Tika Lisano Ya Kopamela Basusu | Eteni 8Mwa ndambo

OLINGI KOBIKISAMA?

Yesu ayebaki mpe asosolaki ezalela ya moto wana oyo azalaki na makoki ya kosala eloko te. Moto moko te akoki kososola mpe komibanzabanza mpo na yo lokola Yesu azali kosala yango. Ayebi yo malamu koleka yo moko. Ayebaki liboso ete obotama kati na libumu ya mama na yo. Elembeteli ete Yesu azali komibanzabanza mpo na biso ezali ete Ye nde abandaki mosala ya kobikisa, moto oyo azangaki makoki ya kotambola abengaki Yesu te, kutu ayebaki te ete Yesu azalaki wana mpe ayebaki te soki Yesu te soki Yesu azalaki nani, kasi Yesu ayebaki ye.

Olingi mpenza kobikisama? Motuna wana ezalaki mpo na kolamwisa elikya na mokakatani oyo mpe mpo na komona lolenge nini azalaki na mposa makasi ya kobikisama. Omikundola ete azalaki na pisini wana na boumeli ya mibu 38. Na bantango mosusu Yesu akotuna biso mituna mpo na kozongisa elikya na biso oyo ekufa na bomoi mpe kotinda biso na kozala na mposa ya eloko oyo alingi kopesa biso. Alingi komona soki tozali mpenza na mposa ya makambo oyo tozali na mposa na yango epai na ye. Nalingi oyeba ete motuna wana etalelaka te kobikisama ya nzoto mpamba, kasi mpe kobikisama ya molimo. Olingi kobikisama? Olingi kobikisama na masumu na yo? Soki eyano na yo na mituna oyo ezali Hiyo, Bondela elongo na ngai.

Libondeli: Tata Nzambe, nandimi na mwana na yo bobele moko Yesu Klisto, nandimi ete akufaki mpe asekwaki lisusu; nandimi ete azali mobikisi mpe Nkolo na ngai. Nazwi ekateli ya kolanda mpe kosalela Ye mikolo nyonso ya bomoi na ngai. Matondi mingi Yesu. AMEN.

Botangi mosusu: Yoane 3:16 | Baloma 6:14 | Abakuke 3:17-18 | Misala 16:30-33 | Nzembo 3:8 | Baloma 9:10-11 |