Matu 22
22
Pɔgedire de'eŋo makerɛ
(Luki 14.15-24)
1Le yɛ'ɛha, ti Yezu dikɛ makerɛ tɔgɛ bo' ba yeti; 2“Saazuo sɔ'ɔlum la ani woo, naba en iŋɛ pɔgedire de'eŋo bo' a dayua. 3Nyaa tum a da'aba ti ba doohe yi' sɛba ti a yele ba a pɔgedire de'eŋo la yele la na, gee ba ka wa'am na. 4Ti a le tum da'aba asɛ'a yeti, ‘Ta yele ya sɛba ti n yele ba n pɔgedire de'eŋo ti, bihɛ, ba'ahɛ yu'uŋɔ dia la. Mam ku la lɔlehi la nagepɔla, ti ba maahum sɛla woo ba'ahɛ. Wa'am ya pɔgedire de'eŋo la na.’ 5Gee ba ka dikɛ de yi' sɛla, gee kiŋɛ ba bunɔ, ti ayima kiŋɛ a va'amen, ti ayima mɛ kiŋɛ a koohego, 6gee ti basɛba la me gi' da'aba wa tum ba sɛla en ka ani suŋa, gee ku ba. 7Ti Naba la sunsuya nyiie paaɛ paaɛ, ti a tum a pɛntiireba ti ba kiŋɛ ta ku nɛre kuureba bana wa, gee nyɔ' ba tihi bahɛ. 8Ti a yele a da'aberɛ la yeti, ‘Pɔgedire de'eŋo la maahum ba'ahɛ, gee sɛba ti en yi la ka nari ba wa'am na. 9Kiŋɛ ya kɛ̃ tiŋa la puan, ta doohe sadɔkãra la woo zuto la ya yi' yan nyɛ se'em woo tari wa'am pɔgedire malema la puan na.’ 10Ti a da'aba wa la kiŋɛ sadɔtɔ la zuto, ta lagehɛ ban nyɛ nɛre se'em woo, nɛresuma la nɛrebe'ero na, ti pɔgedire de'eŋo zi'an la pirɛ kinkiŋi la saama.
11“Gee naba la en wa'am na ti a bihɛ saama la, a nyɛ ti buraa boi nɛreba la puan ka yɛ pɔgedire fuo. 12Ti a yele en yeti, ‘N zɔ, fum iŋɛ la ŋwani kɛ̃ ka'lam na gee ka yɛ pɔgedire fuo la?’ Ti a zɛ'a ka tara nuurɛ ya'ara. 13#Mat 8.12; 25.30; Luk 13.28 Ti naba la yele a yamehi la yeti, ‘Bobe ya en, nu'uhi la nama ta bahɛ lika puan, zi'an ti a wan kaaha gee gi'ira nu'uhi gee ɔbera nyɛna.’ 14Ba yi' la kuuŋɔ, gee fii ti ba wan looe.”
Kuba yua sokere
(Maki 12.13-17; Luki 20.20-26)
15Pooren ti Farasiiduma la kiŋɛ ta ku nuurɛ ti ba bɛ̃rɛ en doohe en tɔgɛ se'em la. 16Bala, ti ba tum ba zahereba, la Hɛrɔdiduma, ti ba paaɛ na yeti, “Pa'ala, tu mi' ti fum dela yelemɛŋerɛ daana, gee pa'ala Yinɛ sore la ti la dɛna yelemɛŋerɛ, gee ka tara ninkɔrɛ la se'em me, se'ere en sɔi la, fum ka gaheri nɛreba. 17Bala zuo, yele tu fum puti'irɛ, la de sore ti tu yɔɔra kuba bɔ'ɔra Siiza bii la dagi de sore?” 18Gee Yezu en mi' ba putɛ'be'o la, a yele ba yeti, “Ŋwani ti ya makera mam, birekɔgehi wa? 19Bo' ya mam lagekɔberɛ n tari yɔɔra kuba la na.” Ti ba dikɛ lagekɔberɛ en de dinaari ayima bu en. 20Ti a soke ba yeti, “Ani zuo n ŋwana? Ti ani gulehɛgɔ en ŋwana?” 21Ti ba lerege yeti “Siiza,” ti a yele ba yeti, “Dikɛ ya sɛla n de Siiza dinɛ bo' Siiza, gee dikɛ sɛla n de Yinɛ dinɛ bo' Yinɛ.” 22Ban wum dina la, la iŋɛ ba la pakerɛ paaɛ paaɛ, ti ba bahɛ en gee kiŋɛ.
Vo'ore sokere
(Maki 12.18-27; Luki 20.27-40)
23 #
Tuum 23.8
Didaarɛ mɛa ti Sadusii duma wa'am a zi'an na tɔgera ti, vo'ore ka boi. Gee nyaa soke en yeti, 24#Tii 25.5 “Pa'ala, Moose pa'alegɔ la puan yeti, ‘Nɛra han ki gee ka tara bia la a pɔga, a suuɔ di pokuurɛ la, la a dɔgɛ kɔma purɛ a suuɔ la yu'urɛ.’ 25Nananawa suurɔ tuyopɔi n boi la tɔ, ti kiima di pɔga, ka dɔgɛ la ka gee ki, gee gee pɔka la bahɛ a suuɔ. 26Ti se'em n tagelɛ me iŋɛ bala mɛa, ti butã daana la me iŋɛ bala mɛa, ta paaɛ buyopɔi daana la. 27Ba'ahegɔ za'a ti pɔka la me ta ki. 28Vo'ore la, pɔka wa yeti ka dɛna la ba bayopɔi la puan ani pɔga, ba za'a n di ka kaaɛ wa.”
29Ti Yezu lerege ba yeti, “Ya tuue mɛ, se'ere en sɔi la, ya ka mi' gɔŋɔ la, bii Yinɛ paŋa la. 30Se'ere en sɔi la, vo'ore la puan, pɔgedire bii Sire-ele kan ta bɔna, gee nɛreba wan ta ani wuu suŋereba n boi saazuo ha la. 31La han dɛna vo'ore kum puan la, ya ka kãalɛ Yinɛ en yele se'em la, A yeti, 32#Yɛh 3.6 ‘Mam dela Aberaham Yinɛ, Aziki Yinɛ, la Yakɔbe Yinɛ.’ A dela vɔpa Yinɛ gee dagi ki'induma Yinɛ.” 33Nɛrekuuŋɔ la en wum ŋwana la, la iŋɛ ba la pakerɛ paaɛ paaɛ la a pa'alegɔ la.
Nɔze'elekãtɛ
(Maki 12.28-34; Luki 10.25-28)
34Farasiiduma la n wum ti Yezu lerege Sadusiiduma la ba ka tara nuurɛ ya'ara la, ti bamam me lagehɛ taaba. 35#Luk 10.25-28 Ti ba puan a yima dɛna yetɔgetɔgera, soke Yezu sokere ti a makɛ en bihɛ. 36“Pa'ala, nɔze'elego la puan, kuni n gani za'a?” 37#Tii 6.5 Ti a yele n yeti “ ‘Fum nɔŋɛ fum Daana Yinɛ la fum suure za'a la fum sia za'a la fum puti'irɛ za'a.’ 38Dina n gani za'a gee dɛna yia nɔze'elego. 39#Malm 19.18 Se'ere en tagelɛ la me kɔ'ɔm ana mɛ wuu yia dinɛ la. ‘Fum nɔŋɛ hɔ mabia wuu fum nɔŋɛ fum mɛa se'em la.’ 40Nɔze'elego la za'a puan, ze'elego tuna tuyi' wa zuo ti nɔze'elego la, la nɔtɔgeheba yelefum la za'a yaga.”
41Farasiiduma wa ta lagehɛ la taaba, ti Yezu soke ba sokere dina wa yeti, 42“Yamam ti'ihɛ ti Kiresta dela ani? Ani dayua en de en?” Ti ba yele en ti, “Deviti dayua.” 43Ti Yezu yeti, “La yi iŋɛ la ŋwani ti Sia bahɛ ti Deviti yi'ira en a Daana, yɛta ti,
44 #
Yoo 110.1
‘Daana la yele mam Daana, la yeti,
“Zi'ire en zuɔ nu'o na,
gura ti n ta bahɛ ti fum dinduma ta lebege fum nama dafeere.” ’
45Deviti han yi'ira en a Daana, la wan iŋɛ la ŋwani ti a dɛna a dayua?” 46Se'em daa ka boi ba puan nyaŋɛ lerege sokere la, bii ze'ele daan dinɛ daarɛ, se'em bɔna lakɛ nuurɛ ti a soke en sokere.
Šiuo metu pasirinkta:
Matu 22: GBTP
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Gurenɛ New Testament © The Bible Society of Ghana, 2020.