Ra Vei Hira Yarisula 26
26
NA SOPENA 26.
1Natuha Akrippa moaso me Paul, “Motahonai oitapuna aso.” Paul mosehe na havena, motapuna aso:
2“Aejieji, moli Akrippa, suria atapuuaso liliu pa na havui meho suri ra sanu vunuvunu ra Ju teaso aivera.
3Jivi suria apinisi oipinisi susuhi suri ra vue Ju me ra tuhatuha hira Ju: suria atuhaho oirohoau tamautu:
4Na seu mauri, me na rani auluo, momajiha mera tavuhiu me Jerusalem, ra Ju vunuvunu tepinisia.
5Tepinisi me na majiha, vai temeje na varaia, inau pala ra tajua tataholo tohova hina pilaja lotu, aimauri na Varisi.
6Varihi aturi, teileau suria ameje na Aso-tau Atua movei me ra tamaja:
7Na aso-tau, isei ra pilaja tanoho havulatea na vana morua, tevarao tahonai suri Atua me na rani me na pohi, temejeia imalua. Suri na meje naa, moli Akrippa, ra Ju tetatahi nau.
8Motoma otoninima inie na sanu moso otorohoro-hoae, Atua movei na tahamate motamaraha?
9Motaharahu atapuu-ninima asivei ra sanu tari sura horohoro ra sanu hi Iesu hi Nasaret.
10Aivera sanu naa me Jerusalem: ahajirira uluo hi Iesu ra tari, alavi na pepe hina me ra varese-prist, hisa teveimeteira, atami.
11Aveioso mera me ra pea hira lotu vunuvunu, aivera teaso oso suri Atua, apuripuri tahajia hire, aiveioso mera me ra vanua nonoho.
12Natuha avano me Tamaskus, ra varese-prist terahu ta meau na sera hauhaua suria.
13Masomaso, O moli, areni me na rio na rani me na tailahi, motila jivi na maso, motila taitaliau, taitalira tajua telaho valuiau.
14Hisa hije vunuvunu tojovi me na tano, aroho na rorona moaso meau, moaso me na loei Hipru, Saul, Saul, sura sava oiveioso meau? Moso oitila na jura.
15Aaso, Iniho isei, Moli? Moaso, Inau Iesu isei oiveioso meau.
16Oimaraha, oituri hina em; asumai meho suri na sanu naa, sura veho oivarao suriau, oipise ra sanu morua oirenirarua, me paleve asumai pa meho,
17Alavituheho me ra tanoho, me ra lolopohitup-u, me isei asulaho.
18Sura vera teriorio, sura tahaperehera ture na pohipohi tupu me na rani, ture na hauhaua hi Setan me Atua, sura na lolou imalumu sura pilara veioso, sura telavi na vonara me na vuati hira uluo hi Atua, suria terohoroho meau.
19Natuha, O moli Akrippa, aroho na navuriorio hina tailahi.
20Maa alalaa majiha mera tajua hi Tamaskus, me Jerusalem, me Jutia vunuvunu, taupa me ra lolopohitupu, tesijomi tesitahaperehera me Atua, tevera sanu hina jomi.
21Suria ra sanu naa ra Ju telaviau me na nea hina lotu, felaholaho sura veimeteiau.
22Suria Atua motuiturituau, atoho na havui, alalaa mera tajua mera varese, aaso ra sanu hasa ra provet me Moses teaso temalua.
23Teveioso me Kristo, motamaraha majiha hina mate, mopise na rani me ra tarioho mera lolopohitupu.”
24Hisa motapuna-aso palea, “Vestus moaso pati, Paul, iniho na muha; na semu pinisi moveho oimuha.”
25Maa moaso, “Asamuha, O moli; maa alalaa ra leos taharahu me tataholo.”
26“Suria na moli mopinisi ra sanu naa, aaso me na pahona mono, asaine: aninima saite sanu naa motoho punu mea: tesavei na sanu naa me na suhuna.
27Moli Akrippa, oirohoroho ra provet? Apinisi oirohoroho.”
28Natuha Akrippa moaso me Paul, Vileahi oivei tapusiau inau na Kristian.
29Paul moaso, “Majiha e me na tahuna, ameje me Atua, sa iniho hasa, maa hire vunuvunu isei terohoau tepaleau na havui, maa ra asi naa mojoa.”
30Natuha na moli momaraha, na varese, Pernisi, hire vunuvunu tesihe valuira mono,
31Tau telaho, teasoaso, teaso, “Na tajua naa mo-savei na sariu hina mate e hina hajiri.”
32Natuha Akrippa moaso me Vestus, “Tojuri na tajua naa, vai mosatuha Siser mine.”
Currently Selected:
Ra Vei Hira Yarisula 26: TLM9109
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This is a historic text maintained by the British and Foreign Bible Society.