah khân păng mâu gĭt năl ôh Nơm hŏ njuăl Gâp văch. 22Lah Gâp mâu văch jêh ri mâu lah ôh ma khân păng, khân păng mâu geh nau tih ôh. Ƀiălah aƀaơ khân păng mâu dơi koh dŏng ma nau tih khân păng. 23Mbu nơm tâm rmot ma Gâp păng tâm rmot lĕ ma Mbơ̆ Gâp. 24Lah Gâp mâu ƀư ôh kan tâm nklang khân păng lĕ nau kan ê mâp bu ƀư khân păng mâu geh nau tih ôh. Ƀiălah aƀaơ khân păng saơ jêh ƀiălah tâm rmot ma Gâp nđâp ma Mbơ̆ Gâp. 25Pôri yơh, nau bu nchih jêh tâm nau vay khân păng dơi tât di ngăn: ‘Khân păng tâm rmot ma Gâp mâu geh nau.’#Mprơ Ơm 35:19; 69:4.
26Ƀiălah dôl Nơm Bonh Leng văch, jêng Nơm Gâp mra njuăl văch ma khân may tă bơh Mbơ̆, jêng Brah Nau Ngăn luh tă bơh Mbơ̆, Păng yơh mra mbơh ma Gâp. 27Khân may mbơh ma Gâp tâm ban lĕ, yorlah khân may hŏ gŭ ndrel ma Gâp bơh saơm.”
Šiuo metu pasirinkta:
Yôhan 15: CMO2023
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2023 United Bible Societies. All rights reserved.