Yela 47
47
Koojen tenten wa
Kora dea bii yel
1Harɛre bwa nɛra, hé lɔ kpaŋa,
á baɡle kɛ he sie lɛo,
hé do lɔŋɔre kpɛɛ Korowii
silɛɛ yela ne.
2Nemenɛ Korowiirii ɔma
kohona,
onee koojen waa dɛ nyiŋi
harɛ nɔ bwa ta.#Mal 1:14
3Onee ɡela ya yo harɛre nɛra,
dɛ pɔ ba nɛ,
ba ba do ya lɔɡa.
4Onee le ya harɛ yaa soɡe
o ta nɔ cheɡ tɛ yaa,
o ɡbabir nɛra Israel tena
waa dɛ nyin yaa, dɛ kpɔ
tɛ yaa o ɛ ya kapɛrɛ kon la.
5Korowii iro dɛɛ la ka so
o kookara ta,
nɛra hoh bɛle silɛɛ ne dɛɛ
moo.
6Hé ɡo yela kpɛɛ Korowii,
hé ɡo yela kpɛɛ
on waa ɛ ya kooro la.
7Korowii dɛ di kora
harɛ nɔ nɛra bwa nɛ,
hé ɡo yela kpɛɛro.
8Korowii soɡe
o kookara waa do ɡoroŋ ta,
dɛɛ di kora harɛre nɛra
bwa nɛ.
9Harɛ nɔ ta koranar chemo,
ba ne Korowii Abraham
aa tomɔ nɛra.
Harɛ nɔ ta koranar bwa
lɔ o lɔɡa, o dɔŋ toole.
Currently Selected:
Yela 47: mzw
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.