Iohane Laluita to mopakanótó óntóꞌna sura
Laluita to mopakanótó óntóꞌna sura
To moukiꞌ sura deꞌe, ia miꞌi hadua topeguruNa to napokaꞌahiꞌ Iesu (básá 21:20-24; básá woꞌo 13:23; 19:26; 20:2; 21:2-7). Mouláꞌ totosae toSarani hangkoia, topeguruNa iti ia miꞌi Iohane.
Tunggáiána sura deꞌe telámbiꞌ i Iohane 20:31 to manguliꞌ, “Upu-upu to kuꞌukiꞌ deꞌe, kuꞌukiꞌ bona nipoinálái kaꞌIesuna Datu Topehómpóꞌ, Ánáꞌna Pueꞌ Ala, hai bona ánti pepoináláimi i Hia, ina molámbiꞌkou katueꞌ to maroꞌa to tiꞌara mokahópóꞌá.” I lalu gáláꞌna kaꞌisáꞌ haweꞌ i gáláꞌna ka-12, tabásá mokana i pitu pákáꞌna tandaꞌ kuasaꞌ to nabábehi Iesu to mopakanótó kaꞌIana mpuꞌu Ánáꞌna Pueꞌ Ala (básá 2:1-12; 4:46-54; 5:1-18; 6:1-15; 6:16-21; 9:1-12; 11:38-44). I lalu sura deꞌe handaꞌ kánina Iesu rauliꞌ Ánáꞌna Pueꞌ Ala (básá 1:34; 1:49; 3:16-18; 5:23-25; 11:4; 11:27; 20:31).
Pitu kánina i lalu sura deꞌe, Iesu mampopándiriꞌ wátáNa, Nauliꞌ, “Kódóꞌ miꞌi deꞌe pandeꞌ” (6:35,41,48,51); “Kódóꞌ miꞌi deꞌe pewangkaꞌ” (8:12); “Kódóꞌ miꞌi deꞌe babaꞌá” (10:7,9); “Kódóꞌ miꞌi deꞌe topoewu to maroꞌa” (10:11,14); “Kódóꞌ miꞌi deꞌe to mampopearó tomate, hai to mampoweꞌi katueꞌ” (11:25); “Kódóꞌ miꞌi deꞌe rárá… to toꞌu… hai katueꞌ to maroꞌa” (14:6); hai “Kódóꞌ miꞌi deꞌe tóáꞌ anggoroꞌ” (15:1,5).
Hangkani wopiꞌi Nauliꞌ, “Hangko tiꞌara mani Burahima mesupaꞌ, Kódóꞌ araMoꞌ ami” (8:58). LaluitaNa iti mopakanótó kaꞌIana mpuꞌu Ánáꞌna Pueꞌ Ala to tiꞌara ara pantepuꞌuáNa hai tiꞌara ara kahópóꞌáNa.
Óntóꞌna
A. Ngkóráꞌna Pueꞌ mewaliꞌ tauna (1:1–4:5)
1. Pantepuꞌuána laluita (1:1-18)
2. Tauna hai Pueꞌ Ala mosabiki kaheánána Iesu (1:19-51)
3. Iesu mopatongawaꞌ kuasaꞌNa (2:1-25)
4. Paturoꞌna Iesu mentóáꞌ hangko i Pueꞌ Ala (3:1-36)
5. Iesu Ia miꞌi Datu Topehómpóꞌ (4:1-54)
B. Iesu rasápuáka tauna (5:1–12:36a)
1. Tauna mantepuꞌu moewaꞌ Iesu (5:1-47)
2. Tauna mosápuáka kaꞌIesuna Rótiꞌ to moánti katueꞌ (6:1-71)
3. Tauna mampehukáꞌ mohakaꞌ Iesu (7:1-53)
4. Tauna mosápuáka kaꞌIesuna to moánti pewangkaꞌ i duniáꞌ (8:1–9:41)
5. Tauna mosápuáka kaꞌIesuna Topoewu to maroꞌa (10:1-39)
6. Iesu mesuaꞌ i Ierusale nodo Datu (10:40–12:36a)
C. Alo Popatimamaꞌá (12:36b–17:26)
1. Iesu mandeꞌ rótiꞌ hingkakani hai topeguruNaheꞌ (12:36b–13:38)
2. Iesu mobokuiheꞌ topeguruNa moliu paturoꞌNa (14:1–16:33)
3. Iesu mampekakaeáheꞌ topeguruNa (17:1-26)
D. Iesu rahakaꞌ haneꞌi rapapate (18:1–19:42)
1. Iesu rahakaꞌ hai kárá-káráNa rabutusi (18:1–19:16a)
2. Iesu rapakuꞌ i kau mombehape haneꞌi ratawu (19:16b-42)
E. Iesu monangi kuasaꞌ kapate (20:1–21:25)
1. Iesu tueꞌ huleꞌ (20:1-31)
2. Iesu mopatongawaꞌ wátáNa i topeguruNa i Galilea (21:1-25)
Currently Selected:
Iohane Laluita to mopakanótó óntóꞌna sura: NTBEP
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Bahasa Behoa Shorter Bible © Indonesian Bible Society, 2015.