མར་ཀུ། 16
16
ལེའུ་བཅུ་དྲུག
ཡེ་ཤུ་ཡང་དང་སྐུ་གསོན་པོ་བྱུང་བ།
1དེ་ནས་ངལ་གསོ་བའི་ཉིན་མོ་དེ་རྫོགས་པི་རྗེས་ལེ། མག་དལ་ཡུལ་གྱི་མིར་ཡམ་དིང་། ཡ་ཀོབ་ཀྱི་ཨ་མ་མིར་ཡམ། ཡང་མིང་ལེ་ས་ལོ་མེ་ཟེར་རི་བུ་མའ་གསུམ་པོ་དེས་ཡེ་ཤུའི་སྐུ་ཕུང་ལེ་འབྱུག་རྒྱུ་ཆེད་དུ། སྤོས་ཀྱི་དྲི་མ་ཞིམ་རི་ཞིམ་ཚད་ཉོས་ཏེ། 2གཟའ་ཉིན་མའི་སྔ་དྲོ་ཉི་མ་མ་ཤར་ཚོད་ལེ། ཁོང་གི་ཕུང་པོ་སྦས་འོད་ཡོད་བྲག་ཕུག་ལེ་བུད་དི་དིག 3ཡིན་ནའང་། བུ་མའ་གསུམ་པོ་དེས་གཅིག་གིས་གཅིག་ལེ་བྲག་ཕུག་གི་ཁ་ལེ་བཀག་སྟེ་བོར་འོད་ཡོད་རྡོ་ཕོང་གན་ཆེན་པོ་དེ། མི་སུ་ཞིག་གིས་འུ་ཀྱ་ཀྱི་ཆེད་དུ་ཕ་ལེ་འཕུལ་རོགས་བགྱིད་མཁན་འབྱོར་རྒྱུ་ཟིན་ལབ་གླེང་བགྱིད་འོད་དིག 4ཡིན་ནའང་། བུ་མའ་གསུམ་པོ་ཀྱ་ཀྱིས་ཡེ་ཤུའི་ཕུང་པོ་སྦས་ས་ལེ་མ་སླེབ་ཚོད། མིག་ཡར་ལེ་ལྟ་རྒྱ། བྲག་ཕུག་གི་ཁ་ལེ་བཀག་སྟེ་བོར་འོད་ཡོད་རྡོ་ཕོང་གན་ཆེན་པོ་དེ་ཕ་ལེ་འཕུལ་ཚར་ཏེ། སྒོ་གདང་ངེ་འོད་དི་མཐོང་པི་དིག 5ཡང་བུ་མའ་དེ་ཀྱ་བྲག་ཕུག་ནང་ལེ་འཛུལ་རྒྱ། གོས་དཀར་པོ་གྱོན་འོད་ཡོད་གཞོན་ནུ་ཞིག་གཡས་ཕྱོགས་ལེ་བསྡད་འོད་དི་མཐོང་ཕེན་བུ་མའ་དེ་ཀྱ་འཇུ་གུ་འཇིགས་པི་དིག 6ཡིན་ནའང་། གཞོན་ནུ་ཁོས་ཁོང་ཀྱ་ལེ། ཁྱེད་ཀྱ་འཁྱར་སྣང་མ་བགྱིད་ཅིག གདུང་མ་ཀུ་རུ་ཁའི་ལྟག་ག་ལེ་སྲོག་ཐོག་བཏང་བའི་ནཱ་ཙ་རེལ་གྱི་ཡེ་ཤུ་ཁོང་ལེ། ཁྱེད་ཀྱ་ཀྱིས་འཚོལ་དུ་འོངས་པི་ཡིན་དས། ཁོང་སྐུ་གསོན་པོ་ལེ་བཞེངས་ཏེ་འདི་རུ་མེད། ལྟོས་དང་། ཁོང་གི་སྐུ་ཕུང་འབོར་ས་ནི་འདི་ཡིན་དིག 7ད་ཁྱེད་ཀྱ་ཕ་ལེ་ལོག་རྒྱུགས། ཁོང་གི་སློབ་མ་གཞན་མ་ཀྱ་དིང་། ཡང་པེ་ཏྲོ་ཁོ་ལེ་ཟང་། དེ་སྔོན་ཁོང་གིས་ཁྱེད་ཀྱ་ལེ་ཅི་གསུངས་པའི་ཅོག་འདྲ། ཁོང་ནི་ཁྱེད་ཀྱ་ཀྱི་སྔོན་ལེ་ག་ལིལ་ལུང་པ་ཕེབས་ཚར་རི་དིག ས་ཆ་འོ་དེ་རུ་ཁྱེད་ཀྱ་ལེ་ཁོང་མཇལ་གྱི་དིག་སྨྲོས་ཤིག་ཟིན་བརྫངས་པི་དིག 8དེ་ནས་བུ་མའ་དེ་ཀྱ་དངངས་སྐྲག་དིང་འདར་འཁྲུག་འཁྲུག་ངང་ནས་བྲག་ཕུག་ནས་ཕྱི་ལེ་བྲོས་ཏེ་མི་སུ་ལེ་ཟང་སྐད་ཆ་མ་བཤད་དི་དིག ཅི་ལེ་ཟེར་ནི་བུ་མའ་དེ་ཀྱ་འཇུ་གུ་འཁྱར་རི་དིག
(མར་ཀུས་བྲིས་པའི་གཏམ་བཟང་གི་བཤུས་ཡིག་སྔོན་ཤོས་དེ་ཀྱ་ནང་ལེ། ལེའུ་བཅུ་དྲུག་ནང་ལེ་བྲིས་འོད་ཡོད་ཨང་གྲངས་ 9 ནས་ 20 བར་དུ་བྲིས་མེད་དིག)
ཡེ་ཤུས་ཁོང་རང་མངོན་སུམ་མག་དལ་ཡུལ་གྱི་མིར་ཡམ་ལེ་བསྟན་པ།
9དེ་ནས་ཡང་གཟའ་ཉིན་མའི་སྔ་དྲོ་ཡེ་ཤུ་སྐུ་གསོན་པོ་བཞེངས་ཏེ། དེ་སྔོན་ཁོང་གིས་གདོན་འདྲེ་བདུན་བཏོན་མྱོང་བའི་མག་དལ་ཡུལ་གྱི་མིར་ཡམ་ལེ། ཁོང་རང་སྐུ་གསོན་པོ་ཡིན་དི་མངོན་སུམ་བསྟན་གནང་པི་དིག 10དེ་ནས་མོས་ལམ་ཟང་ཡེ་ཤུའི་སློབ་མ་གཞན་མ་ཀྱ་འོད་ས་ལེ་ཕྱིན་དི་དིག དུས་དེ་རྒྱ་སློབ་མ་ཀྱ་མྱ་ངན་སྲུངས་ཏེ་བསྡད་འོད་ཕེན། མོས་ཅི་མཐོང་བའི་གནས་ཚུལ་དེ་ཁོང་ཀྱ་ལེ་བཤད་ནའང་། 11ཁོང་ཀྱ་ཀྱིས་ཡེ་ཤུ་ཡང་དང་སྐུ་གསོན་པོ་དིང་། ཡང་མིར་ཡམ་གྱིས་ཟང་། ངས་ཁོང་མངོན་སུམ་མཐོང་བྱུང་སྨྲས་པའི་ལབ་དེ་ལེ་ཡིད་ཆེས་མ་བྱས་པི་དིག 12ཡང་དེའི་རྗེས་ལེ། ཁོང་གི་རྗེས་འབྲང་པ་ཀྱ་ནང་ནས་མི་གཉིས་ཡུལ་ལེ་འགྲོ་རྒྱ། ཡེ་ཤུས་རང་གི་སྐུ་གཟུགས་རྣམ་པ་གཞན་ཞིག་ལེ་བརྒྱུར་གནང་སྟེ། ཁོང་གཉིས་ཀྱི་མདུན་དུ་སྐུ་མངོན་སུམ་ཕེབས་འོངས་པི་དིག 13དེ་ནས་མི་གཉིས་པོ་དེ་ཕ་ལེ་ལོག་སྟེ། སློབ་མ་གཞན་མ་ཀྱ་ལེ་གནས་ཚུལ་དེ་བཤད་ནའང་། མི་སུ་ཞིག་གིས་ཟང་ཁོ་གཉིས་ལེ་ཡིད་ཆེས་མ་བྱས་པི་དིག 14ཡང་གནས་ཚུལ་དེའི་རྗེས། སློབ་མ་བཅུ་གཅིག་ཀྱ་ཟ་མ་བཟའ་རྒྱ། ཡེ་ཤུ་ཡང་དང་ཁོང་ཀྱ་ཀྱི་མདུན་དུ་སྐུ་མངོན་སུམ་ཕེབས་འོང་སྟེ། ཁོང་གྲོངས་ཏེ་ཡང་དང་སྐུ་གསོན་པོ་བཞེངས་འོད་དི་མཐོང་མཁན་མི་ཀྱ་ཀྱིས་བཤད་དི་ལབ་དེ་ལེ་ཡིད་ཆེས་མི་བགྱིད་མཁན་ཀྱ་ལེ། ཡེ་ཤུས་ཁྱེད་ཀྱ་ནི་དད་པ་མེད་མེད་དིང་སེམས་གྱོང་པོ་དེ་གི་ཅི་ཡིན་གོ་ཟིན་གསུངས་ཏེ་བཀའ་བཀྱོན་གནང་པི་དིག 15དེ་ནས་ཡེ་ཤུས་ད་ཁྱེད་ཀྱ་འཇིག་རྟེན་ཀུན་ལེ་ཕྱིན་ཏེ། ངའི་གཏམ་བཟང་དེ་མི་ཀྱ་ལེ་ཤོད་ལེད་ཅིག 16ཡང་མི་སུ་ཞིག་གིས་དད་པ་བྱས་ཏེ་ཁྲུས་གསོལ་ལེན་མཁན་དེ་ཀྱ་ལེ་ཐར་པ་འཐོབ་ཀྱི་དིག ཡང་དད་པ་མི་བགྱིད་མཁན་དེ་ཀྱ་ལེ་ཉེས་ཆད་ཕོག་གྱི་དིག 17-18ཡང་ངས་ཁྱེད་ཀྱ་ལེ་ངོ་མཚར་ཆེ་བའི་རྟགས་དེ་ཀྱ་སྟེར་གྱི་ཡིན། ངའི་མིང་གི་བརྒྱུད་ནས་ཁྱེད་ཀྱ་ཀྱིས་གདོན་འདྲེ་བཏུལ་ཐུབ་པི་དིང་། སྐད་རིགས་གཞན་གྱི་སྐད་ལེ་ལབ་ཟེར་རི་མ་ཟད། དུག་སྦྲུལ་ལེ་ལག་གས་འཇུས་ནའང་། དུག་སྦྲུལ་དེས་ཁྱེད་ཀྱ་ལེ་གནོད་སྐྱེལ་ཐུབ་ཀྱི་མ་དིག ཡང་དུག་འཐུང་ནའང་། ཁྱེད་ཀྱ་ཀྱི་སྲོག་ལེ་སྐྱོན་འོང་གྱི་མ་དིག ཡང་ནད་པའི་ལུས་ལྟག་ག་ལག་ག་འབོར་ནི། ནད་པ་དེ་ཀྱ་དྲག་གྱི་དིག་ཟིན་གསུངས་པི་དིག 19ཁོང་ཀྱ་ལེ་འོ་འདི་གི་བཀའ་མོལ་གནང་ཚར་རི་རྗེས་ལེ། དཀོན་མཆོག་གིས་ཡེ་ཤུ་ནམ་མཁའི་ཞིང་མཁས་ལེ་དྲངས་ཏེ། ཁོང་རང་དཀོན་མཆོག་གི་ཕྱག་གཡས་ལེ་བཞུགས་པི་དིག 20དེ་ནས་སློབ་མ་ཀྱ་ཡུལ་ཕྱོགས་ཀུན་ལེ་ཕྱིན་ཏེ། གཏམ་བཟང་བཤད་དི་དིག ཡང་ཇོ་བོ་ཁོང་རང་ཟང་ཁོང་ཀྱ་དིང་སྐྱེན་ལེ་ཕྱག་ལས་གནང་སྟེ། ངོ་མཚར་ཆེ་བའི་རྟགས་བསྟན་གནང་པི་མ་ཟད། གཏམ་བཟང་དེ་བདེན་པ་ཡིན་དི་ར་སྤྲོད་གནང་པི་དིག ། ། །
Currently Selected:
མར་ཀུ། 16: DLPO
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2023 Wycliffe Bible Translators, Inc. All rights reserved.