Matu 23
23
Yezu zagehɛ Gɔnmi'ineba la Farasiiduma
(Maki 12.38, 39; Luki 11.43, 46; 20.45, 46)
1Pooren ti Yezu yele nɛrekuuŋɔ la, la a zahereba la yeti, 2“Gɔnmi'ineba la, la Farasiiduma zi' la Moose kuka la zuo. 3Bala, iti ya sɛla woo ti ba pa'ala la gee dɔla kɔ suŋa suŋa. Gee da iti ya ba itegɔ la, se'ere en sɔi la, ba itegɔ la ka dole ba pa'alegɔ la. 4Ba ni bobe la zeero en tibegɛ ka tana ziira dikɛ pagelɛ nɛreba bɔgerɔ zuo, gee bamam mɛhi ka maahum ti ba pun tiɛ ba nu'dibila lagum te'ele la fii me. 5#Yɛh 13.9; Kãl 15.38; Tii 6.8; Mat 6.1Ba tuni ba tuuma za'a ti nɛreba n nyɛ ba Se'ere en sɔi la ba pɛ la pa'alegɔ la tiihegɔ funini kãra, gee pɛ sãba wogerɔ yule ba futo la tiŋa. 6Ba nɔŋɛ la ba zi'a na'ahegɔ zi'ihi, de'enɔ puan, gee me nɔŋɛ kugekãra zi'ihi la, zamehegɔ yiya la puan. 7Ba me nɔŋɛ la nɛreba dɔbeta tiŋa da'ahi puan pu'uha ba, gee me nɔŋɛ nɛreba yi'ira ba Rabi. (Pa'ala)#23.7 Pa'ala 8Gee ba kan yi'ira yamam Rabi se'ere en sɔi la ya tari la pa'ala ayima ti yamam za'a dɛna suurɔ. 9Da yi' ya se'em ti ya sɔ tiŋa wa zuo, ya tari la sɔ kayima ma'a, se'em n boi saazuo ha. 10Bii ba yi'ira yamam nɛheduma se'ere en sɔi la, ya tari la nɛŋadaana ayima ma'a se'em n de Kiresta la. 11#Mat 20.26-27; Mak 9.35; 10.43-44; Luk 22.26 Se'em n de nɛrekãtɛ ya puan, eŋa n wan dɛna ya yameŋa. 12#Luk 14.11; 18.14 Se'em woo n zɛkeri ba mɛhi wan sige tiŋa, ti se'em woo n sigehe a mɛŋa, ba wan zɛkɛ a.
13“Gee yele boi ya zuo, yamam gɔnmi'ineba la Farasiiduma, birekɔgehi wa. Ya gu' la nɛreba bahɛ saazuo ɛ sɔ'ɔlum la yiŋa, se'ere en sɔi la, yamam mɛhi kan kɛ̃, ti sɛba me han yeti ba kɛ̃ ti ya gu'ura ba. 14[Yele boi ya zuo, gɔnmi'ineba la Farasiiduma wa, birekɔgenduma wa. Se'ere en sɔi la, ya dole fãara pokɔpa yiya, gee nɔŋɛ pu'uhi wogerɔ ti nɛreba nyɛ zuo. Ŋwana zuo, ya wan to'e sa'am kãtɛ diimen diimen gulehɛgɔ la tuseto ka tari ka'lam]. 15Yele boi ya zuo, gɔnmi'ineba la Farasiiduma, birekɔgenduma wa. Ya ni yagehɛ la ateko la tiŋa tihi ti ya ta tee nɛreyinɛ en dagi Yuda buuri, ti a lebege ana wuu yamam la, ba'ahɛ,ya ni iŋɛ en mɛ ti a malum dɛna bugum tiŋa bia sugum nuuren buyi' gana yamam mɛhi.
16“Yele boi ya zuo, fɔnɛheduma wa, yamam yeti se'em han pɔ pu'uhegɔ yire la, la ka tari yele, gee se'em en pɔ salema la n boi pu'uhegɔ yire la puan, dela a tum pɔrɛ la en de se'em la'.” 17Fɔgɔɔnɔ wa wa, ba ini n tari tuulum, salema la bii pu'uhegɔ yire la en bahɛ n bahɛ ti salema la tara tuulum la? 18Ya me le yeti, ‘Se'em wuu n pɔ kaabegɔ bimbeni la, la ka tari yele, gee se'em n pɔ bo'olum la n dɔgɛ kaabegɔ bimbeni la zuo la dela a tum a dɛ.’ 19Bihɛ yan fɔ se'em, ba ini n tari tuulum, bo'olum la bii kaabegɔ bimbeni la n bahɛ ti bo'olum la tara tuulum la? 20Bala, se'em woo n pɔ kaabegɔ bimbeni la, pɔ dɛ mɛ la sɛla woo n boi de zuo. 21Se'em woo n pɔ pu'uhegɔ yire la, pɔ la pu'uhegɔ yire la, pɔ de mɛ la se'em daana en boi de puan la. 22#Aza 66.1; Mat 5.34 Se'em woo me n pɔ saazuo, pɔ la Yinɛ na'am kuka la, la se'em n zi' ku zuo la.
23 #
Malm 27.30
Yele boi ya zuo, yamam gɔnmi'ineba la Farasiiduma wa, birekɔgenduma wa. Se'ere en sɔi la, ya bo'ori ya pia pia bo'olum pun ta ta' la ziirɔ ti ya yɔ' ti ya dugɛ, la ya zɛsaala za'a, la yele-pigehi pigehi gee tum bahɛ yelekãra sɛ'a en boi nɔze'elego puan dɛna buurɔ, nimbɔ'zɔrɛ la sakerɛ. Yele ana en de ni ya ita gee da bahɛ yele pigehi la me. 24Fɔnɛheduma wa, ya tugum tubihɛ la zu'a bahɛ, gee vole yugenɛ.
25Yele boi ya zuo, yamam gɔnmi'ineba la Farasiiduma wa, birekɔgenduma wa. Ya peere la wanɛ la laa poore, gee ba puan pirɛ mɛ la nyika la faaɛ lɔgerɔ ma'a. 26Farasii fɔɔhi wa. Pee ya wanɛ la puan yia bala ti yiŋa la me wan ana filam.
27 #
Tuum 23.3
Yele boi ya zuo, yamam gɔnmi'ineba la Farasiiduma wa, birekɔgenduma wa. Ya ani mɛ wuu yɔɔrɔ, ti ba ŋmɛ bɔmbɔrehe peelego iŋɛ tu, ti tu yiŋa ana suŋa, gee ti tu puan pirɛ la ki'in kuba, la dɛgɛ seto woo la. 28Bala mɛa ti ya yiŋa vom ani tuuntɔɔ nɛreba nɛŋan, gee ti ya puan la dɛna birekɔgenɛ la ŋmɛleŋɔ.
29Yele boi ya zuo, yamam gɔnmi'ineba la Farasiiduma wa, birekɔgenduma wa. Ya dole mɛta la nɔtɔgeheba la yɔɔrɔ gee dɔla gula yɛla zɛ'ɛta ti ya tɛra tuuntɔɔ duma la, 30gee yɛta ya mɛhi yeti, ‘Tumam yuum han boni, tu yaabe duma saŋa ha la, tumam yuum kan lagum ka'ɛ ni nɔtɔgeheba la ziim.’ 31Ya tɔgeri yele sɛ'a en yuum iŋɛ wa bahera la ya mɛhi zuto, se'ere en la ya dela sɛba en yuum ka'ahɛ nɔtɔgeheba la ziim la yaahi. 32Yi kɔ'ɔm tum ya ya yaabeduma tuuma la ti la pirɛ. 33#Mat 3.7; 12.34; Luk 3.7 Bunsɛlenduma wa kampiihi buuri wa Yamam wan iŋɛ la ŋwani piiɛ ti ba kan gakɛ kɛ̃ ya ta bahɛ bugum tiŋa la puan? Dikɛ ya bahɛ bugum la puan? 34Se'ere zuo, bihɛ mam tum nɔtɔgeheba, yɛm duma, la gɔnmi'ineba. Ti ya ku basɛba, kpa' basɛba, gee basɛba me, ya ŋmɛ'suŋa suŋa ba mɛ ya zamehegɔ yiya la puan, gee dɔla tihi tihi mɛleha ba, 35#Pi'il 4.8; 2 Yel 24.20-21 Bala zuo ti tuntɔɔduma la woo ziim la ti ba ka'ahɛ timpaberɛ wa zuo la taala wan dɔla ya . Ze'ele tuuntɔɔ daana Ebɛl, ta paaɛ Barakaya dayua Zekariya se'em ti ya ku biŋe tuulum saraa la la kaabegɔ bimbeni la tiŋasuka la. 36N yeti ya la yelemɛŋerɛ wa, ti nɛrebana wa ziim taala wan dɔla hankana buuri wa.
Yezu kele bo' Yerusalɛm
(Luki 13.34, 35)
37“Yerusalɛm, Yerusalɛm, tinsɛka en kuuri ka nɔtɔgeheba gee lɔbera sɛba ti ba tum a zi'an na la kuga. Saŋa zo'e zo'e ti mam zigera ti n lagehɛ ni fum kɔma wa bɔbeyinɛ wuu nua n kã'ahɛ ka kɔma iŋɛ ka kelumpagehi puan se'em la, gee fum ka boti. 38#Yɛr 22.5 Bihɛ, fum yire la n bala nyaa lebege daboo zɛ'a wa. 39#Yoo 118.26 Se'ere en sɔi la, mam yeti fum mɛ wa, ti fum kan le malum nyɛ mam, gura ti fum ta ya'ɛ fum nuurɛ yeti, ‘Sum sirum boi mɛ la se'em daana n wa'am Daana la yu'urɛ puan na la.’ ”
Šiuo metu pasirinkta:
Matu 23: GBTP
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Gurenɛ New Testament © The Bible Society of Ghana, 2020.