Yela 46
46
Korowii ja ya nɛ
Kora dea bii yel
1Korowiirii ya chwa
kaa marɛ wɛɛ tɛ yaa
bokpeɡa
ya wenaale bwa ta,
o ja ya nɛ.
2Dɛ harɛ jiɡro kwaraa,
bwejena chuɡri ka le
mpo vile ta,
3hale mpo nehɛma
nyoa kpeɡri, dɛɛ si ɡɛ
bɛlbwa,
dɛ ɡel bwejena ɛɛ yiiɡi aa,
yaa ɔmɛ.
4Nee bɛl ɡelɔ nɛra ɛɛ dɔ silɛɛ,#Wep 22:1
Korowii bwɛjen la ta,
Nemenɛ Korowii Dea
waa do ɡoroŋ la ta.
5Korowii lɔ bwɛjen la ta,
waa won chɔɡ,
Korowii ɛɛ bao bɔr
chaahna saŋ,
dɛ́ ba cha ba.#Sef 3:15-17
6Korowii kpɔ ɔmee
ba ta harɛre nɛra nɛ,
o kɔrɔ kɛŋɔ bwaala,
asɛ harɛ mwɛɛ.
7Korowii waa ɛ Koranar Bwa
Kooro ja ya nɛ,
Korowii Jekɔb aa tomɔ
laanee do kɛ danjwɛkpeɡ,
ya chwa kaa marɔ.
8Hé ba dɛ́ ba na toma
Korowii aa ɛa,
nyokpowaa waa ɛa
a do ɔma ya harɛ nɔ ta.
9O won laa nyoa sɔɔhna
harɛ nɔ ta bobɛlbwa,
dɛɛ kuuɡi tori ne lampeare,
dɛɛ fuh kwa baa kpɔa dɛɛ
tɔ ɡbemɡbe, dɛɛ yo laa.
10Korowii ŋɔ, “Hé ɡel yoi,
dɛ́ jemɛ kɛ menee Korowii,
menee kana harɛre nɛra
bwa bini, n dɔŋ toole
harɛ nɔ bwa ta.”#Kaa 14:13-14
11Nemenɛ Korowii ja ya nɛ,
Korowii Jekɔb aa tomɔ
laanee do kɛ danjwɛkpeɡ,
ya chwa kaa marɔ.
Currently Selected:
Yela 46: mzw
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.