Yilipai 3
3
SOPENA 3.
1Me na tahu, Tuahau, motahonai otoejieji me na Moli. Na tauli ra sanu naa mo-sa-veiejeau maa motahonai me amiu.
2Otomata ra pesi, otomata, aaso, ra tajua taha-varao-oso; ototena tavetali.
3Suria hije totataholo suria torahu me Atua na lotu hira talumeja, toejieji me Kristo, asavela me ra sanu majaraha.
4Va itea moninima mopinisi na vela me ra sanu ma-jaraha inau ajivia.
5Tetavitaliau me na rani limaraveto hiu, inau na tanoho Israel, na tavu hi Penjamin; inau na Hipru, na matuna Hipru. Suri na Leo Hauhaua inau na Varisi.
6Ahauhaua, aiveioso me ra uluo hi Iesu, suri na mauri tataholo hina Leo Hauhaua, avoe.
7Maa ra sanu tetahonai meau mine, aevira tepelahi naanoi suri Kristo.
8Io, aevi ra sanu vunuvunu tepelahi sura lavi na pinisi tahonai hi Kristo Iesu, na Moli hiu. Suri Iesu ra sipilau sanu vunuvunu tepelahi, aevira tepala na tena poe sura alavi Kristo.
9Na pilau mauri tataholo, asalavia suria aroho me na Leo Hauhaua, maa suria arohoroho me Kristo, na mauri tataholo mosumai me Atua hi na rohoroho.
10Na sanu atiroe inie na pinisi Kristo, na hauhaua hina sena tamaraha hina mate, alavi na jajana hajihaji hi Iesu, sura ajiha palea me na sena mate.
11Inau atamaraha hina mate mono.
12Asalavia reji, asatahonai tohova reji. Maa alaho hauhaua me na tahuna sura lavi na sanu Iesu moveau ajolo suria.
13Tuahau, asaninima alavia reji; maa aivei na sanu motea, ajomuture ra sanu me na tahuu, maa asilaho hauhaua sura lavi ra sanu me na pahou.
14Alaho hauhaua me na hau matamata sura lavi na volina varao tahonai hi Atua me Kristo Iesu.
15Motahonai hije, pala na seja rohoroho mojiha, toni-nima palahi suri na seja mauri. Tau, va toninima pahilu suri te sanu, Atua mopisea ta meja.
16Maa tosimauri pala na Leo Hauhaua tolavia mine.
17Tuahau, otovera sanu aivera, otoriopeturi me ra tajua temauri pala topise amiu.
18Suria ra tari tetoho, avarai amiu mine surira, atavarai amiu hina tahi, hire ra satuana hau palatusi hi Kristo.
19Me na tahu teveileelee hire, na tiara ra pilara atua teejieji me na sera nahonahopoe, teninima ra sanu hina ulu.
20Maa na pilaja ureure na tailahi; totiro na Tahajolo mosumai me na tailahi, na Moli Iesu Kristo.
21Hi na sena hauhaua movei ra sanu vunuvunu teroho mea, moali pa mono ra epejaoso, movera tepala na epena majamaja.
Currently Selected:
Yilipai 3: TLM9109
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This is a historic text maintained by the British and Foreign Bible Society.