Destpêk 17
17
Peymana sinetê
1Gava Avram nod û neh salî bû, Xudan lê xuya bû û got: “Ez Xwedayê Karîndar im, bi min re bimeşe û kamil be. 2Ezê wê peymana ku min bi te re kiriye berdewam bikim û ziriyeta te gelekî zêde bikim.”
3Avram deverû çû erdê û Xwedê jê re got: 4“Va ye, ev peymana min bi te re kiriye ev e: Tê bibî bavê gelek miletan. 5#Romayî 4:16-17Êdî tê bi navê Avram#17:5 Avram bi îbranî bavê mezin e. neyê gazîkirin, wê navê te Îbrahîm#17:5 Îbrahîm, bi îbranî Avraham e û tê wateya bavê gelekan. be. Çimkî min tu kirî bavê koma miletan. 6Ezê ziriyeta te gelek berdar bikim, wê ji te milet rabin û padîşah derkevin. 7#Lûqa 1:54-55Ezê peymana herheyî di nav xwe û te de, bi te û bi ziriyeta te re bikim. Wê nifş bi nifş berdewam bike. Ezê bibim Xwedayê te û ziriyeta te. 8#Karên Şandiyan 7:5Ezê tevahiya welatê Kenanê yê ku tu niha bi xerîbî lê dimînî bidim te û ziriyeta te ku her û her bibe milkê we û ezê Xwedayê wan bim.”
9Xwedê ji Îbrahîm re got: “Tu û hemû ziriyetên ku wê ji te rabin, divê hûn nifş bi nifş bi peymana min ve girêdayî bimînin. 10#Karên Şandiyan 7:8; Romayî 4:11Peymana ku min bi te û bi ziriyeta te re kiriye û hûnê pê ve girêdayî bimînin ev e: Hemû mêrên di nav we de, divê sinet bibin. 11Divê hûn sinet bibin û wê sinet bibe nîşana peymana di nav min û we de. 12Di nav nifşên wan de her mêrê ku li mala we çêbûye yan ku ji xerîban hatiye kirîn, tevî kesên ku ne ji ziriyeta we ne, divê di heşt rojiya xwe de were sinetkirin. 13Hem yê ku li mala te çêdibe û hem jî yê ku bi pereyê te tê kirîn, esse divê bê sinetkirin. Ev nîşana bedena we, wê her û her bibe nîşana peymana navbera min û we. 14Her mêrê ku sinet nebûye wê ji nav gelê xwe bê avêtin, çimkî wî peymana min xera kiriye.”
15Bi ser de Xwedê ji Îbrahîm re got: “Herçî Seraya jina te ye, êdî tê jê re nebêjî Seray. Wê navê wê Sara#17:15 Sara bi îbranî sitî ye. be. 16Ezê wê pîroz bikim û ezê ji wê jî kurekî bidim te. Ezê wê pîroz bikim û wê bibe diya miletan. Wê padîşahên gelan ji ziriyeta te rabin.”
17Îbrahîm deverû çû erdê, keniya û di dilê xwe de got: “Zilamekî sed salî dikare bibe xweyî zarok? Wê Sara di nod saliya xwe de zarok bîne?” 18Paşê Îbrahîm ji Xwedê re got: “Bila Îsmaîl mîrasxurê min be!”
19Xwedê got: “Na! Wê jina te Sara kurekî bîne û tê navê wî Îshaq#17:19 Îshaq bi îbranî ken e. deynî. Ezê bi wî û ziriyeta wî re peymana xwe her û her berdewam bikim. 20Ji bo Îsmaîl jî, min dengê te bihîst. Ezê wî pîroz û berdar bikim û ziriyeta wî gelekî zêde bikim. Wê bibe bavê duwanzdeh mîran û ezê wî bikim miletekî mezin. 21Lê ezê peymana xwe sala bê vî çaxî, bi kurê ku Sara ji te re bîne, ango bi Îshaq re girê bidim.” 22Gava Xwedê peyivîna xwe bi Îbrahîm re xilas kir, ji ba wî çû jor.
23Îbrahîm hema wê rojê, kurê xwe Îsmaîl û hemû kur û kesên nêr ku li mala wî çêbûbûn an hatibûn kirîn, hemû kur û kesên nêr ên li mala xwe çawa ku Xwedê gotibû sinet kirin. 24Gava Îbrahîm sinet bû, nod û neh salî bû. 25Gava kurê wî Îsmaîl sinet bû, sêzdeh salî bû. 26Îbrahîm û kurê xwe Îsmaîl hema wê rojê sinet bûn. 27Hemû kur û zilamên di mala Îbrahîm de, tevî kesên nêr ên li mala wî çêbûbûn an jî, ji xerîban hatibûn kirîn, pê re sinet bûn.
Currently Selected:
Destpêk 17: KURNT
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Kurdish New Testament and Psalms + © Bible Society in Turkey, 2005.