Bibilia Ya BanaMwa ndambo

Bongo likolo na nse isilaki kosalama mpe ebele na yango nyonso. Nzambe akamataki Adamu, na Eva mpe atiaki bango na elanga na Edeni.

Nyoka alekaki nyama nyonso na mokili na mayele mabe, oyo Yawe Nzambe asilaki kojalisa. Alobaki na mwasi ete, Nzambe alobaki solo ete bino bokoki kolia mbuma na njete nyonso na elanga te?

Mwasi ajongiselaki nyoka ete, Tokoki kolia mbuma na njete na elanga. Kasi mpe na mbuma na njete yango katikati na elanga Nzambe alobi ete, Bino bokolia yango te, mpe bokomama yango te ete bokufa te.

Nyoka alobaki na mwasi ete, Bino bokokufa solo te, mpo ete Nzambe ayebi ete na mokolo bokolia yango, miso na bino makofungwa, mpe bino bokojala pelamoko na Nzambe, koyeba malamu mpe mabe. Emonaki Eva ete njete ejalaki malamu na kolia, akamataki mbuma yango mpe aliaki.

Mpe apesaki na mobali na ye Adamu, oyo ajalaki na ye elongo, ye mpe aliaki.

Tango Adamu na Eva basalaki masumu, miso na bango mibale majipwaki, mpe bayebaki ete bajali bolumbu.

Bayokaki mpe mongongo na Yawe Nzambe etambolaki ye na elanga na mpokwa, Yawe Nzambe alobaki ete, Nani alobeli yo ete ojali bolumbu? Mobali alobaki ete, Mwasi oyo yo opesaki ete ajala na ngai, apesi ngai mbuma na njete yango. Ngai mpe nalei. Mwasi alobaki ete, Nyoka akosi ngai, mpe nalei.

Nzambe alobelaki na Nyoka ete, Mpo ete yo osali likambo oyo, olakami mabe na koleka bibwele nyonso mpe nyama na lisobe nyonso; okotambola na libumu nayo, mpe okolia mabele mikolo nyonso na bomoi na yo. Alobaki na mwasi ete, Nakobakisa mpasi na yo na kobota; okobota bana na mpasi.

Alobaki na Adama ete, Mpo ete oyoki monoko na mwasi na yo, mpe ete osili kolia mbuma na njete epekisaki ngai yo ete, Okolia yango te, mokili elakami mabe na ntina na yo. Okolia na yango na mawa mikolo nyonso na bomoi na yo.

Nzambe abimisaki Adamu na Eva na elanga na Edene,

Nzambe asalaki kasaka na mposo na nyama mpo na Adama mpe mwasi na ye mpe alatisaki bango.

Adamu na Eva babotaki mwana-mobali, bongo Eva apesaki ye kombo Kainae, pamba té alobi: “Naboti mwana na lisalisi ya Yawe.” Sima Eva abotaki Abel. Abel azalaki mobokoli ya bameme, pe Kaina azalaki mokoni-bilanga.

Na sima ya mikolo, Kaina amemeli Yawe ndambo ya mbuma ya bilanga na ye, apesi yango libonza. Abel amemi misuni ya kitoko pe ya mafuta ya bana ya liboso ya bameme na ye. Nzambe andimi Abel na libonza na ye.

Kasi andimi Kaina té ná libonza na ye. Bongo Kaina asiliki mabe penza, pe akangi elongi po na kanda. Yawe alobi na Kaina: “Po na nini osiliki? Po na nini okangi elongi na yo?” Soki osali malamu, okolonga.

Boye Kaina alobi na ndeko na ye Abel: “Tókende kotambola.” Tango bakómi na bilanga, Kaina akangi leki na ye pe abomi ye.

Nzambe atuni Kaina: “Leki na yo Abel azali wapi?” Ye azongisi: “Nayebi té. Nakómi mokengeli ya leki na ngai?” Yawe alobi: “Po na nini osali likambo ya somo boye? Makila ya leki na yo ezali kolelela ngai uta na mabelé. Yango moto ekomemela yo etumbu; pamba té esi’emeli makila ya leki na yo oyo otàngisi. Soki okoni biloko, ekobota te.

Bongo Kaina alongwaki na pembeni ya Yawe penepene ya Eden, pe akendeki kofanda na mabelé ya Nod, na epai moi ebimaka. Sima ya mikolo, Kaina ná mwasi na ye babotaki mwana-mobali, kombo na ye Henok.

Na ntango wana, libota ya Adamu na Eva ekomaki munene mpe batu bazalaki koumela mingi koleka ntango ya lelo.

Adamu ná mwasi na ye Eva babotaki mwana mosusu ya mobali, bongo Eva apesi ye *kombo Set, pamba té alobi: “Nzambe apesi ngai lisusu mwana na esika ya Abel, oyo Kaina abomaki. Bongo bomoi na ye nyonso ezalaki ya mbula 912, sima akufaki.

Bato babandaki kokóma mingi na mokili mobimba. Nzambe ayokaki mawa po asalaki bato pe atiaki bango na mokili. Motema na ye etondaki na mawa. Bongo alobi: “Nakoboma bato nyonso oyo nasalaki.

Na banyama nyonso pe bandeke nyonso; pamba té nazali na mawa po nasalaki bango. Kasi ezali na moto moko oyo azalaki malamu na miso na Nzambe.

Moto oyo ajali Noé. Bobele Noé azalaki azalaki moto malamu pe ya bosembo, azalaki kotosa Nzambe. Nzambe atalaki mokili, mpe amonaki ete bato nyonso bazalaki bato mabe. Bongo alobi na Noa: “Nasi nakani kosilisa bato nyonso.

Suka