Apositili 5
5
1Neke pe ali umugosi jumwi, ilitavwa lyakwe ali je Ananija, neke vadzovanage numudala vakwe u-Safila, neke vaji-gulage ińi janavo jimwi.
2Neke lino imâle vidi-kanage numunu vakwe neke abagulage ijingi. Neke baho ijingi aletage neke akatulage kumagulu ga v-Apositili. 4, 37.
3Neke baho umwene Petele atigilage: „Ananija, amemile ndavuli u-Setano munumbula jako neke utigilage: ndimu-dzangage nuvudesi u-Mubepo umwîmike, neke ndipilukage ijingi imâle ja ńi? Joh. 13, 2.
4Jika jikalage ndesi, swe jika jako juve; na pe ujigulile, napo asakugagi-lidzaga munu. Usitudetye twe vanu vajago, nda hamu, umudetye ju Nguluvi.“
5Neke umwene Ananija, pe apulike amadzwi aga, neke baho agwidzage pasi, gudumukage. Neke baho vonda, avapulikaga idzi, neke livagwilage ilitŭlo ilyolofu hîlo.
6Neke baho avavinano neke vimage neke vamu-gondzage neke vamuhu-mage nave kwivala neke vakamusilage.
7Neke lino, pe vatinidze isala dzidatu, neke baho ingilage na ju mudala vakwe mumo, mwe vali. Neke umwene asadzidzelaga idzavonike.
8Neke umwene Petele neke amuvudzage atigilage: „undongelage, ińi jeńu mugulile jiji?“ Neke umwene atigilage: „e jijo.“
9Neke umwene Petele atigilage: „kye kiki neke mwegemanage pakumu-gemya u-Mubepo va mutwa? Ulole, indzaho dza vala, avamusilile umugosi vako, dzili pamulyangilo baha neke dzilakuhumya najuve.“
10Neke baho umwene agwilage mumagulu ga Petele nakalinga hela nave neke afwidzage. Neke vavye vikwingila avavinano, neke vavonage nave afwe. Neke baho vamuńamulage neke vakamusilage, bahe vamusilile umugosi vakwe.
11Neke baho uvogofi vulufikilage ulukombeso londa hela navonda, avadzipulikaga idzi.
12Neke agene amavoko ga v-Apositili neke ga-vonesage nifilŏle nimitu imyolofu kuvanu. Neke avene vali mubalasa iji-Salomo vonda neke vavedzage mutima gumwinga hela. 3, 11.
13Neke avangi avanu asali pwali umuńa-kwitupika ukuta tukahange navo kijagi, nda hamu, vonda avanu vavaginyaga hela.
14Neke avene, avamufuvwaga umutwa, neke avo vongeledzwage avolofu pakuhanga navagosi navadala. 2, 47; 6, 7.
15Neke vavańamulage navatamwa neke vavavikage mumikudzu muvulili vwanavo na mumāsa dzanavo, ukuta u-Petele, ngana idzumbanidza, apo umwigisila gwakwe guvasīkage avangi. 19, 11. 12.
16Neke avolofu vaholanilage mu-Jelusaleme avamukâja, idzifudike mumo. Neke vavaletage navatamwa navapumukaga imibepo imilamafu, neke baho vonda vahōkage.
17Neke baho alamukage umutekedzi umukomi navajagwe vonda ava muvulonganile vwa va-Sadukaja neke valetage umufulo, 4, 1. 6.
18neke baho vavibatage av-Apositili neke vavingidzage muńumba indinde ja vuhangwa.
19Neke umwene umuńa-mwandza va mutwa neke adindulage kumulyangilo gwa ńumba indinde pakilo, neke avahumyage neke avalongelage atigilage: 12, 7.
20muhelelage neke mwimage vudondya hela mutembele, mukavadalikile avanu dzonda inôngwa idza vûmi uvu.
21Neke avene, pe vapulike ulu, neke baho vahelelage mutembele, pe kwikya hela nulwa milāvu, neke vavulanidzage inôngwa. Neke lino umwene umutekedzi umukomi navajagwe, pe vafike, neke baho vakemelage ululundano lwa vandzagila navakomi vonda va vakina-Jisilahele. Neke baho vavatumage avańa-kuvinula kuńumba indinde.
22Neke avańivaha ava, pe vadzifike muńumba indinde, neke baho vakavonage si mwe vali. Neke baho vagomokage neke vagotolage
23neke vatigilage: „ijene ińumba indinde ijo tuvwene vabadidze vunofu, navańa-muminga navo tuvwene vimile mumilya-ngo, neke lino tuvye tudindwe, tusimuvwene umunu mugati nda.“
24Neke lino, pe vapulike ulu na ju mulinda-tembele navatekedzi avavina, neke baho avene vakagahalage hela neke vatigilage: dzilagita vuli idzi?
25Neke baho ahegēlelage umunu jumwi neke avalongelage atigilage: „mulolage, avagosi ava, ve mukavadindye muńumba indinde, hava vali mutembele, vimile, vali mukuvulanidza.“
26Neke baho umulinda-tembele neke ahelelage navańivaha vakwe neke akavinulage. Neke vasaletaga ingufu nda, pakuva vavogopaga avanu vatigilaga, ene vuli valatutodza namaganga.
27Neke vakavavikage mumo, mwe valundanye ululundano lwa vandzagila. Neke baho umutekedzi umukomi neke avapodzage
28neke atigilage: „tusatovile ilikule tusatigye inôngwa dza litavwa ili mutane ukumuvula nambi jumwi umunu? Kangi uńeńe inôngwa dzeńo idzi mudzipulise monda mu-Jelusaleme muno. Uńeńe mugulwime ukutugome-hedza jufwe ulwa danda jainunu uju?“ 4, 18; Mat. 27, 25.
29Neke baho ava-Petele nav-Apositili vajagwe neke vapilusage vatigilage: „nu-Nguluvi navanu muńa-kukundwa ju Nguluvi. 4, 19.
30Umwene Nguluvi va vadadisu amudzulubwise u-Jesu, je mwamuvulige uńeńe, pala pe mwamu-tovelelye pakipindulihidzo. 3, 15.
31Je Nguluvi amuteme-hidze ilivoko ilya ndyo ukuva mukilongodzi ukuva mupoki umuńa-ku-vapela ulupituko nuvuvodzwa-ndzanangifu avakina-Jisilahele. 2, 33.
32Neke lino je nefwe, je twikoleka amadzwi aga, na ju Mubepo umwîmike nave ndesi, je Nguluvi avapelye vonda avańa-kumupulika.“ Luk. 24, 48; Joh. 15, 26. 27.
33Neke lino avene, vavye vapulike ulu, neke baho vageledzule na ga mîno neke vaganage vavavulage. 7, 54.
34Neke baho image jumwi umujavo va mululundano lwa vandzagila umu-Fwalisaja, ilitavwa lyakwe ali je Gamalyele, umuvulanidza-milagililwe, umutambule kuvonda avanu, neke atigilage muvahumihidzage pivala avanw’avo. 22, 3.
35Neke lino avalongelage avajagwe neke atigilage: „ńe vajangu, ńe vakina-Jisilahele, mwilembage, dze mutigye muvaletelage avanu ava.
36Pakuva pala, pe alamwike u-Tojida neke atigilage: june lukule! neke vamumililage avanu avagosi avańa-magana gataji (400), je vamujadzidze lino swe, neke navo vonda, avamuninilaga, vapalańine vajagile.
37Kangi ulwa mbele neke alamukage Juda uva mu-Galilaja jula, pala pe vandikwaga ikodi avanu, neke avakofyage avanu avańa-kumuninila jujo. Neke nave afwe. Neke avene, avamuninilaga, vapalaṅine.
38Kye ndesile unene nigilage: avanu ava muvepelage muvaleke. Pakuva na dze vadzivonye ṅani na dze vilima, ngana vavumbwe vanu hela, apo nadzo dzilajaga. Mat. 15, 13.
39Neke ngana ńumakwa-Nguluvi, apo uńeńe mwilemwa ukuvakiṅilidza, kangi mulava ngita mwilwa na Nguluvi. 9, 5.
40Neke baho vamwidikage, neke baho vavakemelage av-Apositili neke vavatovage neke vavadzidzage mbando pakulongela mwitavwa lya Jesu ili. Neke vavatavulage. 22, 19.
41Neke baho avene vahumage mu mwe lwalundanye ululundano lwa vandzagila neke vakēlage, pakuva vavagye ukuhala-bukila ulwa mwitavwa lya Jesu. Mat. 5, 10-12; 1. Pet. 4, 13.
42Neke vatanage nuku-pola nambi ponu. Fyonda ifigono neke vavavulanidzage inôngwa avanu na mutembele na muńumba dzanavo ndeve dzali, neke validalikage ilyevangeli lya Kilisiti Jesu.
Currently Selected:
Apositili 5: II
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
New Testament in Bena © Bible Society of Tanzania, 1958.