Bible without Deuterocanon in Nahuatl, Huasteca Central (MX:nch:Nahuatl, Huasteca Central )

Icamanal Toteco

<div class="version vid751 iso6393nch" data-vid="751" data-iso6393="nch">
    <div class="book bkGEN">
        <div class="chapter ch12" data-usfm="GEN.12">
            <div class="label">12</div><div class="s"><span class="heading">TOTECO quinotzqui Abram</span></div><div class="p"><span class="content">  </span><span class="verse v1" data-usfm="GEN.12.1"><span class="label">1</span><span class="content">TOTECO ya quiilhuijtoya Abram:</span></span></div><div class="p"><span class="verse v1" data-usfm="GEN.12.1"><span class="content">&#8220;Xijcajtehua motal, huan moteixmatcahua huan ichaj motata. Huan xiya hasta se tali cati nimitznextilis.</span></span></div><div class="q"><span class="verse v1" data-usfm="GEN.12.1"><span class="content">  </span></span><span class="verse v2" data-usfm="GEN.12.2"><span class="label">2</span><span class="content">Huan nimitzmacas miyac moixhuihua,</span></span></div><div class="q"><span class="verse v2" data-usfm="GEN.12.2"><span class="content">huan niquinmiyaquilis moteipan ixhuihua hasta elise tahuel miyaqui masehualme ipan inintal.</span></span></div><div class="q"><span class="verse v2" data-usfm="GEN.12.2"><span class="content">Nimitztiochihuas huan nijchihuas para campa hueli nochi ma mitzixmatica.</span></span></div><div class="q"><span class="verse v2" data-usfm="GEN.12.2"><span class="content">Huan tielis se tatiochihualisti para sequinoc.</span></span></div><div class="q"><span class="verse v2" data-usfm="GEN.12.2"><span class="content">  </span></span><span class="verse v3" data-usfm="GEN.12.3"><span class="label">3</span><span class="content">Niquintiochihuas inijuanti cati mitztiochihuase.</span></span></div><div class="q"><span class="verse v3" data-usfm="GEN.12.3"><span class="content">Huan inijuanti cati mitztelchihuase, niquintelchihuas.</span></span></div><div class="q"><span class="verse v3" data-usfm="GEN.12.3"><span class="content">Huan niquintiochihuas nochi masehualme ipan taltipacti por ta.&#8221;</span></span></div><div class="p"><span class="verse v3" data-usfm="GEN.12.3"><span class="content">  </span></span><span class="verse v4" data-usfm="GEN.12.4"><span class="label">4</span><span class="content">Huajca Abram quisqui quej TOTECO quinahuatijtoya huan quipiyayaya 75 xihuit quema quisqui ipan altepet Har&#225;n para yas tali Cana&#225;n. </span></span><span class="verse v5" data-usfm="GEN.12.5"><span class="label">5</span><span class="content">Huan quihuicac isihua Sarai huan imachcone Lot. Nojquiya Abram quihuicac nochi nopa miyac tamanti huan tapiyalme cati quinpiyayaya huan nochi itequipanojcahua cati hualajtoyaj ihuaya ten altepet Har&#225;n pampa quincojtoya para iaxcahua.</span></span></div><div class="p"><span class="verse v5" data-usfm="GEN.12.5"><span class="content">  </span></span><span class="verse v6" data-usfm="GEN.12.6"><span class="label">6</span><span class="content">Huan quema inijuanti ajsitoj ipan tali Cana&#225;n, Abram quipanoc nopa tali hasta ajsitoj campa eltoc nopa hueyi ahua cuahuit cati itoca More nechca altepet Siquem. Ipan nopa tonali itztoyaj cananeos ipan nopa tali. </span></span><span class="verse v7" data-usfm="GEN.12.7"><span class="label">7</span><span class="content">Huan nopona TOTECO monexti ica Abram huan quiilhui: &#8220;Ni tali niquinmacas moteipan ixhuihua.&#8221;</span></span></div><div class="p"><span class="verse v7" data-usfm="GEN.12.7"><span class="content">Huajca Abram quichijqui se taixpamit nopona para TOTECO cati monextijtoya ica ya. </span></span><span class="verse v8" data-usfm="GEN.12.8"><span class="label">8</span><span class="content">Teipa yajqui itztoti campa tepeco tatajco altepet Betel huan campa quisa tonati huan nopona quiquetzqui ichaj ten yoyomit. Altepet Betel mocahuayaya ica iarravesco para campa temo tonati. Huan altepet Hai mocajqui ica inejmat para campa quisa tonati. Huan nopona Abram quichijqui seyoc taixpamit huan quihueyichijqui TOTECO. </span></span><span class="verse v9" data-usfm="GEN.12.9"><span class="label">9</span><span class="content">Teipa sempa pejqui nejnemi hasta nopa tali cati itoca Neguev.</span></span></div><div class="s"><span class="heading">Abram yajqui tali Egipto</span></div><div class="p"><span class="verse v9" data-usfm="GEN.12.9"><span class="content">  </span></span><span class="verse v10" data-usfm="GEN.12.10"><span class="label">10</span><span class="content">Ipan nopa tonali amo oncayaya tacualisti ipan nopa tali pampa amo taquiyajtoya. Huajca Abram yajqui para itztoti ipan tali Egipto para se ome xihuit, pampa nel&#237;a amo teno oncayaya para quicuase campa itztoyaj. </span></span><span class="verse v11" data-usfm="GEN.12.11"><span class="label">11</span><span class="content">Huan quema ajsitiyahuiyayaj Egipto, Abram quiilhui isihua Sarai: &#8220;Xiquita, cuali nijmati para nel&#237;a tiyejyectzi, </span></span><span class="verse v12" data-usfm="GEN.12.12"><span class="label">12</span><span class="content">huan quema nopa egiptome mitzitase, quiijtose: &#8216;Ni sihuat, ya isihua ni tacat. Huajca ma tijmictica huan nopa sihuat elis toaxca.&#8217; </span></span><span class="verse v13" data-usfm="GEN.12.13"><span class="label">13</span><span class="content">Yeca para ma amo teno nopantis, xiquijtos para tinoicni. Quej nopa techselise ica yejyectzi por ta, huan amo nimiquis.&#8221;</span></span></div><div class="p"><span class="verse v13" data-usfm="GEN.12.13"><span class="content">  </span></span><span class="verse v14" data-usfm="GEN.12.14"><span class="label">14</span><span class="content">Huajca quej nopa mocajque huan quema ajsitoj ipan tali Egipto, nopa egiptome quiitaque para Sarai eliyaya nelyejyectzi. </span></span><span class="verse v15" data-usfm="GEN.12.15"><span class="label">15</span><span class="content">Huan nojquiya quiitaque nopa huejhueyi tacame cati itztoyaj ichaj nopa hueyi Tanahuatijquet Fara&#243;n huan quiilhuitoj nopa tanahuatijquet para nopa sihuat eliyaya nelyejyectzi. Huajca Fara&#243;n quinnahuati ma quihuicaca ichaj para quicualtalis para teipa elis isihua.</span></span></div><div class="p"><span class="verse v15" data-usfm="GEN.12.15"><span class="content">  </span></span><span class="verse v16" data-usfm="GEN.12.16"><span class="label">16</span><span class="content">Huan pampa quiixtocac Sarai, Fara&#243;n quiseli Abram ica cuali. Huan Fara&#243;n quimacac Abram borregojme, huacaxme, burrojme, camellos huan tequipanohuani ten tacame huan sihuame para ma elica iaxcahua.</span></span></div><div class="p"><span class="verse v16" data-usfm="GEN.12.16"><span class="content">  </span></span><span class="verse v17" data-usfm="GEN.12.17"><span class="label">17</span><span class="content">Pero TOTECO quitatzacuilti nopa Fara&#243;n inihuaya nochi cati itztoyaj ipan ichaj ica cocolisti cati m&#225;s fiero pampa Sarai itztoya ipan ichaj. </span></span><span class="verse v18" data-usfm="GEN.12.18"><span class="label">18</span><span class="content">Yeca nopa Fara&#243;n quinotzqui Abram iixpa huan quiajhuac. Quiilhui: &#8220;&#191;Para ten techchihuilijtoc ni tamanti? &#191;Para ten amo techilhui para ni sihuat eliyaya mosihua? </span></span><span class="verse v19" data-usfm="GEN.12.19"><span class="label">19</span><span class="content">Ta tiquijto para ya moicni huan yeca nimocuili. Xiquita, nica itztoc. &#161;Xijhuica huan ya xiya!&#8221;</span></span></div><div class="p"><span class="verse v19" data-usfm="GEN.12.19"><span class="content">  </span></span><span class="verse v20" data-usfm="GEN.12.20"><span class="label">20</span><span class="content">Huajca nopa Fara&#243;n quinnahuati imasehualhua ma quicahuilica Abram ma quisa ipan nopa tali ihuaya isihua huan ica nochi cati quipixtoya.</span></span></div>
        </div>
    </div>
</div>

TOTECO ya quiilhuijtoya Abram:
“Xijcajtehua motal, huan moteixmatcahua huan ichaj motata. Huan xiya hasta se tali cati nimitznextilis.
Huan nimitzmacas miyac moixhuihua,
huan niquinmiyaquilis moteipan ixhuihua hasta elise tahuel miyaqui masehualme ipan inintal.
Nimitztiochihuas huan nijchihuas para campa hueli nochi ma mitzixmatica.
Huan tielis se tatiochihualisti para sequinoc.
Niquintiochihuas inijuanti cati mitztiochihuase.
Huan inijuanti cati mitztelchihuase, niquintelchihuas.
Huan niquintiochihuas nochi masehualme ipan taltipacti por ta.”
Huajca Abram quisqui quej TOTECO quinahuatijtoya huan quipiyayaya 75 xihuit quema quisqui ipan altepet Harán para yas tali Canaán. Huan quihuicac isihua Sarai huan imachcone Lot. Nojquiya Abram quihuicac nochi nopa miyac tamanti huan tapiyalme cati quinpiyayaya huan nochi itequipanojcahua cati hualajtoyaj ihuaya ten altepet Harán pampa quincojtoya para iaxcahua.
Huan quema inijuanti ajsitoj ipan tali Canaán, Abram quipanoc nopa tali hasta ajsitoj campa eltoc nopa hueyi ahua cuahuit cati itoca More nechca altepet Siquem. Ipan nopa tonali itztoyaj cananeos ipan nopa tali. Huan nopona TOTECO monexti ica Abram huan quiilhui: “Ni tali niquinmacas moteipan ixhuihua.”
Huajca Abram quichijqui se taixpamit nopona para TOTECO cati monextijtoya ica ya. Teipa yajqui itztoti campa tepeco tatajco altepet Betel huan campa quisa tonati huan nopona quiquetzqui ichaj ten yoyomit. Altepet Betel mocahuayaya ica iarravesco para campa temo tonati. Huan altepet Hai mocajqui ica inejmat para campa quisa tonati. Huan nopona Abram quichijqui seyoc taixpamit huan quihueyichijqui TOTECO. Teipa sempa pejqui nejnemi hasta nopa tali cati itoca Neguev.

Ipan nopa tonali amo oncayaya tacualisti ipan nopa tali pampa amo taquiyajtoya. Huajca Abram yajqui para itztoti ipan tali Egipto para se ome xihuit, pampa nelía amo teno oncayaya para quicuase campa itztoyaj. Huan quema ajsitiyahuiyayaj Egipto, Abram quiilhui isihua Sarai: “Xiquita, cuali nijmati para nelía tiyejyectzi, huan quema nopa egiptome mitzitase, quiijtose: ‘Ni sihuat, ya isihua ni tacat. Huajca ma tijmictica huan nopa sihuat elis toaxca.’ Yeca para ma amo teno nopantis, xiquijtos para tinoicni. Quej nopa techselise ica yejyectzi por ta, huan amo nimiquis.”
Huajca quej nopa mocajque huan quema ajsitoj ipan tali Egipto, nopa egiptome quiitaque para Sarai eliyaya nelyejyectzi. Huan nojquiya quiitaque nopa huejhueyi tacame cati itztoyaj ichaj nopa hueyi Tanahuatijquet Faraón huan quiilhuitoj nopa tanahuatijquet para nopa sihuat eliyaya nelyejyectzi. Huajca Faraón quinnahuati ma quihuicaca ichaj para quicualtalis para teipa elis isihua.
Huan pampa quiixtocac Sarai, Faraón quiseli Abram ica cuali. Huan Faraón quimacac Abram borregojme, huacaxme, burrojme, camellos huan tequipanohuani ten tacame huan sihuame para ma elica iaxcahua.
Pero TOTECO quitatzacuilti nopa Faraón inihuaya nochi cati itztoyaj ipan ichaj ica cocolisti cati más fiero pampa Sarai itztoya ipan ichaj. Yeca nopa Faraón quinotzqui Abram iixpa huan quiajhuac. Quiilhui: “¿Para ten techchihuilijtoc ni tamanti? ¿Para ten amo techilhui para ni sihuat eliyaya mosihua? Ta tiquijto para ya moicni huan yeca nimocuili. Xiquita, nica itztoc. ¡Xijhuica huan ya xiya!”
Huajca nopa Faraón quinnahuati imasehualhua ma quicahuilica Abram ma quisa ipan nopa tali ihuaya isihua huan ica nochi cati quipixtoya.

Klausytis GÉNESIS 12