མར་ཀུ། 13
13
ལེའུ་བཅུ་གསུམ།
མཆོད་ཁང་གཏོར་བཤིག་གཏོང་གི་སྐོར་ལེ་ལུང་བསྟན་པ།
1དེ་ནས་ཡང་ཡེ་ཤུ་མཆོད་ཁང་ནས་ཕྱི་ལེ་ཕེབས་འོང་རྒྱ། སློབ་མ་ཀྱ་ནང་ནས་གཅིག་གིས་ཁོང་ལེ། སློབ་དཔོན། གཟིགས་དང་། རྡོ་ཆེན་པོ་དིང་། ཧ་ལས་པའི་མཁས་པ་བྱས་ཏེ་རྩིག་པ་བརྩིགས་ཏེ་ཁང་པ་རྒྱས་པོ་བརྒྱབ་འདུག་ཨེད་སྨྲས་ཕེན། 2དེ་ནས་ཡེ་ཤུས་ཁོ་ལེ། ད་ལྟ་ཁྱོད་ཀྱིས་ཁང་པ་འདི་རྒྱས་པོ་འཇུ་གུ་འོད་དི་མཐོང་པི་དིག ཡིན་ནའང་། རྗེས་མའི་དུས་ལེ་རྩིག་པའི་རྡོ་གཅིག་ཟང་མ་ལུས་ཏེ་ཡེ་རེ་བཤིག་བོར་གྱི་དིག་ཟིན་གསུངས་པི་དིག
མཐའ་མའི་དུས་ཀྱི་སྐོར་ལེ་ལུང་བསྟན་པ།
3-4དེ་ནས་ཡེ་ཤུ་སྐྱུར་རུ་དེའུ་ལྟག་ག་ལེ་ཕེབས་གནང་སྟེ། མཆོད་ཁང་དིང་ཁ་གཏད་ལེ་བཞུགས་རྒྱ། པེ་ཏྲོ། ཡ་ཀོབ། ཡོ་ཧ་ནན། ཨན་དྲི་ཡཱ་ཁོ་བཞི་པོས་མི་སུ་གཅིག་ཟང་མེད་རྒྱ། ཡེ་ཤུ་ལེ། དོན་དེ་ཀྱ་དུས་ནམ་ཞིག་ལེ་འབྱུང་རྒྱུ་ཡིན་དི་དིང་། ཡང་དོན་དེ་ཀྱ་མ་འབྱུང་བའི་སྔོན་ལེ་རྟགས་དེ་ཅི་ཅི་འོང་འོད་དི་གོ། ཉེད་ཀྱ་ལེ་གསུང་དང་ཟིན་ཞུས་ཕེན། 5ཡེ་ཤུས་ཁོང་ཀྱ་ལེ། མི་སུ་ཞིག་གིས་ཁྱེད་ཀྱ་ལེ་མགོ་སྐོར་མི་གཏོང་གི་ཆེད་དུ་དོགས་ཟོན་གྱིས་ཤིག 6མི་མང་པོ་ཞིག་གིས་ངའི་མིང་ཐོག་ནས་འོངས་ཏེ། སྐྱབས་མགོན་དེ་ང་ཡིན་ཟིན་མི་མང་པོ་ལེ་མགོ་སྐོར་གཏོང་གྱི་དིག 7ཁྱེད་ཀྱ་ཀྱིས་དམག་འཁྲུག་དིང་། དམག་འཁྲུག་ཤོར་རི་ལབ་ཐོས་རྒྱ། འཁྱར་སྣང་མ་བགྱིད་ཅིག དོན་དེ་ཀྱ་ངོ་ཐོག་འོང་གྱི་དིག ཡིན་ནའང་། མཐའ་མའི་དུས་དེ་ད་རུང་མ་སླེབས་འོད་དིག 8ཅི་ལེ་ཟེར་ནི། མི་རིགས་གཅིག་གིས་གཅིག་ལེ་འཁྲུག་འཛིན་བགྱིད་དི་དིང་། རྒྱལ་ཁབ་གཅིག་གིས་གཅིག་ལེ་དམག་འཁྲུག་རྒྱག་གི་དིང་། ས་ཆ་མང་པོ་ལེ་ས་འགུལ་རྒྱག་གི་མ་ཟད། མུ་གེ་ཟང་འོང་གྱི་དིག དོན་དེ་ཀྱ་སྐྱེ་ཟུག་དང་པོ་རྒྱག་གི་ཅོག་འདྲ་ཡིན་དིག 9ཡིན་ནའང་། ཁྱེད་ཀྱ་དོགས་ཟོན་གྱིས་ཤིག མི་ཀྱ་ཀྱིས་ཁྱེད་ཀྱ་འཛིན་བཟུང་བྱས་ཏེ་ཁྲིམས་ར་ལེ་འཁྲིད་འགྲོ་བ་དིང་། ཡ་ཧུ་དཱ་པའི་ཚོགས་ཁང་ཡེ་རེ་ནང་དུ་ཁྱེད་ཀྱ་ལེ་བརྡུང་གྱི་དིག ཡང་ངའི་དོན་ལེ་དཔང་པོ་བགྱིད་རྒྱུ་ཆེད་དུ། ཁྱེད་ཀྱ་ས་གནས་ཀྱི་དཔོན་པོ་དིང་། རྒྱལ་པོ་ཀྱ་ཀྱི་མདུན་དུ་ཟང་འཁྲིད་འགྲོ་གྱི་དིག 10ཡང་དོན་དེ་ཀྱ་མ་བྱུང་བའི་སྔོན་ལེ། ངའི་གཏམ་བཟང་དེ་མི་རིགས་ཀུན་ལེ་ཤོད་དགོས་འོད་དིག 11ཡང་མི་དེ་ཀྱ་ཀྱིས་ཁྱེད་ཀྱ་ལེ་འཛིན་བཟུང་བྱས་ཏེ་ཁྲིམས་གཅོད་བགྱིད་རྒྱ། ཁྱེད་ཀྱ་ཀྱིས་ཅི་ཟེར་དགོས་འོད་མེད་དེའི་སྐོར་ལེ་སེམས་ཁྲལ་བགྱིད་མི་དགོས། དེ་རྒྱ་ཁྱེད་ཀྱ་ལེ་དམ་པའི་ཐུགས་ཉིད་ཀྱིས་གསུངས་པི་དེ་རང་ཤོད་ཅིག ཅི་ལེ་ཟེར་ནི། གཏམ་ཤོད་མཁན་དེ་ཁྱེད་ཀྱ་མན་དིག དམ་པའི་ཐུགས་ཉིད་ཀྱིས་ཁྱེད་ཀྱ་ཀྱི་བརྒྱུད་ནས་གསུངས་ཀྱི་དིག 12དུས་དེ་རྒྱ། སྤུན་གཅིག་གིས་གཅིག་ལེ་གསོད་རྒྱུ་ཆེད་དུ་དིང་། ཨ་ཀྱིས་རང་གི་ཕྲུ་གུ་གསོད་རྒྱུ་ཆེད་དུ་འཆི་བའི་ལམ་ལེ་བསྐྱལ་ལི་དིག ཕྲུ་གུ་ཟང་ཕ་མ་ལེ་དགྲ་ཟིན་བྱས་ཏེ་གསོད་ཀྱི་དིག 13ཡང་ངའི་མིང་གི་དོན་ལེ་མི་ཀུན་གྱིས་ཁྱེད་ཀྱ་ལེ་དགྲ་སྡང་པོ་བགྱིད་ཀྱི་དིག ཡིན་ནའང་། མཇུག་མཐའ་མའི་དུས་བར་དུ་བཟོད་སྒོམ་བགྱིད་མཁན་ཀྱ་ལེ་ཐར་པ་འཐོབ་ཀྱི་དིག 14མདོ་འདི་ཀློག་མཁན་གྱིས་དོན་དག་ཧ་གོ་བར་གྱིས་ཤིག གཏོར་བཤིག་གཏོང་མཁན་སྐྱུག་བྲོ་མོ་གཅིག་སྡོད་མི་འོས་པའི་གནས་ས་ལེ་ལངས་ཏེ་བསྡད་འོད་དི་མཐོང་རྒྱ། ཡ་ཧུ་དཱ་ལུང་པ་ལེ་འོད་ཡོད་མི་ཀྱ་རི་ལེ་འབྲོ་རྒྱུགས་ཤིག#13.14 ཚིགས་བཅད་འདི་ནི་དཱ་ནི་ཨེལ་ལེའུ་ 9 ཨང་ 27 ནང་གཟིགས་རོགས། ཡང་མར་ཀུ་ལེའུ་ 13 ཨང་ 14 ནང་ལེ་གཟིགས་རོགས། 15དེ་རྒྱ་ཁང་ཐོག་ལེ་འོད་ཡོད་མི་ཀྱ་མར་འབབ་སྟེ་ཁྱིམ་ནང་ལེ་རང་གི་རྒྱུ་ནོར་ལེན་དུ་མ་འགྲོ། 16ཡང་ཞིང་ཁ་ལེ་འོད་ཡོད་ཀྱ་ཟང་རང་གི་གོས་ལག་ལེན་དུ་ཕ་ལེ་མ་ལོག་ཅིག 17ཉིན་མ་དེ་ལེ། སྐྱེ་རྒྱུ་འོད་ཡོད་བུ་མའ་དིང་། ཡང་ཕྲུ་གུ་ལེ་འོ་མ་སྟེར་མཁན་ཀྱ་སྙིང་རྗེ། 18ཉིན་མ་དེ་དགུན་ཁའི་དུས་ལེ་མི་འོང་གི་ཆེད་དུ་ཁྱེད་ཀྱ་ཀྱིས་གསོལ་བ་སྨོན་ལམ་ཐོབ་ཅིག 19ཅི་ལེ་ཟེར་ནི། ཉིན་མ་དེ་ལེ། དཀའ་ངལ་ཆེན་པོ་འོང་གི་མ་ཟད། དཀའ་ངལ་ཆེན་པོ་དེ་ཅོག་འདྲ་ཞིག་དཀོན་མཆོག་གིས་འཇིག་རྟེན་བཀོད་པ་ནས་ད་ལྟ་བར་རུ་བྱུང་མྱོང་མེད་དིག ཡང་རྗེས་ལེ་ཟང་རྩ་བ་ནས་འབྱུང་སྲིད་གྱི་མ་དིག 20ཡང་ཇོ་བོ་དཀོན་མཆོག་གིས་ཉིན་མ་དེ་ཉུང་དུ་མ་བཏང་པི་ཡིན་ནི། མི་སུ་ཟང་ཐར་ཐུབ་ཀྱི་མ་དིག ཡིན་ནའང་། ཁོང་གིས་བདམས་པའི་མི་ཀྱ་ཀྱི་ཆེད་དུ། ཉིན་མ་དེ་ཉུང་དུ་བཏང་པི་དིག 21དུས་དེ་རྒྱ་མི་ཀྱ་ཀྱིས་ཁྱེད་ཀྱ་ལེ་ལྟོས་དང་། སྐྱབས་མགོན་འདི་རུ་འདུག ཡང་ནི་ལྟོས་དང་། སྐྱབས་མགོན་དེ་རུ་འདུག་སྨྲས་ནའང་། ལབ་དེ་ལེ་ཡིད་ཆེས་མ་བགྱིད་ཅིག 22ཅི་ལེ་ཟེར་ནི། སྐྱབས་མགོན་རྫུན་མ་དིང་། ལུང་སྟོན་པ་རྫུན་མ་མང་པོ་འཐོན་འོང་གི་མ་ཟད། བདམས་གནང་བའི་མི་ཀྱ་ལེ་ཟང་མགོ་སྐོར་གཏོང་རྒྱུ་ཆེད་དུ། མི་དེ་ཀྱ་ཀྱིས་ཡ་མཚན་གྱི་རྟགས་མང་པོ་སྟོན་སྲིད་ཀྱི་དིག 23ཡིན་ནའང་། ཁྱེད་ཀྱ་ཀྱིས་དོགས་ཟོན་གྱིས་ཤིག དོན་དེ་ཀྱ་མ་འབྱུང་བའི་སྔོན་ནས་ངས་ཁྱེད་ཀྱ་ལེ་བརྡ་བཏང་པི་ཡིན། 24-25ཡིན་ནའང་། དུས་དེ་རྒྱ། དཀའ་ངལ་ཆེན་པོ་དེའི་རྗེས་ལེ། ཉི་མ་སྒྲིབ་སྟེ་ཟླ་བ་ཟང་ཤར་གྱི་མི་དིག སྐར་མ་ཟང་ནམ་མཁའ་ནས་ས་ལེ་འཛར་འོང་གྱི་དིག བར་སྣང་ཁམས་ཀྱི་ནུས་མཐུ་འོད་ཡོད་ཡེ་རེ་གཡོ་འགྲོ་གྱི་དིག 26དུས་དེ་རྒྱ་མིའི་བི་ས་ཁོང་རང་ནུས་མཐུ་དིང་གཟི་བརྗིད་ཆེན་པོའི་ངང་ནས་སྤྲིན་གྱི་ནང་ནས་འོང་གི་མི་ཀྱ་ཀྱིས་མཐོང་གྱི་དིག 27དེ་ནས་ཁོང་གིས་རང་གི་ཕོ་ཉ་ཀྱ་འཇིག་རྟེན་གྱི་ཕྱོགས་བཞི་མཐའ་ལེ་བརྫངས་ཏེ། གནམ་ས་བར་གྱི་ནང་ལེ་འོད་ཡོད་ཁོང་གིས་བདམས་པའི་མི་ཀྱ་སྐྱེན་ལེ་བསྡུ་གྱི་དིག 28ད་ཁྱེད་ཀྱ་ཀྱིས་སྐྱུར་རི་སྡོང་པོའི་དཔེ་ཞིག་ནས་སྦྱོངས་དང་། སྡོང་པོ་དེའི་ཡལ་ག་ལེ་མེ་ཏོག་ཤར་འོང་རྒྱ། དབྱར་ཁ་ཤར་འོང་གི་ཁྱེད་ཀྱ་ཀྱིས་ཧ་གོ་འོད་དི་ཅོག་འདྲ། 29མིའི་བི་ས་ཟང་སྒོ་འགྲམ་ལེ་སླེབས་ཚར་འོད་དི་ཁྱེད་ཀྱ་ཀྱིས་ཧ་གོ་བར་གྱིས་ཤིག 30ང་ཁྱེད་ཀྱ་ལེ་བདེན་ཟེར་རོ། དུས་རབས་འདིའི་མི་རྒྱུད་ཀྱ་རྩ་མེད་མ་འགྲོ་བའི་སྔོན་ལེ་དོན་འདི་ཡེ་རེ་འོང་གྱི་དིག 31ད་གནམ་ས་གཉིས་རྩ་མེད་བུད་ནའང་། ངའི་བཀའ་དེ་ཀྱ་དུས་ནམ་ཟང་རྩ་མེད་འགྲོ་སྲིད་ཀྱི་མ་དིག 32ཡིན་ནའང་། ཉིན་མོ་དེ། ཡང་ནི། དུས་ཚོད་དེའི་སྐོར་ལེ། ངའི་ཡབ་ཀྱིས་པ་རྐྱང་མ་གཏོགས་མི་སུ་ཞིག་གིས་ཟང་ཧ་མི་གོ་འོད་དི་མ་ཟད། དཀོན་མཆོག་གི་ཞིང་ཁམས་ལེ་བཞུགས་མཁན་ཕོ་ཉ་ཀྱ་ཀྱིས་ཟང་ཧ་མི་གོ་འོད་དིག ཡང་ཁོང་གི་སྲས་ཀྱིས་ཟང་ཧ་མི་གོ་འོད་དིག 33ཉིན་མ་དེ་ནི་དུས་ནམ་ཞིག་ལེ་ཡིན་མིན་ཁྱེད་ཀྱ་ཀྱིས་ཧ་མི་གོ་འོད་ཕེན། གཉིད་མ་ལོག དོགས་ཟོན་གྱིས་ཤིག 34ཉིན་མ་དེ་ནི་མི་ཞིག་གིས་རང་གི་ཁྱིམ་གྱི་དབང་ཆ་དིང་། ལས་ཀ་ཡེ་རེ་གཡོག་པོའི་ལག་ག་ལེ་བོར་རི་མ་ཟད། ཡང་སྒོ་སྲུང་མཁན་ལེ་ཟང་། སྒོ་དགའ་མོ་བྱས་ཏེ་སྲུངས་ཤིག་ཟིན་བཀའ་གནང་སྟེ། བདག་པོ་ཁོང་རང་ལུང་པ་གཞན་ཞིག་ལེ་འགྲོ་བ་དིང་ཅོག་འདྲ་ཡིན་དིག 35འོ་དེ་ལེ་བརྟེན་ཏེ། བདག་པོ་དེ། དགོང་མོ། མཚན་མོ། ནམ་ཕྱེད། སྔ་དྲོ་བྱ་སྐད་མ་བརྒྱབ་པའི་སྔོན་ལེ་འོང་འོད་མེད་ཁྱེད་ཀྱ་ཀྱིས་ཧ་མི་གོ་འོད་ཕེན། ཁྱེད་ཀྱ་དོགས་ཟོན་བྱས་ཏེ་སྡོད་ཅིག 36འོ་དེ་གི་ཅོག་འདྲ་མ་བྱས་ནི། ཧོབ་ཐག་མེད་བདག་པོ་ལོག་འོངས་ཏེ། ཁྱེད་ཀྱ་སྣང་བ་གཡེང་སྟེ་བསྡད་འོད་དི་མཐོང་ཉེན་འོད་དིག 37ངས་ཁྱེད་ཀྱ་ལེ་སྨྲས་པའི་ལབ་འདི་ཀྱ། ངས་མི་ཡེ་རེ་ལེ་ཟེར་རི་ཡིན། ཁྱེད་ཀྱ་ཀྱིས་དོགས་ཟོན་གྱིས་ཤིག་ཟིན་གསུངས་པི་དིག །
Currently Selected:
མར་ཀུ། 13: DLPO
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2023 Wycliffe Bible Translators, Inc. All rights reserved.