Bible without Deuterocanon in Nahuatl, Huasteca Central (MX:nch:Nahuatl, Huasteca Central )

Icamanal Toteco

<div class="version vid751 iso6393nch" data-vid="751" data-iso6393="nch">
 <div class="book bkGEN">
 <div class="chapter ch11" data-usfm="GEN.11">
 <div class="label">11</div><div class="s">Nopa torre cati itoca Babel</div><div class="p"> 1Ipan nopa tonali nochi masehualme cati itztoyaj ipan taltipacti quipiyayayaj san se inincamanal huan camanaltiyayaj san se. 2Huan quema masehualme pejque momoyahuaj, miyac yajque para campa quisa tonati. Nepa quipantijque se tamayamit ipan tali Sinar huan nopona nel&#237;a miyac masehualme mocajque huan ayecmo quinejque momoyahuase.</div><div class="p"> 3-4Huan se tonali inijuanti moilhuijque se ica seyoc: &#8220;Xihualaca ma tijchihuaca se hueyi altepet huan se huejcapantic torre cati ajsis hasta ilhuicac. Huan quej ni nochi techixmatise huan amo monequis timoxelose huan tiyase campa hueli ipan taltipacti. Ma tijchihuaca ladrillos huan ma tiquicxitica cuali ipan tit.&#8221;</div><div class="p">Huan quitequihuijque ladrillos ten soquit huan amo tet huan quitequihuijque chapopojti para quitatzquiltise huan amo soquit.</div><div class="p"> 5Pero TOTECO temoc huan quiitaco nopa altepet huan nopa torre cati nopa masehualme quichijchihuayayaj. 6Huan yaya moilhui: &#8220;Nopa masehualme itztoque san sejco huan san se inincamanal. Yeca ni tamanti cati ama quichihuaj san ipejya cati hueli quichihuase san sejco. Teipa huelis quichihuase san cati inijuanti quinequise. 7Achi m&#225;s cuali titemose para tiquinpatilise inincamanal para ayecmo ma quimachilica cati mocamanalhuise.&#8221;</div><div class="p"> 8Huajca quej nopa TOTECO quichijqui huan yeca quiquetzqui inintequi huan ayecmo quichijque nopa altepet. Quej nopa TOTECO quinsemanqui nopa masehualme campa hueli ipan taltipacti para ma momoyahuaca quej ya quinequiyaya. 9Huan nopona itoca elqui Babel. (Babel quinequi quiijtos Campa Amo Huelque Momachil&#237;aj Se Ica Seyoc.) Quej nopa itoca pampa nopona TOTECO quipatac inincamanal nochi masehualme cati itztoyaj ipan ni taltipacti para ayecmo huelque momachil&#237;aj. Huan ten nopona TOTECO quinsemanqui campa hueli ipan taltipacti.</div><div class="s">Iteipan ixhuihua Sem</div><div class="r">(1 Cr. 1:24-27)</div><div class="p"> 10Ya ni eltoc inintoca iteipan ixhuihua Sem. Tanqui nopa miyac at huan ome xihuit teipa quema Sem quipiyayaya 100 xihuit, tacatqui ioquichpil Arfaxad. 11Teipa Sem noja itztoya seyoc 500 xihuit huan quinpixqui m&#225;s iconehua, tacame huan sihuame.</div><div class="p"> 12Huan quema Arfaxad quipixqui 35 xihuit, tacatqui ioquichpil Sala. 13Teipa Arfaxad noja itztoya seyoc 403 xihuit huan quinpixqui m&#225;s iconehua, tacame huan sihuame.</div><div class="p"> 14Sala quipiyayaya 30 xihuit quema tacatqui ioquichpil Heber. 15Huan teipa Sala noja itztoya seyoc 403 xihuit huan quinpixqui m&#225;s iconehua, tacame huan sihuame.</div><div class="p"> 16Heber quipiyayaya 34 xihuit quema tacatqui ioquichpil cati itoca Peleg. 17Teipa Heber noja itztoya seyoc 430 xihuit huan quinpixqui m&#225;s iconehua, tacame huan sihuame.</div><div class="p"> 18Huan quema Peleg quipixqui 30 xihuit, tacatqui ioquichpil Reu. 19Huan teipa Peleg noja itztoya seyoc 209 xihuit huan noja quinpixqui m&#225;s iconehua, tacame huan sihuame.</div><div class="p"> 20Reu quipiyayaya 32 xihuit quema tacatqui ioquichpil Serug. 21Teipa Reu noja itztoya seyoc 206 xihuit huan quinpixqui m&#225;s iconehua, tacame huan sihuame.</div><div class="p"> 22Huan quema Serug quipixqui 30 xihuit, tacatqui ioquichpil Nacor. 23Huan teipa Serug noja itztoya seyoc 200 xihuit huan quinpixqui m&#225;s iconehua, tacame huan sihuame.</div><div class="p"> 24Nacor quipiyayaya 29 xihuit quema tacatqui ioquichpil Tar&#233;. 25Teipa Nacor noja itztoya seyoc 119 xihuit huan quinpixqui m&#225;s iconehua, tacame huan sihuame.</div><div class="p"> 26Huan Tar&#233; ya quipixtoya 70 xihuit quema tacatque ioquichpilhua Abram, Nacor huan Har&#225;n.</div><div class="s">Iteipan ixhuihua Tar&#233;</div><div class="p"> 27Ama ya ni inintoca iteipan ixhuihua Tar&#233;. Tar&#233; elqui itata Abram, Nacor huan Har&#225;n. Huan teipa Har&#225;n elqui itata Lot. 28Huan Har&#225;n nojquiya quinpixqui ome iichpocahua. Se itoca Isca huan se itoca Milca. Pero Har&#225;n mijqui quema ayemo miquiyaya itata huan quema nochi inijuanti noja mocahuayayaj para itztose nopona campa tacatque ipan nopa altepet cati itoca Ur ipan nopa tali campa itztoyaj nopa caldeos.</div><div class="p"> 29Huan Abram mosihuajti ihuaya Sarai. Huan Nacor mosihuajti ihuaya imachcone, Milca, cati elqui iichpoca Har&#225;n. 30Huan Sarai eliyaya se sihuat cati amo hueliyaya quinpiya coneme.</div><div class="p"> 31Tar&#233; itztoya ipan altepet Ur ipan nopa tali campa itztoyaj nopa caldeos huan quisqui para yas ipan tali Cana&#225;n. Huan Tar&#233; quinhuicac itelpoca Abram, huan iyex, Sarai, huan iixhui, Lot, cati eliyaya itelpoca nopa mijcatzi Har&#225;n. Pero quema inijuanti ajsitoj ipan altepet Har&#225;n, mocajque nopona. 32Huan nopona mijqui Tar&#233; quema quipiyayaya 205 xihuit.</div>
 </div>
 </div>
</div>

Ipan nopa tonali nochi masehualme cati itztoyaj ipan taltipacti quipiyayayaj san se inincamanal huan camanaltiyayaj san se. Huan quema masehualme pejque momoyahuaj, miyac yajque para campa quisa tonati. Nepa quipantijque se tamayamit ipan tali Sinar huan nopona nelía miyac masehualme mocajque huan ayecmo quinejque momoyahuase.
Huan se tonali inijuanti moilhuijque se ica seyoc: “Xihualaca ma tijchihuaca se hueyi altepet huan se huejcapantic torre cati ajsis hasta ilhuicac. Huan quej ni nochi techixmatise huan amo monequis timoxelose huan tiyase campa hueli ipan taltipacti. Ma tijchihuaca ladrillos huan ma tiquicxitica cuali ipan tit.”
Huan quitequihuijque ladrillos ten soquit huan amo tet huan quitequihuijque chapopojti para quitatzquiltise huan amo soquit.
Pero TOTECO temoc huan quiitaco nopa altepet huan nopa torre cati nopa masehualme quichijchihuayayaj. Huan yaya moilhui: “Nopa masehualme itztoque san sejco huan san se inincamanal. Yeca ni tamanti cati ama quichihuaj san ipejya cati hueli quichihuase san sejco. Teipa huelis quichihuase san cati inijuanti quinequise. Achi más cuali titemose para tiquinpatilise inincamanal para ayecmo ma quimachilica cati mocamanalhuise.”
Huajca quej nopa TOTECO quichijqui huan yeca quiquetzqui inintequi huan ayecmo quichijque nopa altepet. Quej nopa TOTECO quinsemanqui nopa masehualme campa hueli ipan taltipacti para ma momoyahuaca quej ya quinequiyaya. Huan nopona itoca elqui Babel. (Babel quinequi quiijtos Campa Amo Huelque Momachilíaj Se Ica Seyoc.) Quej nopa itoca pampa nopona TOTECO quipatac inincamanal nochi masehualme cati itztoyaj ipan ni taltipacti para ayecmo huelque momachilíaj. Huan ten nopona TOTECO quinsemanqui campa hueli ipan taltipacti.


Ya ni eltoc inintoca iteipan ixhuihua Sem. Tanqui nopa miyac at huan ome xihuit teipa quema Sem quipiyayaya 100 xihuit, tacatqui ioquichpil Arfaxad. Teipa Sem noja itztoya seyoc 500 xihuit huan quinpixqui más iconehua, tacame huan sihuame.
Huan quema Arfaxad quipixqui 35 xihuit, tacatqui ioquichpil Sala. Teipa Arfaxad noja itztoya seyoc 403 xihuit huan quinpixqui más iconehua, tacame huan sihuame.
Sala quipiyayaya 30 xihuit quema tacatqui ioquichpil Heber. Huan teipa Sala noja itztoya seyoc 403 xihuit huan quinpixqui más iconehua, tacame huan sihuame.
Heber quipiyayaya 34 xihuit quema tacatqui ioquichpil cati itoca Peleg. Teipa Heber noja itztoya seyoc 430 xihuit huan quinpixqui más iconehua, tacame huan sihuame.
Huan quema Peleg quipixqui 30 xihuit, tacatqui ioquichpil Reu. Huan teipa Peleg noja itztoya seyoc 209 xihuit huan noja quinpixqui más iconehua, tacame huan sihuame.
Reu quipiyayaya 32 xihuit quema tacatqui ioquichpil Serug. Teipa Reu noja itztoya seyoc 206 xihuit huan quinpixqui más iconehua, tacame huan sihuame.
Huan quema Serug quipixqui 30 xihuit, tacatqui ioquichpil Nacor. Huan teipa Serug noja itztoya seyoc 200 xihuit huan quinpixqui más iconehua, tacame huan sihuame.
Nacor quipiyayaya 29 xihuit quema tacatqui ioquichpil Taré. Teipa Nacor noja itztoya seyoc 119 xihuit huan quinpixqui más iconehua, tacame huan sihuame.
Huan Taré ya quipixtoya 70 xihuit quema tacatque ioquichpilhua Abram, Nacor huan Harán.

Ama ya ni inintoca iteipan ixhuihua Taré. Taré elqui itata Abram, Nacor huan Harán. Huan teipa Harán elqui itata Lot. Huan Harán nojquiya quinpixqui ome iichpocahua. Se itoca Isca huan se itoca Milca. Pero Harán mijqui quema ayemo miquiyaya itata huan quema nochi inijuanti noja mocahuayayaj para itztose nopona campa tacatque ipan nopa altepet cati itoca Ur ipan nopa tali campa itztoyaj nopa caldeos.
Huan Abram mosihuajti ihuaya Sarai. Huan Nacor mosihuajti ihuaya imachcone, Milca, cati elqui iichpoca Harán. Huan Sarai eliyaya se sihuat cati amo hueliyaya quinpiya coneme.
Taré itztoya ipan altepet Ur ipan nopa tali campa itztoyaj nopa caldeos huan quisqui para yas ipan tali Canaán. Huan Taré quinhuicac itelpoca Abram, huan iyex, Sarai, huan iixhui, Lot, cati eliyaya itelpoca nopa mijcatzi Harán. Pero quema inijuanti ajsitoj ipan altepet Harán, mocajque nopona. Huan nopona mijqui Taré quema quipiyayaya 205 xihuit.

Klausytis GÉNESIS 11