Populiarios Biblijos eilutės iš Yôhan 15

Dalintis

Gâp jêng tơm krăk ƀâu, khân may jêng n'gĭng. Mbu nơm gŭ tâm Gâp, jêh ri Gâp gŭ tâm păng, păng nây geh play âk ngăn, yorlah mâu geh Gâp khân may mâu dơi ƀư du ntil ndơ ôh.

Gŭ hom tâm Gâp ri mơ Gâp mra gŭ tâm khân may. Tâm ban ma n'gĭng krăk ƀâu, tơlah păng mâu gŭ tâm tơm krăk ƀâu, păng mâu dơi play êng păng nơm ôh. Tơlah khân may mâu gŭ tâm Gâp khân may tâm ban kơt nây đŏng.

Lah khân may gŭ tâm Gâp jêh ri nau Gâp ngơi gŭ tâm khân may, dăn hom moh ndơ khân may ŭch, khân may mra geh nau nây.

Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Mâu geh nau rŏng toyh lơn nau rŏng yor mĭt jiăng nhhơr nau rêh păng nơm.

Moh n'gĭng tâm Gâp mâu geh play, Păng koh mƀăr lơi, jêh ri lĕ n'gĭng geh play, Păng ƀư ueh, gay ma păng play âk lơn đŏng.

Aơ jêng nau vay Gâp ntăm: Khân may tâm rŏng hom ndrăng khân may nơm, tâm ban ma Gâp rŏng jêh ma khân may.

Bơh nau nây Mbơ̆ Gâp mra geh nau tâm rnê, lah khân may dơi geh play âk jêh ri khân may jêng phung oh mon Gâp.

“Gâp jêng tơm krăk ƀâu ngăn, Mbơ̆ Gâp jêng nơm tăm krăk ƀâu.

Lah mbu nơm mâu gŭ tâm Gâp, bu klŭp padih tâm ban ma n'gĭng krăk ƀâu jêh ri kro, bu dônh mƀăr tâm ŭnh, ăn ŭnh sa păng.

Gâp lah lĕ nau aơ ma khân may, gay ma nau răm maak Gâp gŭ tâm khân may, jêh ri nau răm maak khân may dơi nŭm rĭng.

Lah khân may djôt prăp nau Gâp ntăm, khân may mra gŭ tâm nau Gâp rŏng, tâm ban ma Gâp djôt prăp nau Mbơ̆ Gâp ntăm jêh ri Gâp gŭ tâm nau rŏng Păng.

Gâp ntăm nti nau nây ma khân may, ăn khân may tâm rŏng ndrăng khân may nơm.”

Lah khân may jêng ndơ neh ntu, neh ntu mra rŏng ma phung bunuyh păng nơm. Ƀiălah khân may mâu jêng ndơ neh ntu ôh, yorlah Gâp săch jêh khân may tă bơh nklang neh ntu, yor ri neh ntu tâm rmot ma khân may.