Apositili 4
4
1Neke lino, vavye vali mukulonga navanu, neke baho vahegēlelage ukwanavo navatekedzi numwimilila-tembele nava-Sadukaja ṅani, Luk. 22, 4. 52.
2avakalalye na pe dze vavonaga vakuvavula inôngwa avanu, na dze vatigilaga: najufwe tuladzu-lubuka kuvafwe, pakuva u-Jesu adzulubwike. 23, 3.
3Neke baho vavibatage neke vavadindilage muńumba ja vańa-ńololo, jigonage tândi inôngwa, pakuva vavwene vuhwe.
4Neke avolofu, avapulikaga inôngwa, neke vafuvwage neke vafikage pambilima dzihanu (5000) pamivalile avagosi vene. 2, 47.
5Neke lino vavye vavwene kukye ulwa milavo, neke baho vilundahidzage mu-Jelusaleme mumo navandzagila navavina navakagulihâte,
6neke na ju Hana, umutekedzi umuvina, na Kajifwa na Johana na Alesanda, vonda hela navańa-ṅolo va mutekedzi umukomi.
7Neke lino baho vavye vavikadzidze pagati, neke vavapodzage vatigilage: dzonda dze mwilim’idzi, mwilimila mungufu dziki, mwilimila mwitavwa lilikwi? Mat. 21, 23.
8Neke baho u-Petele amumemage u-Mubepo umwîmike neke avavulage atigilage: Ńe vandzagila, najuńe, ńe vavina, Mal. 10, 19. 20.
9unefwe ngana twihigwa neńuli amalimo amanofu, ge ahôkye umutenda uju,
10apo ndikuvalongela mwivonda najuńe na vamukipelela kya vakina-Jisilahele kyonda, nditigila: umunu uju, lwe mumuvwene imile apa aponile, ahôkye mwitavwa lya Jesu Kilisiti, uva mu-Ńasalete, jujo, je mwamu-tovelye uńeńe pakipindu-lihidzo, neke Nguluvi amudzulubwise kufavwe. 3, 8. 13-16.
11Je liganga, lye muli-tofwe uńeńe, ńe vadze-ngańumba, ilidzukile liganga lya pakipungu. Mat. 21, 42.
12Asupali ujungi umuńa-kutupoka nilitavwa tusipelilwe ilingi twe vanu, twe va pasi kuvulanga, mwe twinanila unefwe. Mat. 1, 21.
13Neke pe vavavwene ava Petele na Johana ukulonga kyedzamutima hela, pe valufike ukuta vakita-luvula-hâte, vasili mo, neke baho vadzumangage neke vakumbukage nukuta: ve vene avagendasaga na Jesu.
14Neke vavye vamuvwene numunu, je ahōkile, neke baho avene kijagage ikya kulonga, 3, 8. 9.
15neke baho vavahu-myage, mwe vahigilaga inôngwa, neke vivudzage vavene, pe videvwe
16neke vatigilage: tugi-tage navo ndavuli avanu ava? Pakuva ikilŏle, kye vavonise ava, kipulise neke kangi kuvonda, avadzengile mu-Jelusaleme muno, kili vudondya, ulu najufwe twilemwa ukukana. Joh. 11, 47.
17Neke lino inôngwa idzi pakuta dzitane ukutagalila kuvanu vonda, apo lino tuvafingilidzage tutigilage: ilitavwa ili lino swe mutane ukumuvula munu nambi jumwinga. 5, 28.
18Neke baho vavakemelage kangi neke vava-vulage vatigilage: mwilembage mutane ukulipu-lisu ponu ilitavwa lya Jesu ili, mutane nukuvigidza avanu inôngw’a idza litavwa ili.
19Neke avene ava Petele na Johana neke vapilusage vatigilage: ulu muluvonage juńe, nde lugolwike kwa Nguluvi, ngana tukuvalutidza juńe pakuvapulikána kwa Ngulivi. 5, 29.
20Unefwe twilemwa ulwa kubihila ukulonga na lwe tuluvwene na lwe tupulike.
21Neke baho avene vavafingilidzage neke lino baho vavavulage. Pakuva vavwene dzijagile idza kwimila pakuvapumusa, pakuva vavogopaga avanu, pakuva avene vamu-lumbaga Nguluvi pa dzidzo, idzavonike.
22Pakuva umunu, je kyavonekye ikilŏle kya kunana, imyâka gyakwe gyalutye na pamakyumi gataji (40).
23Neke lino pe vavye vavavwe, neke baho vafikage kuvajanavo neke vakavagotolelage dzonda nidza vatekedzi avavina nidza vakomi avańa-kipelela, dze valongile navo.
24Neke avene, vavye vadzipulike idzi, neke baho vavedzage mutima gumwinga pakwinusailidzwi lyanavo neke valapangilage kwa Nguluvi neke vatigilage; ve mulugu, je ugavile na kukyâńa na pasi nińandza nifya mumo fyonda
25je vwalongye na mu mulomo gwa muvanda vako Davidi, je vwatigye: „avapivala valalavukaga kiki nifipelela fya vanu fyahodzaga dza kiki idza hela?
26Avatwa kwen’eńi valamwike, avandzagila vaholine pamwinga, vamu-galukye umutwa na ju Kilisiti vakwe.“
27Ndakyene, mukâja muno vaholanye mwa Jesu, umuvanda vako umwîmike, je umubakile juve; vaholine vonda hela na ju Helodo na ju Pondo Pilata vahangile na vapivala nifipelela fyonda ifya vakina-Jisilahele Luk. 23, 12.
28vaholine mukudzilima dzonda, dze vwadzivonye ńani uveve pamwandi, dze vwatigye ilivoko lyangu liladzilima, lwe lukelo ndeni unene. 2, 23.
29Neke lino, ve mutw’ave, ulolage ulufingidzo lwanavo, lwe vifingilidza, avavanda vako vonda uvapelage ingufu, ukuta ilidzwi valilongage hela kyedzamutima; Ef. 6, 19.
30pe vwigolosa ilivoko lyako, lihōsage avanu na gi mitu nifilōle nafyo uvo-nehedzage mwitavwa lya Jesu, umuswamuvo umwîmike.
31Neke lino vavye va-ìapangye evo, neke baho kihwadzage ikivungu, kye valundanye neke vonda avamemelage u-Mubepo umwîmike, neke vadzilongage kyedzamutima hela inôngwa dza Nguluvi.
32Neke lino ikipuga kya vańa-kufuvwa neke vavedzage numbula jimwinga, neke vavedzage mutima gumwinga hela. Asali pwali numuńa-kutigila: fyangu june ifinu fyakwe, nda hamu, vatigilaga: fya vuńangi fyonda. 2, 44.
33Neke baho av-Apositili volekage uvolesi uvwa midzulubukile gya Jesu umutwa neke ulusungu luvedzage lukomi kuvonda hela. 2, 47.
34Asali pwali numuhangala, pakuva vonda, avali nińi navali nińumba, neke vagudzage neke imâle, je vagulile, neke vajiletage 2, 45.
35neke vakatulage kumagulu ga v-Apositili. Neke pakugavasa vagelanihidzage pandzala janavo.
36Neke u-Josefe, je vamupelye ilya Balanaba av-Apositili, kwe kutigila je mwa-Luńamadzo, umwa-Levi, je aholelilwe mu-Kipele, 11, 22. 24.
37je ali nińi jakwe, neke ajigulage neke aletage imâle neke akatulage kumagulu ga v-Apositili.
Currently Selected:
Apositili 4: II
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
New Testament in Bena © Bible Society of Tanzania, 1958.