Biblia ezali na bomoiMwa ndambo

Biblia ebongolaka bikolo

Ezali ebandeli ya 1800s. Bazwaki mwana mobali moko ya mboka ya Nigeria na libota na ye mobimba mpe batyiaki bango na makasi na kati ya masuwa yaba portugais oyo ebandaki ko kende na Amerika.
Mwana wana ya mobali na libota na ye mobimba bakomaki na bonsomi mpe ba tindaki bango na mboka ya Sierre Leone. Na mboka wana nde bamonaki nguya ya Biblia.
Nsima ya kokoma mokristo, Samuel Ajayi Crowther abandaki koyekola minoko ebele mpe abandaki kokende koteya na bamboka oyo ezali penepepe na Sierra Leone.
Kasi na batango wana nyonso, ye azalaki koyekola Biblia na Anglais mpo ezalaki na Yoruba te – moko ya monoko ya mboka na ye ya Nigeria.
Oyo elakisi ete bato ya Nigéria oyo bayebaki ko lobala na Anglais te - bakokaki ko tanga Liloba na Nzambe te mpona bango moko. Yango wana Ajayi asalaki nyoso mpo na Bibia ekomama na Yoruba.

Ntango asilisaki kokoma Biblia na Yoruba, a kobaki ko koma na minoko misusu oyo elobamaka na mboka na ye ya Nigeria mpo te bato mingi na mboka na ye ba yeba ndenge bomoyi na ye ebongwanaki.

Nasima, Crowther aponamaki " Mokambi monene na mboka ya Niger" na lingomba yaba Anglican, akomaki moto moyindo ya liboso oyo azalaki Mokambi ya lingomba ya ba anglican. Lelo, lingomba ya ba anglican na Nigéria ezali province ya mibale na koleka 18 milio ya bandimi oyo bazwa batisimo.

Nzambe wana oyo a salaki na Crowther alingi mpe kosala na nzela na yo, mpo na kobongola mokili na liloba na ye. Ezali na bato oyo bazali kozela kobongwama na nzela ya Biblia - yo kaka nde ozali na makoki yako sala musala oyo.
Yango wana lelo, senga na Nzambe a lakisa yo nini okoki kosala na lisapo oyo ye azali ko beta mpe tala ndenge azali ko sala koleka nyonso okoki ko senga, ko kanisa to komona , na bomoi na yo.