Populiarios Biblijos eilutės iš Lûke 13

Dalintis

«Nyë kpökpo tə̂ nyê kə̂ li lə̂ yɛ̈yɛ̈ manda nə̈; bëte më tö rə̂ sə̈ nyê: Angbängbä azü âpu köbo ndə̂kə̂ li lə̂nə̈, kə̂ gboabô köbo tee-a.

Ngâ ɛ̈chë ndə̂ tche wâ la käfunga kä ndjë tâ. Âmbô ngû lə̂ könô gbɛ̂ tchêpâ nə̈ mïndûu manə̈ vötaâ nə̂ ndə̂ ngâ ngbongbo tchozö mbo tchë, köbo ndə̂kə̂ pa tche yorʉatə̂ yê ndjii ëlafô wâbo-a. Ndə̂ Jezü wûn tchë, tche ê tchë, kə̈ tô rə̂ sə̈ tchë päkëdə̂: «Ɛ̈chë, më tchâ mö lə̂ tə̂kömbô ndə̂ zə̈ nə̂.»

Jezü tô könô yê lə̂ küma ɛ̈chë lâme, posə̂nə̈ tche yôrʉatə̂ yê ëlafô, kə̈ sə̂ lakə̂ voga Ndjapä.

Käko angâ azü lə̂ gbâtə̂ azü dəngbânə̈ ndə̂ tchô angêta, andjê âwa me tə̂ küma nə̈. Ânyë, angâ azü tə̂ küma nə̈ ndə̂ tchô angêta, andjê âwa me tə̂ azü dəngbânə̈.»

«Âdə earə̂ nda nə̈ âalafô ânyë kə̈ tchû manda nə̈ nə̂, nyë âsə me bhâ sûwu, kə̂ sə lakə̂ gʉgʉ manda nə̈, kə̂ to rə̂ päkëdə̂: ‹Gbölö Gbïɛ̈, amö kro manda tə̂ ârâ!› Tche âto rə̂ ndə̂nə̈ me sə̈ nyê päkëdə̂: ‹Më wûn-âbo sə̂ tchô ndə̂ nyë tô tâ-a!›

Âdə̂âbo käko-a, praâbalë më tö rə̂ sə̈ nyê, âdə nyë âgboabô gbôtə̂ bəndɨ kə̂ mbo rə ndə̂ nyê-ê, nyê âtchu me gbɛ̂ batə̂ andjê.»

Tche âkä to rə̂ me sə̈ nyê päkëdə̂: ‹Më wûn-âbo sə̂ tchô ndə̂ nyë tô tâ-a. Nyë gïtə̂ nyê tə̂ mê chï; nyënyê gbɛ̂ ndə̂ a-earə̂ kə̂ mbo ngbongbo rə!›

Käko Jezü tô rə̂ päkëdə̂: «Gbölö gö-gbïɛ̈ ndə̂ Ndjapä kʉ̈tə̂ yê la giamâ? Më âto rə̂ me pä äwä batə̂ giamâ? Gbölö gö-gbïɛ̈ ndə̂ Ndjapä wä batə̂ ngâ ndjî mütârede ndə̂ ngâ akrə gɨ̂ rə̂ lə̂ kɨ̈ndɨ̈ ndə̂ yê. Ndjî yö ndə̂ mütârede lâme kʉ̂, kə̈ kpô, kə̈ wâ batə̂ gbölö da yö. Anyïɛ̈nə̈ mbô kʉmâ andjê tə̂ matö nə̈.»