Yela 45
45
Kooro hanfale lawa yel
Kora dea bii yel
1Wobol aa wera su n nyoa,
mɛɛ ba kpɔe ɡo yel
tɛ kooro.
N nyoa wobol do kɛŋɔ,
kon nɛn waa jemɛ chwera
kɛrɛdɛ,
aa kpoŋa dɛɛ chwerɛ.
2Henee wera kohona,
baala bwa bini,
he nyoa jemɛ wobol ɡe,
dɛkalkɛ Korowii sweere
andɛɛɡa
saŋ bɛlbwa dɛɛ la.
3Banyoo, ir kpɔ he dɔmkon
sɛɡle, he ɛ koojen,
waa haa dɛ ɛ kan
dɛ dɔ jirima.
4Che kan haa doa ta ka yo,
dɛ́ pɔ he dɔma nɛ,
dɛ́ kpɔ kasinteŋ
ne toɡra he wa aa toɡra,
bol waa dɛɛ pa bole.
He kpeɡri kohona ɛɛ ɡeloo
hé pɔ he dɔma nɛ.
5He hɛma nyɛɡre,
dɛɛ jo he dɔma
bambile bini,
harɛre nɛra choɡli he sie.
6He kora Korowii
aa lea cheɡe,
ɛɛ cheo saŋ bɛlbwa dɛɛ la,
kasinteŋii hɛɛ ba kpɔe,
dɛ́ nyiŋi he nɛra nɛ.
7He dɛ nyin waa aa toɡra,
dɛ ki wechɔɡa.
A waa Korowii
haa dɛ tomɔ
lee cheɡ he bala
koranar bwa bini,
dɛ fuɡe noo do he nyu ta
dɛ tɛɛ silɛɛ.
8He laala sɔɔh tɔ konsɔɔhsoma
bwa soo siwi,
ba kpɔ bala nyena kwaa
he kooderemi,
yelɡoola kpɔ janjela lɔ
yela, dɛɛ lɛ he sie.
9Koranar bihaahna ja haahna
baa dɔ jirima,
dɛ do he dem nɛ,
asɛ hanfale do kwaa baa
kpɔ suuɡaswɛm tenten
ɛa, dɛ che he diɡ pera.
10Kooro hanfale, dɛɛ no
waa maa dɛ ba bola nɔ,
soh he nɛra ne he lolanar
wa.
11He wer ɡelɔ kooro bambile
do he nɛ, dɛɛ duuru,
dɛkalkɛ he dɔɔree on.
12Bwɛjen Taaya tena
ɛɛ ba koŋkɛɛla nee ba tɛɛ,
suuɡa tena ɛɛ nyin bá kpɔ
ba kwaa ba di he liire.
13Kooro hanfale lɔ koodem,
o wer dɔŋ toole,
ba kpɔ suuɡaswɛm ŋwɛɛra
sɔh ja ŋwɛɛra baa kpɔa sɔh
o batakaarejaŋ la ta.
14O do batakaarejaŋ
ba sɔh kwaa dawɛ o ta,
baa ba o ne hen kooro be,
o toli teŋɛ o nɛ,
baa ba ba ɡe ne he be.
15Ba kpɔ silɛɛ dɛɛ ba,
dɛ hɛɡre ba jo he koodem
bela.
16N naa kooro,
hɛɛ lolɛ bibaalaa taeh,
bá ba chiɡ he naawa
naa ta ɛ koranar,
ásɛ he ɡel baa nyiŋi
harɛ la bwa ta.
17N yel la ɛɛ ɡeloo
hé dɔ sɔn kohona dɛɛ la,
ásɛ harɛre nɛra kpɛɛre,
saŋ bɛlbwa dɛɛ la.
Currently Selected:
Yela 45: mzw
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.