Tobikisami Mpo Na Kosala | Eteni 4Mwa ndambo

NZAMBE AZALI TROP FILÉE PO A ÉCHEC

Nzambe azongeli bobele maloba yango: “Nzambe na Abalayama, na Yisaka mpe na Yakobo” mpo na komonisa bosembo na ye, kondimana na ye elongo na Abalayama mpe ekateli na ye ya kokokisa bilaka oyo apesaki Abalayama. Nzambe azali koyebisa Ba Ebre’ ete alakaki Abalayama kaka te et akokisa elaka na ye, kasi azali sembo mpe akoki kokokisa likambo oyo alakaki. Bilaka ya Nzambe ekeseni mpenza na oyo ya bato. Moto akoki kolaka yo likolo mpe na mabele, kasi akokisa ata moko na yango te. Basusu kati na bango bakokisaka bilaka na bango te mpo bazali na mposa ya kosala yango te kasi mpo bazali na makoki ya kokokisa yango te. Basusu bazali kokwea te mpo ete bazangi makoki te ya kosala yango. Basusu bazali kokwea te mpo ete bazangi makoki ya kosala yango kasi bazali na mposa te ya kokokisa oyo nyonso balakaki yo. Kasi soki Nzambe azali kolaka yo, elingi koloba ete azali na mposa, na makoki mpe bosembo ya kokokisa yango. Soki kaka alakaki yo, maloba na ye moko nde ekotinda yo okanga ye. Nzambe azalaki koloba na Yisalaele ete; Nazali na bomoi libela na libela mpe mpo na libela nazali sembo. Ntango ozali na mikakatano, kotya ntembe te été Nzambe azali sembo epai na yo.

Ngai naye kotala bino ; Nzambe alingaki kondimisa bango makambo oyo alobaki na bango liboso. Nzambe aye mpo na kobikisa yo, asalaka yango te kaka mpo na yo moko, Te. Asalaka bongo mpo na kokomisa yo mosali ya nsango malamu mpo na komema milimo mingi epai na Klisto. Baninga na yo boni babongoli mitema ? Ozali na mokumba ya koteya bato ya libota mpe baninga na yo makambo ya Klisto. Kobosana bango te, okomata bango na mobembo oyo ya kondima. Bango mpe bazali na mposa été Klisto oyo abongoli bomoi na yo, teya bango liloba na Nzambe na mokano ya kobenda bango epai na Klisto.

Wana tozali kosalela Nzambe, tobosana te été tozali kosalela Nzambe moko ya sembo oyo azali sembo mingi mpe tobosana te balingami na biso. Na bantango mosusu tozalaka na likanisi ya kokende kaka kosakola Klisto na bato ya mosika wana tozali kobosana bato oyo ya mabota na biso to bazalani na biso. Yosua azalaki komibanzabanza mingi mpo na libota na ye, yango wana aponaki kosalela Nzambe elongo na libota na ye. Yo mpe osengeli kozwa ekateli ya ndenge wana.

Libondeli: Tata Nzambe, nandimi été ozali, ozali na nguya mingi mpe ozali sembo mingi mpo na kokwea. Oleki mikakatano na ngai na monene, oleki banguna na ngai na makasi, eloko moko te mpe moto moko te akoki kopekisa yo kokokisa bilaka na yo na bomoi na ngai. Natyeli yo motema na yango nakoyokisama nsoni ata moke te. Nazali kozwa ntango oyo mpo na kobondela mpo na balingami na ngai nyonso oyo bamoni nano te pole na yo été bangengisama lelo na nkombo ya Yesu. Nakokanga monoko te mpo na lobiko ya balingami na ngai. Nazali kokana babika na nkombo ya Yesu. Amen.

Botangi mosusu: Ebandeli 50:24|Yoshua 21:45|Baloma 8:28-30|2Timote 4:7-8|