Populiarios Biblijos eilutės iš Lûke 14

Dalintis

«Âdə akrə ânyində̂ kə̂ nə ngbâ mê, ndə̂kə̂ watə̂ djisîpili ndə̂ mê, ânyë kə̈ kôâbô kôsə̂ bha nə̈ la anyï nə̈, la ɛ̈chë ndə̂ yê, la abechë ndə̂ yê, la ayîngâ yê, la anyînə̂ nə̂, ânyë kə̈ kôâbô ndjë sə̂ tə̂ yê la tə̂ yê kô-ê, tchê wabô tə̂ djisîpili ndə̂ mê tee-a.

Akrə ndə̂ tche zâbô yö ndə̂ gba ndə̂ yê zâ, ânyë kə̈ nə̂âbô nə̂ ngbâ mê, tche kʉ̂âbo sə̂kə̂ watə̂ djisîpili ndə̂ mê-a.

Bëte akrə ndə̂ tche mbôtə̂ yê gbölö, a âmboadje tchë tche wa kpîɛ̂kpîɛ̂ rə̂, ânyë akrə ndə̂ tche mbôtə̂ yê kpîɛ̂kpîɛ̂ rə̂, a âmboadje tchë tche wa gbölö.»

Jezü kä tô rə̂ päkëdə̂: «Akrə lə̂ gûtə̂ nyê ndə̂ tche gbôâbo gbôtə̂ arə ndə̂ yê gbɛ̂, tchê wabô tə̂ djisîpili ndə̂ mê tee-a.»

«Âdə ngâ akrə lə̂ gûtə̂ nyê ânyində̂ kə̂ mbo ngâ gbölö nda ndə̂ âgû atə̂ lafô, tche âza küma yê dokʉ̈tchê pâ makətche ndə̂ tche nyîndə̂ kə̂ mbo rə̂ la nda nə̈, ndə̂kə̂ wun rə̂ pä makətche nə̈ kʉ̂sə̂ nə̈ ndə̂kə̂ mbo rə̂ la nda nə̈ nə̂ gbɛ̂. Ârə̂ âdəabô də̂ käko, tche âkʉ täme nda nə̈ lə̂ cho, ânyë nda nə̈ kâbô kâ-ê, azü gbɛ̂ ndə̂ andjë wun nda nə̈ sə lakə̂ mo tchë, lakə̂ to rə̂ päkëdə̂: ‹Akrə âtə jëtə̂ kə̂ mbo nda, kə̈ wâbo la gbôgbô ndə̂kə̂ ka rə̂-a.›

Praâbalë âdə mo âmbo kɨ̈zɨ̂ kpülü, äwäpä mo e a-earə̂ yûkü, azü ndə̂ tchâme-tə̂ andjê ngêwele, azü ndə̂ ngâ da andjê ndɨ̂, la a-earə̂ föla. Mo âwa me la mômô bëte andjê giabô rə ndə̂ zə̈ sə̈ mö ëngbânə̈ tee-a. Ndjapä âgiadje rə̂ sə̈ mö ëngbânə̈, tə̂ lo nə̈ ndə̂ adjîrə̂ azü joadje lə̂ kuzü.»

«Ngbro wätə̂ tchôtchô rə. Praâbalë âdə kötchô nə̈ âyu lə̂nə̈ nə̂, a âmbo tâ atöko ânyë âdaka? Âmboabô tchôtchô rə lə̂ cho, âdəndjë kɨ̈ndɨ̈ balë tee-a. A âkʉ rə̂, kə̂ yi rə̂ fiî. Akrə ndə̂ tche wâ la tü ndə̂kə̂ dje pö la rə̂, äwäpä tche dje pö âtə!»