Tika Lisano Ya Kopamela Basusu | Eteni 3Mwa ndambo

BOKELI MPE MAYELE YA SIKA

Yesu azali kaka te nzela moko ya kokende epai ya Tata, kasi azalaka na nzela moko te ya kosilisaka mikakatano. Azalaki na bozalisi mpe na mayele ya sika mpo na kosilisa mikakatano. Mpe ata lelo oyo Nzambe azali na myango ndenge na ndenge mpo na kosilisa mikakatano na biso; tosengeli te kotyela ye bandelo mpe koyebisa ye lolenge nini asengeli kosilisa mikakatano na biso. Tika Nzambe asala mokano na ye kati na bomoi na biso mpo ete ye nde Moyemi na biso. Mpona kobikisa Balatime, Yesu atunaki ye soki alingi nini? Mpe abikisaki ye mbala moko, Na pisini ya Betesaida, Yesu mpe asimbaki miso ya mokufi miso, kasi moto yango akokaki komona polele te, Yesu asimbaki ye mpona mbala ya mibale mpe moto yango amonaki polele; kasi na likambo oyo Yesu azali kosalela potopoto mpo na kofongola miso ya mokufi miso. Ezalaki bobele mokakatano moko ya kokufa miso kasi Yesu asalelaki myango misatu mikeseni mpo na kosilisa yango.

Likamwisi ya Bartime ezali liteya na ntina na kotya likebi, kotya likebi te na makanisi ya bato kasi na Yesu mobandisi mpe mokokisi ya kondima nayo. Likamwisi ya mibale ezali liteya mpo na kozala na motema molai mpe kotyela likambo yango motema, nzokande likamwisi ya misato ezali liteya mpo na botosi.

Tika ete tozala lokola Yesu na maye matali bozalisi mpe mayele ya sika. Bozalisi na mayele ya sika ebotaka bofuluki na lolenge oyo ekoki kotyelama ntembe te soki ozangi bozalisi na mayele ya sika okokende liboso te. Yekola epai ya baninga kasi kokoma momekoli na bango te. Moto moko alobi: “Komekola ezali komityela ndelo”. Nandimeli ye mpo ete fotokopi etalelaka kaka ebandeli.

Libondeli: Tata Nzambe, natondi yo mpo na ezaleli ya kokesana na bato mosusu oyo otye kati na ngai mpe nandimi ete ekomonana na bomoi na ngai mpe ekopesa bopusi malamu na mabota oyo makokolanda mpo na nkombe ya nkombo na yo. Na nkombo na Yesu nazali kobondela mpe nandimi, AMEN.

Botangi mosusu: Malako 10:46-52| Malako 8:24-26| Ba Efeso 5:17| Matayo 19:26| Nzembo 78:41|Ebandeli 1:1|Ba Efeso 2: 10| Baloma 1:20| Kobima 35:31|