Ra Vei Hira Yarisula 22
22
NA SOPENA 22.
1“Tajua, Tuahau, me Tamaja, otoroho ra sanu avarihi-aso me amiu.”
2(Hisa terohoe moaso mera me na Loei Hipru tetoho tamautu jivi; moaso)
3“Motaharahu inau na Ju, amalua me Tarsus, na vanuai Silisia, ajia mena vanua naa, Kameliel na pilau tijer, tepise susuhiau me na leo hauhaua hira tamaja, ahauhaua suri Atua, pala amiu vunuvunu na havui.
4Aveioso mera tanoho naa, aveimete ra valura. Ahajirira tajua me ra hajae, alavira me na pea hina hajihajirira.
5Mono ra varese-prist me ra varese hina lotu tepinisi motaharahu. Terahu na pepe ta meau me ra tuahara, avano me Tamaskus sura lavira tajua tehajirira me Jerusalem, sura marosira.
6Momalua alaho me na rio, ataroroi me Tamaskus, na rani tahajia motila taitaliau.
7Ajovi me na tano, aroho na roro moaso meau, “Saul, Saul, sura sava oiveioso meau?”
8Aaso liliu, “Iniho isei Moli?” Mdaso ta meau, “Inau Iesu hi Nasaret isei oiveioso meau?”
9Ra tajua valuiau tereni na rani, teine: maa tesaroho na rorona moaso ta meau.
10Aaso, “Avei na sava, Moli?” Na Moli moaso ta meau, “Oimaraha, oivano me Tamaskus; natuha na tajua itea movaraiho ra sanu vunuvunu ameje oivera.”
11Hisa asarioriova suria na rani tahajia, ra tajua valuiau teau me na haveu, amalua me Tamaskus.
12Na tajua motea, Ananaius, tajua tahonai suri na leo hauhaua, ra Ju vunuvunuae teaso motahonai,
13Momalua meau, moturi, moaso ta meau, Tuahau Saul, oirioriova. Moaso, arenia,
14Moaso, Atua hira tamaja momeje opinisi ra sanu momejeira, oireni Te Taharahu, oiroho na rorona vavana.
15Suria oipise pa ra tajua vunuvunu ra sanu oirenira, oirohora.
16Sura sava oilohoti? Oimaraha oipaptais, oirasi tuhe pilam veioso, oiore me na hisei Moli.
17Momalua hisa amule liliu me Jerusalem, hisa amatapisi me na pea hina lotu hira Ju, anavuriorio tahajia,
18Areni Iesu, moaso ta meau, Vileahi orovo ture Jetusalem vilehei, suria tesalavi ra sanu oaso suriau.
19Aaso, Moli tepinisi ahajirira alosira tajua terohoroho meho me ra pea hina lotu vunuvunu;
20Hisa na jae hina pilam tajua tahapise Stiven morovo, aturi taroroi, atami sura na veimeteia, amata ra visivisira tajua telosira.
21Iesu moaso ta meau, “Paletuha oisilaho; asulaho pa paravu me ra lolopohitupu.”
22Terohoe mine moaso na leo naa, varihi teaso pati, “Ture na tajua palea me na ulu: moso momauri.”
23Teaso pati, teputuhera visivisira, tevusi na tano me na ivivi;
24Na varese tahajumu moaso telavia me na pea tahajia, tetuhae, temarasia; sura tepinisi sura sava teaso pati suria.
25Hisa telulutia hina asi, Paul moasp me na varese tahajumu, “Motataholo oimarasi na tajua Romu, oisarohoe?”
26Hisa na varese tahajumu morohoe, moruhusivo, movarai na moli tahajumu, “Oimata niho na sava oivea; na tajua naa inie na tajua Romu.”
27Natuha na moli tahajumu momalua, moaso mea, “Oivaraiau, iniho na tajua Romu?” Moaso, “Io.”
28Na moli tahajumu moaso liliu, “Avoli tahajia suria.” Paul moaso, “Inau amalua majiha atajua Romu.”
29Natuha ra tajua isei temeje na tuhatuha Paul tejuria, na varese tahajumu mono hisa mopinisi motajua hi Romu moine suria molulutia.
30Inovi maa momeje pinisi taharahu na sanu ra Ju teaso mea, monureia, movarai na vareseprist me ra uluo hina temalua, molavi Paul me na pahora.
Currently Selected:
Ra Vei Hira Yarisula 22: TLM9109
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This is a historic text maintained by the British and Foreign Bible Society.