Bibilia Ya BanaMwa ndambo

Nani akela biso? Bibilia, liloba na Nzambe, elobi ndenge nini mabota ya bato ebanda. Kala, Nzambe akeli moto ya liboso na putulu Ya mabele mpe abengi na kombo ya adamu. Ntango Nzambe afuli mpema na bomoyi kati adamu, akomi moto na bomoyi. Amikuti na elanga kitoko ya edeni.

Yambo Nzambe akela Adamu, akelaki mokili kitoko mpe atondisaki yango na biloko ya kitoko. Moke moke Nzambe asalaki ba ngomba na bisobe, ba fololo ya solo ya malasi na ba nzete yaminene, ba ndeke na masala ezo ngela, ba nzuyi na matiti mobesu, Nzambe asalaki biloko nyonso oyo ezali-nyonso.

Na ebandeli na nionso, yambo Nzambe asala eloko nyonso, eloko ata moko te ezalaki kaka Nzambe. Bato te, bisika te tope eloko te. Pole te molili pe te. Likolo na nase ezalaki te. Lobi moleki na lobi moleki bizaleki te. Ezalaki kaka Nzambe oyo azanga ebandeli. Sima Nzambe asali.

Na ebandeli, Nzambe akelaki lola mpe mabele.

Mokili ezangaki lolenge mpe mpamba; mpe molili ezalaki na likolo na bisika ya mozindo. Nzambe alobaki ete, Tika pole ejala.

Mpe pole ejalaki. Nzambe abiangaki pole mokolo, mpe molili abiangaki butu, mpe mpokwa na ntongo izalaki mokolo ya yambo.

Mokolo na mibale. Nzambe asalaki etando monene mpe akabolaki mayi majalaki na nse na etando na mayi majalaki na likolo na etando; mpe esalemaki.

Nzambe alobaki ete, Tika mokili ebimisa matiti mpe bafololo na ba nzete mpe ebima. Mpe ebimaki. Mpe mpokwa na ntongo izalaki mokolo ya misato.

Nasima Nzambe asali moyi, mpe sanza, na minjoto ebele oyo moto ata moko te aja na makoki ya tanga, mpe mpokwa na ntongo eye wana mokolo ya minei.

Bikelamu ya ebale ba mbisi na ndeke balandaki na bokelami ya Nzambe. Na mokolo ya mitano akela ki ba mbisi ya minene mpe ya mike. Ba ndeke ya minene mpe ya mike. Nzambe akela lolenge nyonso ya ba ndeke ko tondisa mabele mpe mapata.

Nzambe alobaki ete, Tika mokili ebota nyama na bomoi na ndenge na yango, nyama minene mpe nyama na kolandaka mpe nyama na mokili na ndenge na yango. Nzambe ajalisaki nyama na mokili na ndenge na yango, nyama minene na ndenge na yango, mpe nyama yonso ikolandaka na mokili na ndenge na yango; mpe Nzambe amonaki ete ejalaki malamu. Mpe mpokwa na ntongo ijalaki, oyo mokolo na motoba.

Nzambe akelaki eloko mosusu na mokolo ya motoba. Eloko ya kipeke mpeza. Biloko nyonso ekokisamaki pona moto. Bileyi mpe ba niama mpona kosalela ye. Na sima Nzamba alobaki ete, Tika tojalisa moto na Iolenge na biso na elilingi na biso; po azwa bokonji likolo na biloko nyonso na mokili. Bongo Nzambe ajalisaki moto na elilingi na ye mpenja, na elilingi na Nzambe ajalisaki ye.

Nzambe alobi Adamu ete. “okoki kolia oyo olingi na elanga. Kasi kolia te mbuma na njete ya boyebi malamu mpe mabe soki olie okokufa solo.”

Nzambe alobi, Ejali malamu te ete moto ajala ye moko. Nakosalela ye mosungi abongi na ye. Nzambe ajalisaki na mabele nyama yonso na mokili, mpe ndeke nyonso na likolo, mpe amemaki yango epai na moto, Adamu apesaki nkombo na ban yama nyonso. Esengela aza mayele pona kosala yango; kasi mosungi mobongi na moto ajuamaki te.

Nzambe alalisaki Adamu mpongi makasi, alongolaki mokwa moko na mopanji na ye, mpe asala mwasi na mopanzi naye, mwasi oyo Nzambe asalaki azalaki mpeza mosungi oyo asengelaki pona Adamu.

Na mokolo na motoba, Nzambe asilisaki mosala mosalaki ye, Nzambe apambolaki mokolo na nsambo mpe abulisaki yango, mpe alobaki ete ejali mokolo yakopema. Na elanga ya edeni Adamu na Mwasi na ye ba zalaki na sengo ya solo mpe na botosi Nzambe. Nzambe azalaki Nkolo na bango, mopesi mpe moninga.

Suka