ಲುಕ್ 23
23
ಜೆಜುಕ್ ಪಿಲಾತಾಕ್ಡೆ ಹಾನ್ತ್ಯಾತ್.
ಮಾತೆವ್ 27:1-2,11-14; ಮಾರ್ಕ್ 15:1-5
1ಸಗ್ಳೊ ಲೊಕಾಂಚೊ ತಾಂಡೊ ಉಟ್ಲೊ, ಅನಿ ಜೆಜುಕ್ ಪಿಲಾತಾಕ್ಡೆ ಘೆವ್ನ್ ಗೆಲ್ಯಾನಿ. 2ಥೈ ತೆನಿ ಲೊಕಾಕ್ನಿ “ಸಿಜರಾಕ್ ತೆರ್‍ಗಿ ದಿವ್‍ನಕಾಶಿ, ಮನುನ್ ಚುಕ್ ಹೊತ್ತೆ ಶಿಕ್ವುತಲ್ಯಾ, ಅನಿ ಅಪ್ನಿ ಮೆಸ್ಸಿಯಾ ಅನಿ, ರಾಜಾ ಮನುನ್ ಮನ್ತಲ್ಯಾ ಎಕ್ ಮಾನ್ಸಾಕ್ ಅಮಿ ಧರುನ್ ಹಾನ್ಲಾಂವ್” ಮನುನ್ ಜೆಜು ವರ್‍ತಿ ಝುಟೊ ಅಪ್ಪಾದ್ ಘಾಲುಕ್‍ಲಾಲ್ಯಾನಿ. 3ಪಿಲಾತಾನ್ ಜೆಜುಕ್ “ತಿಯಾ ಜುದೆವಾಂಚೊ ರಾಜಾ ಕಾಯ್?” ಮನುನ್ ಇಚಾರ್‍ಲ್ಯಾನ್.
ತೆಕಾ ಜೆಜುನ್ “ತಿಯಾ ಮಟಲ್ಲ್ಯಾ ಸಾರ್ಕೆಚ್” ಮನುನ್ ಜಬಾಬ್ ದಿಲ್ಯಾನ್.
4ತನ್ನಾ ಪಿಲಾತಾನ್ ಮುಖ್ಯ ಯಾಜಕಾಕ್ನಿ, ಅನಿ ತ್ಯಾ ಲೊಕಾಂಚ್ಯಾ ತಾಂಡ್ಯಾಕ್ “ಹ್ಯಾ ಮಾನ್ಸಾನ್ ಚುಕ್ ಕರ್‍ಲ್ಯಾನಾಯ್, ಮನುನ್ ದಾಕ್ವುತಲೆ ಕಾಯ್ ಕಾರನ್ ಮಾಕಾ ಗಾವುಕ್ನಾ” ಮಟ್ಲ್ಯಾನ್.
5ಖರೆ ತೆನಿ, “ಅನಿ ಜೊರಾನ್ ಸಗ್ಳ್ಯಾ ಜುದೆಯಾತ್ಲ್ಯಾ ಲೊಕಾಕ್ನಿ ಶಿಕ್ವುನ್ಗೆತ್, ಹ್ಯೊ ಲೊಕಾತ್ನಿ ಡಂಗೊ ಉಟ್ವುಲಾ, ತೆನಿ ಅಪ್ನಾಚೆ ಹೆ ಕಾಮ್ ಗಾಲಿಲಿಯಾತ್ನಾ ಚಾಲು ಕರಲ್ಲ್ಯಾನ್, ಅನಿ ಅತ್ತಾ ತೊ, ಹಿತ್ತೆ ಯೆವ್ನ್ ಪಾವ್ಲಾ” ಮನುಕ್‍ಲಾಲೆ.
ಜೆಜುಕ್ ಹೆರೊದಾಕ್ಡೆ ಧಾಡಲ್ಲೆ
6ಹೆ ಆಯ್ಕಲ್ಲ್ಯಾ ತನ್ನಾ ಪಿಲಾತಾನ್ “ಹ್ಯೊ ಗಾಲಿಲಿಯಾಚೊ ಮಾನುಸ್ ಕಾಯ್?” ಮನುನ್ ಇಚಾರ್‍ಲ್ಯಾನ್. 7ಜೆಜು ಹೆರೊದಾಚ್ಯಾ ಅದಿಕಾರಾತ್ ಹೊತ್ತ್ಯಾ ಜಾಗ್ಯಾವೈಲೊ ಮನುನ್ ಕಳಲ್ಲ್ಯಾ ತನ್ನಾ, ಪಿಲಾತಾನ್ ಜೆಜುಕ್ ಹೆರೊದಾಕ್ಡೆ ಧಾಡುನ್ ದಿಲ್ಯಾನ್. ತನ್ನಾ ಹೆರೊದ್ ಜೆರುಜಲೆಮಾತುಚ್ ಹೊತ್ತೊ. 8ಜೆಜುಕ್ ಬಗುನ್ ಹೆರೊದಾಕ್ ಲೈ ಕುಶಿ ಹೊಲಿ, ಕಶ್ಯಾಕ್ ಮಟ್ಲ್ಯಾರ್ ಲೈಂದಾ, ತೆನಿ ಜೆಜುಚ್ಯಾ ವಿಶಯಾತ್ ಆಯ್ಕಲ್ಲ್ಯಾನ್, ಅನಿ ಜೆಜುಕ್ ಭೆಟುಚೆ ಮನುನ್ ತೆಕಾ ಲೈ ಮನ್ ಹೊತ್ತೊ. ಜೆಜುನ್ ಕಸ್ಲೆ ತರ್ ಮೊಟೆ ವಿಚಿತ್ರ್ ಕಾಮ್ ಕರಲ್ಲೆ ತೆಕಾ ಬಗ್ತಲೊ ಮನ್ ಹೊತ್ತೊ. 9ತಸೆಮನುನ್ ಹೆರೊದಾನ್ ಜೆಜುಕ್ ಲೈ ಸವಾಲಾ ಇಚಾರ್‍ಲ್ಯಾನ್, ಖರೆ ಜೆಜುನ್ ಕಾಯ್ಬಿ ಬೊಲುಕ್ನಾ.
10ಮುಖ್ಯ ಯಾಜಕಾ ಅನಿ ಖಾಯ್ದೊ ಶಿಕ್ವುತಲಿ ಲೊಕಾ ಫಿಡೆ ಯೆಲಿ, ಅನಿ ಜೆಜು ವರ್‍ತಿ, ಲೈ ಝುಟಿ ಅಪ್ವಾದಾ ತೆನಿ ಘಾಟ್ಲ್ಯಾನಿ.
11ಹೆರೊದಾನ್, ಅನಿ ತೆಚ್ಯಾ ಸೈನಿಕಾನಿ ಜೆಜುಕ್ ಎಡ್ಸಡ್ಲ್ಯಾನಿ, ಅನಿ ಮರ್‍ಯಾದ್ ಕಾಡ್ಲ್ಯಾನಿ. ಮಾನಾ ತೆನಿ ಜೆಜುಕ್ ಎಕ್ ಬರಿ ಅಂಗಿ ನೆಸ್ವುಲ್ಯಾನಿ, ಅನಿ ಪಿಲಾತಾಕ್ಡೆ ಧಾಡುನ್ ದಿಲ್ಯಾನಿ. 12ಅನಿ ತ್ಯಾಚ್ ದಿಸಿ, ಹೆರೊದ್, ಅನಿ ಪಿಲಾತ್ ದೊಸ್ತಿ ಹೊಲೆ, ಹೆಚ್ಯಾ ಅದ್ದಿ ತೆನಿ ಎಕಾಮೆಕಾಕ್ ದುಸ್ಮಕಿನ್ ಹೊತ್ತೆ.
ಜೆಜುಕ್ ಮರ್‍ನಾಚಿ ಶಿಕ್ಷಾ ದಿತಲೆ ಮನುನ್ ನಿರ್‍ದಾರ್
ಮಾತೆವ್ 27:15-26; ಮಾರ್ಕ್ 15:6-15
13ಪಿಲಾತಾನ್ ಸಗ್ಳ್ಯಾ ಮುಖ್ಯ ಯಾಜಕಾಕ್ನಿ, ಅದಿಕಾರ್‍ಯಾಕ್ನಿ, ಅನಿ ಲೊಕಾಕ್ನಿ ಎಕಾಕ್ಡೆ ಬಲ್ವುಲ್ಯಾನ್. 14ಅನಿ ತೆಂಕಾ,“ಲೊಕಾಕ್ನಿ ಚುಕ್ ವಾಟೆನ್ ನ್ಹೆವ್ಲಾ ಮನುನ್ ಹ್ಯಾ ಮಾನ್ಸಾಕ್ ತುಮಿ ಮಾಜೆಕ್ಡೆ ಘೆವ್ನ್ ಯೆಲ್ಯಾಶಿ, ಅನಿ ಅತ್ತಾ ತುಮ್ಚ್ಯಾ ಇದ್ರಾಕುಚ್ ಮಿಯಾ ತೆಚಿ ಪರಿಕ್ಷಾ ಕರುನ್ ಬಗಟ್ಲೊ, ಅನಿ ತುಮಿ ಸಾಂಗಟಲ್ಲಿ ಎಕ್‍ಬಿ ಚುಕ್ ತೆನಿ ಕರ್‍ಲ್ಯಾನಾಯ್ ಮನುನ್ ಮಾಕಾ ತರ್ ಕಾಯ್ ದಿಸಿನಾ ಹೊಲಾ. 15ಅನಿ ಹೆರೊದಾಕ್‍ಬಿ ಹೆಚಿ ಚುಕ್ ಕಾಯ್ ಮನುನ್ ಗಾವುಕ್ನಾ ತಸೆ ಮನುನ್ ತೆನಿ ಆನಿಪರ್ತುನ್ ಮಾಜೆಕ್ಡೆ ತೆಕಾ ಧಾಡುನ್ ದಿಲ್ಯಾನಾಯ್. ಮರ್‍ನಾಚಿ ಶಿಕ್ಷಾ ದಿ ಸರ್ಕೆ ಹ್ಯಾ ಮಾನ್ಸಾನ್ ಕಾಯ್ಬಿ ಕರುಕ್ ನಾ. 16ತಸೆ ಮನುನ್ ಮಿಯಾ ತೆಕಾ ಬಾರ್‍ಕೊಲಾನಿ ಮಾರುಕ್ ಲಾವ್ತಾ, ಅನಿ ಸೊಡುನ್ ದಿತಾ” ಮಟ್ಲ್ಯಾನ್. 17#23:17 ಉಲ್ಲ್ಯಾ ಪ್ರತಿಯಾತ್ನಿ ಸತ್ರಾವಿ ಗೊಸ್ಟ್ ನಾ.ಹರಿಎಕ್ ಪಾಸ್ಕಾಚ್ಯಾ ಸನಾಕ್ ಪಿಲಾತಾನ್ ಎಕ್ ಬಂಧಿಖಾನ್ಯಾತ್ ಹೊತ್ತ್ಯಾ ಮಾನ್ಸಾಕ್ ಸೊಡುನ್ ದಿತಲೆ ಮನುನ್ ಹೊತ್ತೆ.
18ತ್ಯಾ ಲೊಕಾಂಚ್ಯಾ ತಾಂಡ್ಯಾನ್, “ತೆಕಾ ಜಿವಾನಿ ಮಾರ್! ಬಾರಾಬ್ಬಾಸಾಕ್ ಅಮ್ಚ್ಯಾಸಾಟ್ನಿ ಸೊಡುನ್ ದಿ!” ಮನುನ್ ಬೊಬ್ ಮಾರ್‍ಲ್ಯಾನಿ. 19ಶಾರಾತ್ ಎಕ್ ಡಂಗೊ ಉಟ್ವಲ್ಲ್ಯಾ‍ಸಾಟ್ನಿ, ಅನಿ ಲೊಕಾಕ್ನಿ ಜಿವಾನಿ ಮಾರಲ್ಲ್ಯಾ ಸಾಟ್ನಿ, ಬಾರಾಬ್ಬಾಸಾಕ್ ಬಂದಿಖಾನ್ಯಾತ್ ಥವಲ್ಲೆ ಹೊತ್ತೆ.
20ಪಿಲಾತ್ ಜೆಜುಕ್ ಸೊಡುಚೆ ಮನುನ್ ಹೊತ್ತೊ ತೆಚೆಸಾಟ್ನಿ ತೆನಿ, ಅನಿ ಎಗ್ದಾ ಲೊಕಾಕ್ನಿ ಸಾಂಗಟ್ಲ್ಯಾನ್. 21ಖರೆ ತೆನಿ “ತೆಕಾ ಕುರ್ಸಾರ್ ಮಾರ್! ತೆಕಾ ಕುರ್ಸಾರ್ ಮಾರ್!” ಮನುನ್ ಬೊಬ್ ಮಾರ್‍ಲ್ಯಾನಿ.
22ಪಿಲಾತಾನ್ ತಿನ್ವೆಪಟಿ ತೆಂಕಾ “ಖರೆ, ಮರ್‍ನಾಚಿ ಶಿಕ್ಷಾ ದಿ ಸರ್ಕೆ ಕಸ್ಲಿ ಚುಕ್ ತೆನಿ ಕರ್‍ಲ್ಯಾನಾಯ್, ಮಾಕಾ ತರ್ ತೆಚಿ ಕಸ್ಲಿಬಿ ಚುಕ್ ಗಾವುಕ್ನಾ, ತಸೆ ಮನುನ್ ಮಿಯಾ ತೆಕಾ ಬಾರ್‍ಕೊಲಾನಿ ಮಾರುಕ್‍ಲಾವ್ತಾ, ಅನಿ ಸೊಡುನ್ ದಿತಾ!” ಮನುನ್ ಸಾಂಗಟ್ಲ್ಯಾನ್.
23ಖರೆ ತೆನಿ ತೆಂಕಾ ಕವ್ಡ್ಯಾ ಹೊತಾ ತವ್ಡ್ಯಾ ಜೊರಾನ್, ಜೆಜುಕ್ ಕುರ್ಸಾರ್ ಮಾರುಚೆ ಮನುನ್ ಬೊಬ್ ಮಾರುಕ್‍ಲಾಲೆ, ಅನಿ ಆಕ್ರಿಕ್ ತೆನಿ ಬೊಬ್ ಮಾರ್‍ಲ್ಯಾ ಸರ್ಕೆಚ್ ತೆಂಕಾ ನಿರ್‍ದಾರ್ ಗಾವ್ಲೊ. 24ತನ್ನಾ ಪಿಲಾತಾನ್ ತೆನಿ ಸಾಂಗಲ್ಲ್ಯಾ ಸರ್ಕೆಚ್ ಹೊಂವ್ದಿ ಮನುನ್ ನಿರ್‍ನಯ್ ದಿಲ್ಯಾನ್. 25ತೆನಿ ಇಚಾರಲ್ಲ್ಯಾ ಡಂಗೊ ಉಟ್ವುನ್, ಅನಿ ಲೊಕಾಕ್ನಿ ಜಿವಾನಿ ಮಾರುನ್ ಬಂದಿಖಾನ್ಯಾತ್ ಹೊತ್ತ್ಯಾಕ್ ತೆನಿ ಸೊಡುನ್ ದಿಲ್ಯಾನ್, ಅನಿ ತುಮ್ಕಾ ಕಾಯ್ ಪಾಜೆ ತೆ ಕರಾ ಮನುನ್ ಜೆಜುಕ್ ತೆಂಚ್ಯಾ ತಾಬೆತ್ ದಿಲ್ಯಾನ್.
ಜೆಜುಕ್ ಕುರ್ಸಾರ್ ಮಾರ್‍ತ್ಯಾತ್.
ಮಾತೆವ್ 27:32-44; ಮಾರ್ಕ್ 15:21-32
26ಸೈನಿಕಾನಿ ಜೆಜುಕ್ ಘೆವ್ನ್ ಗೆಲ್ಯಾನಿ, ಅನಿ ತೆನಿ ಜೆಜುಕ್ ಘೆವ್ನ್ ಜಾತಾನಾ, ವಾಟೆರ್ ಸಿರೆನ್ ಮನ್ತಲ್ಯಾ ಗಾಂವಾಂಚ್ಯಾ ಸಿಮಾವಾಕ್ ತೆನಿ ಭೆಟ್ಲ್ಯಾನಿ. ತೊ ಶೆತಾತ್ನಾ ಅಪ್ನಾಚ್ಯಾ ಶಾರಾತ್ ಜಾಯ್. ತೆನಿ ತೆಕಾ ಧರ್‍ಲ್ಯಾನಿ, ಅನಿ ಜೆಜುಚೊ ಕುರಿಸ್ ವಾವುನ್ ಘೆವ್ನ್ ಜಾವ್ಕ್ ಲಾವ್ಲ್ಯಾನಿ.
27ಜೆಜುಚ್ಯಾ ಫಾಟ್ನಾ ಲೊಕಾಂಚೊ, ಎಕ್ ಮೊಟೊ ತಾಂಡೊಚ್ ಹೊತ್ತೊ, ತ್ಯಾತುರ್‍ಲ್ಯಾ ಉಲ್ಲ್ಯಾ ಬಾಯ್ಕಾಮನ್ಸಾ ಜೆಜುಸಾಟ್ನಿ ರಡುಲಾಗಲ್ಲ್ಯಾ. 28ಜೆಜು ತೆಂಚೆಕ್ಡೆ ಪರತ್ಲೊ, ಅನಿ ತೆಂಕಾ “ಜೆರುಜಲೆಮಾಚ್ಯಾ ಬಾಯ್ಕೊಮನ್ಸಾನೊ ಮಾಜೆಸಾಟಿ ರಡುನಕಾಶಿ! ತುಮ್ಚ್ಯಾ, ಅನಿ ತುಮ್ಚ್ಯಾ ಪೊರಾಂಚ್ಯಾ ಸಾಟ್ನಿ ರಡಾ”, ಮಟ್ಲ್ಯಾನ್ . 29ಲೊಕಾ ಪೊರಾ ಹೊವನಸಲ್ಲ್ಯಾ ಬಾಯ್ಕೊಮನ್ಸಾಂಚೆ ಕವ್ಡೆ ಬರೆ, ಪೊರಾಕ್ ಜಲಮ್‍ ದಿ ನಸಲ್ಲ್ಯಾಂಚೆ ಕವ್ಡೆ ಬರೆ! ಮನುನ್ ಸಾಂಗ್ತಲೊ ಎಳ್ ಯೆತಾ: 30ತ್ಯಾ ದಿಸಾತ್ನಿ ಲೊಕಾ ಮೊಟ್ಯಾ-ಮೊಟ್ಯಾ ಮಡ್ಡಿಯಾಕ್ನಿ “ಅಮ್ಚೆ ವರ್‍ತಿ ಯೆವ್ನ್ ಪಡಾ, ಮನ್ತ್ಯಾತ್, ಅನಿ ಬಾರಿಕ್ಲ್ಯಾ ಮಡ್ಡಿಯಾಕ್ನಿ”, ಅಮ್ಕಾ ನಿಪ್ವುನ್ ಸೊಡಾ! ಮನ್ತ್ಯಾತ್. 31“ಅಸ್ಲೆ ಸಗ್ಳೆ ಎಕ್ ಹಿರ್‍ವೆ ಹೊತ್ತ್ಯಾ ಝಾಡಾಕುಚ್ ಕರ್ಲ್ಯಾರ್ , ವಾಳ್ಕ್ಯಾ ಝಾಡಾಚಿ ಗತ್ ಕಾಯ್?” ಮಟ್ಲ್ಯಾನ್.
32ಅನಿ ದೊಗ್ಯಾ ಚೊರಾನ್ಕಿಬಿ, ಜೆಜುಚ್ಯಾ ವಾಂಗ್ಡಾ ಮರ್‍ನಾಚಿ ಶಿಕ್ಷಾ ದಿವ್ಕ್ ಘೆವ್ನ್ ಯೆಲ್ಲ್ಯಾನಿ 33ಅಶೆ ತೆನಿ “ಟಕ್ಲ್ಯಾಚ್ಯಾ ಬುರ್‍ಡ್ಯಾಚೊ ಜಾಗೊ” ಮನ್ತಲ್ಯಾ ಜಾಗ್ಯಾರ್ ಯೆವ್ನ್ ಪಾವಲ್ಲ್ಯಾ ತನ್ನಾ ತೆನಿ ಜೆಜುಕ್ ಕುರ್ಸಾರ್ ಮಾರ್‍ಲ್ಯಾನಿ, ಅನಿ ತ್ಯಾ ದೊಗ್ಯಾ ಚೊರಾಕ್ನಿ, ಎಕ್ಲ್ಯಾಕ್ ಜೆಜುಚ್ಯಾ ಉಜ್ವ್ಯಾಬಾಜುಕ್, ಅನಿ ಎಕ್ಲ್ಯಾಕ್ ಡಾವ್ಯಾ ಬಾಜುಕ್ ಕುರ್ಸಾರ್ ಮಾರ್‍ಲ್ಯಾನಿ. 34ತನ್ನಾ ಜೆಜುನ್ “ಬಾಬಾ ತೆಂಕಾ ಮಾಪ್‍ ಕರ್, ತೆನಿ ಕಾಯ್ ಕರುಲ್ಯಾತ್ ಮನುನ್ ತೆಂಕಾಚ್ ಗೊತ್ತ್ ನಾ”, ಮಟ್ಲ್ಯಾನ್.
ಚಿಟಿಯಾ ಕಾಡುನ್ ಕೊನಾಕ್ ಯೆತಾತ್ ಬಗುಂವಾ ಮನುನ್ ತೆನಿ ತೆಚೆ ಕಪ್ಡೆ ವಾಟುನ್ ಘೆಟ್ಲ್ಯಾನಿ.
35ಜುದೆವಾಂಚಿ ಮುಖಂಡಾ ಜೆಜುಕ್ “ತೆನಿ ದುಸ್ರ್ಯಾಕ್ನಿ ಹುರ್‍ವುಲ್ಯಾನ್, ಅತ್ತಾ ತೊ ದೆವಾನ್ ಎಚುನ್ ಕಾಡಲ್ಲೊ ಮೆಸ್ಸಿಯಾ ಹೊಯ್ ಜಾಲ್ಯಾರ್, ಅಪ್ನಾಕುಚ್ ಹುರ್‍ವುನ್ ಘೆಂವ್ದಿ!” ಮನುನ್ ಎಡ್ಸಡ್ತಲೆ ಥೈ ಇಬೆ ಹೊತ್ತಿ ಸಗ್ಳಿ ಲೊಕಾ ಬಗುಲಾಲ್ಲಿ.
36ಸೈನಿಕಾನಿಬಿ ತೆಕಾ ಎಡ್ಸಡ್ಲ್ಯಾನಿ, ಫಿಡೆ ಯೆವ್ನ್ ತೆಕಾ ಎಗ್ದಮ್ ಅಂಬೊಟ್ಲಿ ವಾಯ್ನ್ ಫಿವ್ಕ್ ದಿಲ್ಯಾನಿ. 37“ಅನಿ, ತಿಯಾ ಜುದೆವಾಂಚೊ ರಾಜಾ ಹೊಯ್ ಜಾಲ್ಯಾರ್, ತುಕಾಚ್ ತಿಯಾ ಹುರ್‍ವುನ್ ಘೆ” ಮಟ್ಲ್ಯಾನಿ.
38ತೆಚ್ಯಾ ಟಕ್ಲ್ಯಾಚ್ಯಾ ವರ್‍ತಿ “ಹ್ಯೊ ಜುದೆವಾಂಚೊ ರಾಜಾ” ಮನುನ್ ಎಕ್ ಫಳಿ ವರ್‍ತಿ ಲಿವ್ನ್ ಲಾವಲ್ಲೆ ಹೊತ್ತೆ.
39ತೆಚ್ಯಾ ಅಜು-ಬಾಜುಕ್ ಕುರ್ಸಾರ್ ಮಾರಲ್ಲ್ಯಾ ಚೊರಾನಿತ್ಲೊ ಎಕ್ಲೊ “ತಿಯಾ ಮೆಸ್ಸಿಯಾ ನ್ಹಯ್ ಕಾಯ್? ತುಕಾಚ್ ತಿಯಾ ಹುರ್‍ವುನ್ ಘೆ, ಅನಿ ಅಮ್ಕಾಬಿ ಹುರ್‍ವು” ಮನುನ್ ಜೆಜುಕ್ ಅವ್ಮಾನ್ ಕರುಕ್ಲಾಲೊ.
40ತನ್ನಾ ಅನಿ ಎಕ್ಲ್ಯಾನ್ ತೆಕಾ “ತುಕಾಬಿ ತೆಕಾ ಗಾವಲ್ಲಿಚ್ ಶಿಕ್ಷಾ ಗಾವ್ಲಾ, ತುಕಾ ಉಲ್ಲೆಬಿ ದೆವಾಚೆ ಭಿಂಯೆ ನಾ ಕಾಯ್? 41ಅಮ್ಕಾ ತರ್ ಹಿ. ಶಿಕ್ಷಾ ಗಾವಲ್ಲಿ, ಬರಬ್ಬರ್ ಹಾಯ್ , ಕಶ್ಯಾಕ್ ಮಟ್ಲ್ಯಾರ್ ಅಮಿ ಕರಲ್ಲ್ಯಾ ಚುಕಾಕ್ನಿ ಅಮ್ಕಾ ಹಿ ಶಿಕ್ಷಾ ಹೊವ್ಕುಚ್ ಪಾಜೆ, ಖರೆ ತೆನಿ ಕಾಯ್ಬಿ ಚುಕ್ ಕರಲ್ಲಿ ನಾ”, ಮನುನ್ ಜೊರ್ ಕರ್ಲ್ಯಾನ್. 42ಅನಿ ಜೆಜುಕ್ “ಜೆಜು, ತಿಯಾ ರಾಜಾಚಿ ಪದ್ವಿ ಘೆವ್ನ್ ಯೆತಾನಾ, ಮಾಜಿ ಯಾದ್ ಕರ್” ಮಟ್ಲ್ಯಾನ್.
43ಜೆಜುನ್ ತೆಕಾ “ಮಿಯಾ ತುಕಾ ಖರೆಚ್ ಸಾಂಗ್ತಾ ಆಜುಚ್ ತಿಯಾ ಮಾಜೆ ವಾಂಗ್ಡಾ, ವೈಕುಂಟಾತ್ ರ್‍ಹಾತೆ!” ಮನುನ್ ಸಾಂಗಟ್ಲ್ಯಾನ್.
ಜೆಜುಚೆ ಮರಾನ್
ಮಾತೆವ್ 27:45-56; ಮಾರ್ಕ್ 15:33-41
44ಜಗ್ಗ್ -ಜಗ್ಗೂಳ್ ದೊಪಾರ್ಚೆ ಬಾರಾ ಘಂಟೆ ಹೊಲ್ಲೆ ತನ್ನಾ ದಿಸ್ ಕಾಳೊ ಹೊಲೊ,ಅನಿ ತಿನ್ ಘಂಟ್ಯಾ ಪತರ್ ಸಗ್ಳ್ಯಾ ದೆಶಾತ್ ಕಾಳೊಕ್ ಪಡಲ್ಲೊ. 45ಅನಿ ದೆವಾಚ್ಯಾ ಗುಡಿಚೊ ಫಡ್ದೊ ಪಿಂಜುನ್ ದೊನ್ ಭಾಗ್ ಹೊಲೊ. 46ಜೆಜುನ್ ಮೊಟ್ಯಾನ್ “ಬಾಬಾ ಮಾಜೊ ಜಿವ್ ಮಿಯಾ ತುಜ್ಯಾ ತಾಬೆತ್ ದಿತಾ” ಮನುನ್ ಬೊಬ್ ಮಾರ್‍ಲ್ಯಾನ್. ಅನಿ ಜಿವ್ ಸೊಡ್ಲ್ಯಾನ್.
47ಕಾಯ್-ಕಾಯ್ ಹೊಲೆ ಮನುನ್ ಎಕ್ ಸೈನಿಕಾಂಚ್ಯಾ ಮುಖಂಡಾನ್ ಬಗಟ್ಲ್ಯಾನ್, ಅನಿ “ಹ್ಯೊ ಖರೆಚ್ ಬರೊ ಮಾನುಸ್” ಮನುನ್ ದೆವಾಕ್ ಧನ್ಯವಾದ್ ದಿಲ್ಲ್ಯಾನ್.
48ಥೈ ಇಬೆ ಹೊತ್ತ್ಯಾ ಲೊಕಾನಿ ಡೊಳ್ಯಾನ್ ಡೊಳೊಬರ್, ಬಗಟಲ್ಲ್ಯಾನಿ ದುಕ್ಕಾನ್ ಅಪ್ನಾಚೆ ಹಿರ್‍ದೆ ಬಡ್ವುನ್ ಘೆವ್ನಗೆತ್‍ ತೆಂಚ್ಯಾ ಘರಾತ್ನಿ ಗೆಲ್ಯಾನಿ. 49ಜೆಜುಚಿ ವಳಕ್ ಹೊತ್ತಿ. ಲೊಕಾ, ಅನಿ ಗಾಲಿಲಿಯಾತ್ನಾ ಜೆಜುಚ್ಯಾ ಫಾಟ್ನಾ ಯೆಲ್ಲ್ಯಾ ಬಾಯ್ಕೊಮನ್ಸಾ ಥೈಚ್ ಉಲ್ಲೆ ಧುರ್ ಇಬೆ ರ್‍ಹಾವ್ನ್, ಹೆ ಸಗ್ಳೆ ಬಗುಲಾಗಲ್ಲ್ಯಾ.
ಜೆಜುಕ್ ಮಾಟಿ ದಿತಲೆ
ಮಾತೆವ್ 27:57-61; ಮಾರ್ಕ್ 15:42-47
50-51ಜುದೆಯಾತ್ಲ್ಯಾ ಅರೆಮಾತಿಯಾ, ಮನ್ತಲ್ಯಾ ಗಾಂವಾತ್ಲೊ ಜುಜೆ ಮನ್ತಲೊ ಎಕ್ ಮಾನುಸ್ ಹೊತ್ತೊ. ತೊ ಎಕ್ ಬರೊ, ಅನಿ ಮರ್ಯಾದಿಚೊ ಮಾನುಸ್ ಹೊತ್ತೊ, ತೊ ದೆವಾಚೆ ರಾಜ್ ಯೆತಲಿ ವಾಟ್ ರಾಕುನ್ಗೆತ್ ಹೊತ್ತೊ. ಅನಿ ಜುದೆವಾಂಚ್ಯಾ ನ್ಯಾಯ್ ನಿರ್‍ನಯ್ ಕರ್‍ತಲ್ಯಾ ಬೈಟಕಿಚೊ ಮಾನುಸ್‌ಬಿ ಹೊತ್ತೊ. ತೆನಿ ಘೆಟಲ್ಲೊ ಹ್ಯೊ ನಿರ್‍ದಾರ್ ತೆಕಾ ಸಮಾ ದಿಸುಕ್ ನತ್ತೊ. 52ತೊ ಪಿಲಾತಾಕ್ಡೆ ಗೆಲೊ, ಅನಿ ಜೆಜುಚೆ ಮಡೆ ತೆನಿ ಇಚಾರ್‍ಲ್ಯಾನ್. 53ಜೆಜುಚೆ ಮಡೆ ಕುರ್ಸಾ ವೈನಾ ಖಾಲ್ತಿ ಉತರ್‍ಲ್ಯಾನ್, ಅನಿ ಎಕ್ ಮಡ್ಯಾಕ್ ಲಪಟ್ತಲ್ಯಾ ಮ್ಹಾಗ್ರ್ಯಾ ಫಾಳಿತ್ ತೆ ಲಪಟ್ಲ್ಯಾನ್,ಅನಿ ಕೊನಾಕ್ಬಿ ಅದ್ದಿ ಥೈನಸಲ್ಲ್ಯಾ ಎಕ್ ಘಟ್ಮುಟ್ ಮೊಟ್ಯಾ ಗುಂಡ್ಯಾತ್ ಪೊಕರಲ್ಲ್ಯಾ ಸಮಾದಿತ್ ನ್ಹೆವ್ನ್ ಥವ್ಲ್ಯಾನ್. 54ತೊ ದಿಸ್ ಸುಕ್ರಾರ್, ಅನಿ ಸಬ್ಬತ್ ಚಾಲು ಹೊತಲ್ಯಾತ್ ಹೊತ್ತೊ.
55ಗಾಲಿಲಿಯಾಕ್ನಾ ಜೆಜುಚ್ಯಾ ಫಾಟ್ನಾ ಯೆಲ್ಲ್ಯಾ ಬಾಯ್ಕೊಮನ್ಸಾ ಜೆಜುಚೆ ಮಡೆ ಖೈ ಥವಲ್ಲೆ ಹಾಯ್ ಮನುನ್ ಬಗಟ್ಲ್ಯಾನಿ. 56ತೆನಿ ಘರಾಕ್ ಗೆಲ್ಯಾನಿ, ಅನಿ ಜೆಜುಚ್ಯಾ ಮಡ್ಯಾಕ್ ಲಾವುಕ್ ಮನುನ್, ಬರಿ ವಾಸ್ ಯೆತಲಿ ತೆಲಾ, ಅನಿ ಮಡ್ಯಾಕ್ ಲಾವ್ತಲಿ ತೆಲಾ ತೆನಿ ತಯಾರ್ ಕರ್‍ಲ್ಯಾನಿ. ಸಬ್ಬತಾಚ್ಯಾ ದಿಸಿ ದೆವಾಚ್ಯಾ ಖಾಯ್ದ್ಯಾತ್ ಸಾಂಗಲ್ಲ್ಯಾ ಸರ್ಕೆ ತೆನಿ ಅರಾಮ್ ಘೆಟ್ಲ್ಯಾನಿ.
The New Testament in Siddi Language © The Word for the World International and Siddi Translation Samithi, Mundgod, Uttara Kannada, 2024.
