Tika Lisano Ya Kopamela Basusu | Eteni 8Mwa ndambo

YESU AMIBANZAKABANZA MPO NA YO

Eyano ya moto yango epai na Yesu ezali mpenza elilingi ya makambo oyo mingi kati na biso tozali kokutana na yango kati na bomoi na biso oyo ezali kozanga elikya, kozanga baninga, mpe moimi ya bomoto. Kanisa ete moto oyo azali awa na boumeli ya mbula 38 mpe moto moko te azali komibanzabanza mpo na kosunga ye ete akota na mai, mokili ezalaka boye. Yango emonisaki mpenza ezaleli ya bato ya moimi. Moto na moto azalaki komibanzabanza mpo na ye moko. Ezali yango nde tozali komona lelo oyo kati na bituluku na biso bokeseni. Kotyela bato motema te, kasi nde Nzambe.

Komitungisa te, okoki kozala na moto moko te mpo na kosalisa yo mpe mpo na kokutanisa yo ya bato, nalingi koyebisa yo ete Yesu azali moto, mpe moto oyo abongi mpenza mpo na likambo yango. Ozali na mposa ya Anzelu moko te mpo na kobulungisa mai lisusu mpamba te Yesu azali mai ya bomoi azali awa elongo na biso. Ndima ya mpe okomona ndenge na yo ekobongwana. Kopamela moto moko te mpo ete asalisaki yo te na ntango oyo ozalaki na mposa ya lisalisi na ye. Yesu , moto oyo aleki bato nyonso na ezaleli ya koluka matomba ya bato mosusu, azali komibanzabanza mpo na yo.

Libondeli: TataNzambe, natondi yo mpo na bolingo mpe ngolu na yo na bomoi na ngai. Natye elikya na ngai epai na yo mpe bobele epai na yo, mpamba te nayebi ete baoyo bazali kotyela yo motema bakoyokisama nsoni soko moke te. Nazali na elikya ete o kotika ngai te mpe okobwaka ngai te. Na nkombo na Yesu nazali kobondela mpe kondima, AMEN.

Botangi mosusu: Jeremi 17:5-8 | Matayo 6:25-26 | 1 Petelo 5:7 | Yoane 19:26-27 | Lisese 3:5-8 | Nzembo 40:4 | Nzembo:3-4 |