ಲುಕ್ 20
20
ಜೆಜುಚ್ಯಾ ಅದಿಕಾರಾಚ್ಯಾ ವಿಶಯಾತ್ ಪರಿಕ್ಷಾ
ಮಾತೆವ್ 21:23-27; ಮಾರ್ಕ್ 11:27-33
1ಎಕ್ ದಿಸ್ ಜೆಜು ದೆವಾಚ್ಯಾ ಗುಡಿತ್ ಲೊಕಾಕ್ನಿ ಶಿಕ್ವುಲಾಗಲ್ಲೊ, ಅನಿ ಬರಿ ಖಬರ್ ಸಾಂಗುಕ್ ಲಾಗಲ್ಲೊ, ತನ್ನಾ , ಮುಖ್ಯ ಯಾಜಕಾ, ಅನಿ ಖಾಯ್ದೆ ಶಿಕ್ವುತಲಿ ಲೊಕಾ, ಜಾನ್ತ್ಯಾಂಚ್ಯಾ ವಾಂಗ್ಡಾ ಮಿಳುನ್ ಯೆಲ್ಯಾನಿ. 2ಅನಿ “ಹೆ ಸಗ್ಳೆ ಕರುಕ್ ತುಕಾ ಕಸ್ಲೊ ಅದಿಕಾರ್ ಹಾಯ್? ಹೆ ಕರುಕ್ ತುಕಾ ಕೊನ್ ಅದಿಕಾರ್ ದಿಲೊ? ಸಾಂಗ್ ಅಮ್ಕಾ”, ಮಟ್ಲ್ಯಾನಿ.
3ಜೆಜುನ್ ತೆಂಕಾ “ಮಿಯಾ ತುಮ್ಕಾ ಎಕ್ ಸವಾಲ್ ಇಚಾರ್ತಾ, ಸಾಂಗಾ ಮಾಕಾ 4ಜುವಾಂವಾಕ್ ಬಾಲ್ತಿಮ್ ದಿತಲೊ ಅದಿಕಾರ್ ದೆವಾಕ್ನಾ ಯೆಲ್ಲೊ ಕಾಯ್ ಮಾನ್ಸಾಕ್ನಾ ಯೆಲ್ಲೊ?”
5ತನ್ನಾ ತೆನಿ ಅಪ್ನಾ-ಅಪ್ನಾ ಮದ್ದಿ “ಅಮಿ ಕಾಯ್ ಸಾಂಗುವಾ? ಅಮಿ ದೆವಾಕ್ನಾ ಮಟ್ಲಾಂವ್ ತರ್, ತೊ ಅಮ್ಕಾ, ತುಮಿ ಕಶ್ಯಾಕ್ ಜುವಾಂವಾ ವರ್‍ತಿ ವಿಶ್ವಾಸ್ ಕರುಕ್ನ್ಯಾಶಿ? ಮನ್ತಾ. 6ಅನಿ ಅಮಿ ಮಾನ್ಸಾಕ್ನಾ ಮನುನ್ ಸಾಂಗಟ್ಲ್ಯಾರ್, ಹಿತ್ತೆ ಹೊತ್ತಿ ಸಗ್ಳಿ ಲೊಕಾ ಅಮ್ಕಾ ಗುಂಡ್ಯಾನಿ ಮಾರ್‍ತ್ಯಾತ್, ಕಶ್ಯಾಕ್ ಮಟ್ಲ್ಯಾರ್ ತೆನಿ ಸಗ್ಳೆ ತೊ ಎಕ್ ಪ್ರವಾದಿ, ಮನುನ್ ಮಾನ್ತ್ಯಾತ್” ಮನುನ್ ಬೊಲುನ್ ಘೆಟ್ಲ್ಯಾನಿ. 7ತಸೆಮನುನ್ ತೆನಿ “ಕೊನಾಕ್ನಾ ಯೆಲೊ ,ಮನುನ್ ಅಮ್ಕಾ ಗೊತ್ತ್ ನಾ” ಮನುನ್ ಜಬಾಬ್ ದಿಲ್ಯಾನ್.
8ತನ್ನಾ ಜೆಜುನ್ ತೆಂಕಾ “ತಸೆ ಜಾಲ್ಯಾರ್ ಮಿಯಾಬಿ ಹೆ, ಸಗ್ಳೆ ಕಸ್ಲ್ಯಾ ಅದಿಕಾರ್‍ಯಾನ್ ಮಿಯಾ ಕರುಕ್ ಲಾಗ್ಲಾ ಮನುನ್ ಸಾಂಗಿನಾ” ಮಟ್ಲ್ಯಾನ್.
ದರಾಕ್ಷಿಚೊ ಮ್ಹಳೊ ಗುತ್ಕ್ಯಾಕ್ ದಿಲ್ಲ್ಯಾಂಚಿ ಕಾನಿ
ಮಾತೆವ್ 21:33-46; ಮಾರ್ಕ್ 12:1-12
9ತನ್ನಾ ಜೆಜುನ್ ಲೊಕಾಕ್ನಿ ಹಿ ಕಾನಿ ಸಾಂಗಟ್ಲ್ಯಾನ್: ಎಗ್ದಾ ಎಕ್ ಮಾನುಸ್ ಹೊತ್ತೊ, ತೆನಿ ಎಕ್ ದರಾಕ್ಷಿಚೊ ಮಳೊ ಲಾವಲ್ಲ್ಯಾನ್,ಗುತ್ಕ್ಯಾನಿ ದಿಲ್ಯಾನ್ ಮಾನಾ ತೊ ಲೈ ದಿಸಾಸಾಟಿ ಘರ್ ಸೊಡುನ್ ಧುರ್‍ಲ್ಯಾ ಗಾಂವಾಕ್ ಗೆಲೊ, 10ದರಾಕ್ಷಿ ಗೊಳಾ ಕರ್‍ತಲ್ಲ್ಯಾ ಎಳಾರ್, ತ್ಯಾ ಮಾನ್ಸಾನ್ ಅಪ್ನಾಚೊ ಸುಗ್ಗಿಚೊ ವಾಟೊ ಘೆವ್ನ್ ಯೆ ಮನುನ್ ಅಪ್ನಾಚ್ಯಾ ಎಕ್ಲ್ಯಾ ಗುಲಾಮಾಕ್ ಮಳ್ಯಾಕ್ಡೆ ಧಾಡುನ್ ದಿಲ್ಯಾನ್, ಖರೆ ತ್ಯಾ ಗುತ್ಕೆ ಧರಲ್ಲ್ಯಾನಿ ತ್ಯಾ ಗುಲಾಮಾಕ್ ಮಾರ್ ಘಾಟ್ಲ್ಯಾನಿ, ಅನಿ ಖಾಲಿ ಹಾತಾನಿ ಪರ್ತುನ್ ಧಾಡ್ಲ್ಯಾನಿ. 11ತಸೆ ಮನುನ್ ತೆನಿ, ಅನಿಎಕ್ ಆಳಾಕ್ ಧಾಡುನ್ ದಿಲ್ಯಾನ್; ಖರೆ ಗುತ್ಕೆ ಧರಲ್ಲ್ಯಾನಿ ತೆಕಾ ಧರುನ್ ಮಾರ್ ಘಾಟ್ಲ್ಯಾನಿ, ಅನಿ ತೆಚಿ ಮರ್‍ಯಾದ್ ಕಾಡ್ಲ್ಯಾನಿ. ಅನಿ ಖಾಲಿ ಹಾತಾನಿ ಪರ್ತುನ್ ಧಾಡ್ಲ್ಯಾನಿ. 12ಮಾನಾ ತೆನಿ ತಿನ್ವೆಚ್ಯಾ ಅನಿ ಎಕ್‍ಬಿ ಆಳಾಕ್ ಧಾಡುನ್ ದಿಲ್ಯಾನ್, ತ್ಯಾ ಗುತ್ಕೆ ಧರಲ್ಲ್ಯಾನಿ ತೆಕಾಬಿ. ಬರಬ್ಬರ್ ದುಕ್ವುಲ್ಯಾನಿ, ಅನಿ ಮಳ್ಯಾಚ್ಯಾ ಭಾಯ್ರ್ ಟಾಕ್ಲ್ಯಾನಿ. 13ತನ್ನಾ ತೊ ದರಾಕ್ಷಿಚ್ಯಾ ಮಳ್ಯಾಚೊ ಮಾಲಿಕ್ “ಮಿಯಾ ಕಾಯ್ ಕರು? ಮಿಯಾ ಮಾಜ್ಯಾ ಅಪುರ್‍ಬಾಯೆಚ್ಯಾ ಎಕ್ಲ್ಯಾಚ್ ಲೆಕಾಕ್ ಧಾಡುನ್ ದಿತಾ, ತೆಚೆ ತೆನಿ ಆಯಿಕ್ತಿಲ್!” ಮಟ್ಲ್ಯಾನ್, 14ಖರೆ, ತ್ಯಾ ಲೆಕಾಕ್ ಬಗಟಲ್ಲೆಚ್ ತೆ ಗುತ್ಕ್ಯಾಚೆ ಎಕಾಮೆಕಾಕ್ನಿ “ಹ್ಯೊ ಹ್ಯಾ ಮಳ್ಯಾಚ್ಯಾ ಮಾಲ್ಕಾಚೊ ಲೆಕ್, ಯೆವಾ ಹೆಕಾ ಜಿವಾನಿಚ್ ಮಾರುಂವ್ವಾ, ಅನಿ ಮಾನಾ ಹಿ ಸಗ್ಳಿ ಅಸ್ತಿ ಅಮ್ಕಾಚ್ ಹೊತಾ” ಮನುಕ್‍ಲಾಲೆ. 15ಅಶೆ ತೆನಿ ತೆಕಾ ದರಾಕ್ಷಿಚ್ಯಾ ಮಳ್ಯಾತ್ನಾ ಭಾಯ್ರ್ ನ್ಹೆವ್ನ್ ಜಿವಾನಿಚ್ ಮಾರುನ್ ಟಾಕ್ಲ್ಯಾನಿ
ತನ್ನಾ ಜೆಜುನ್ “ತನ್ನಾ ತೊ ತ್ಯಾ ದರಾಕ್ಷಿಚ್ಯಾ ಮಳ್ಯಾಚೊ ಮಾಲಿಕ್, ಕಾಯ್ ಕರ್‍ತಾ ಮನುನ್ ತುಮಿ ಮನ್ತ್ಯಾಶಿ?” ಮನುನ್ ಇಚಾರ್‍ಲ್ಯಾನ್. 16ತೊ ಯೆತಾ, ಅನಿ ತ್ಯಾ ಮಾನ್ಸಾಕ್ನಿ ಜಿವಾನಿಚ್ ಮಾರ್‍ತಾ, ಅನಿ ಮಳೊ ದುಸ್ರ್ಯಾಕ್ನಿ ಗುತ್ಕ್ಯಾಕ್ ದಿತಾ.
ಹೆ ಆಯ್ಕಲ್ಲ್ಯಾ ತನ್ನಾ ಲೊಕಾ “ನಾ ತಸೆ ಹೊವ್ಕ್ ಸಾದ್ಯ್ ನಾ!” ಮನುಕ್‍ಲಾಲಿ.
17ಜೆಜುನ್ ತೆಂಚೆಕ್ಡೆ ಬಗಟ್ಲ್ಯಾನ್, ಅನಿ ತೆಂಕಾ,
ಭಾಂದ್ತಲ್ಯಾನಿ ನಕ್ಕೊ ಮನುನ್
ಟಾಕಲ್ಲೊ ಗುಂಡೊಚ್,
ಸಗ್ಳ್ಯಾನ್ಕಿ ಗರ್ಜೆಚೊ ಗುಂಡೊ ಹೊಲೊ.
ಮನುನ್ ಪವಿತ್ರ್ ಪುಸ್ತಕಾತ್ ಸಾಂಗಲ್ಲ್ಯಾಚೊ
ಅರ್ತ್‍ ಕಾಯ್ ತರ್? ಮನುನ್ ಇಚಾರ್‍ಲ್ಯಾನ್.
18“ತ್ಯಾ ಗುಂಡ್ಯಾ ವರ್‍ತಿ ಪಡಲ್ಲೊ ಹರ್ ಎಕ್ಲೊ ತುಕ್ಡೆ-ತುಕ್ಡೆ ಹೊತಾ; ಅನಿ ತೊ ಗುಂಡೊಚ್ ಕೊನಾ ವರ್‍ತಿ ತರ್ ಪಡಿಲ್ ತರ್, ತೊ ತೆಕಾ ಬುಕ್ನಾಚ್ ಕರುನ್ ಟಾಕ್ತಾ” ಮಟ್ಲ್ಯಾನ್.
ತೆರ್‍ಗಿ ಭರ್‍ತಲ್ಯಾ ವಿಶಯಾತ್ ಸವಾಲ್
ಮಾತೆವ್ 22:15-22; ಮಾರ್ಕ್ 12:13-17
19ಖಾಯ್ದೆ ಶಿಕ್ವುತಲ್ಯಾ ಲೊಕಾನಿ, ಅನಿ ಮುಖ್ಯ ಯಾಜಕಾನಿ, ಜೆಜುಕ್ ತ್ಯಾಚ್ ಜಾಗ್ಯಾರ್ ಧರುಚೆ ಮನುನ್ ಖಟ್ಪಟ್ಲ್ಯಾನಿ, ಕಶ್ಯಾಕ್ ಮಟ್ಲ್ಯಾರ್ ಹಿ ಕಾನಿ ತೆನಿ ತೆಂಚ್ಯಾಚ್ ವೈಲಿ ಸಾಂಗ್ಲ್ಯಾನ್ ಮನುನ್ ತೆಂಕಾ ಕಳಲ್ಲೆ, ಖರೆ ತೆಂಚೆನ್ ಹೊವ್ಕ್ ನಾ, ಕಶ್ಯಾಕ್ ಮಟ್ಲ್ಯಾರ್ ತೆನಿ ಲೊಕಾಕ್ನಿ ಭಿಂಯಾಲ್ಯಾನಿ. 20ತಸೆ ಮನುನ್ ತೆನಿ ಬರ್‍ಯಾ ಮಾನ್ಸಾಂಚ್ಯಾ ಸರ್ಕೆ ಕರುನ್ ದಾಕ್ವುತಲ್ಯಾ ಉಲ್ಲ್ಯಾಸ್ಯಾ ಮಾನ್ಸಾಕ್ನಿ ಪಯ್ಸೆ ದಿವ್ನ್ ತಯಾರ್ ಕರ್‍ಲ್ಯಾನಿ, ಅನಿ ಜೆಜುಕ್ ಇಚಾರುಕ್‍ಲಾವುನ್, ಗೊಂದ್ಳುನ್ ಘಾಲುನ್ ಚುಕ್ ಕರಿ ಸರ್ಕೆ ಕರುಕ್ ಲಾವುನ್, ಮಾನಾ ರೊಮಾಚ್ಯಾ ಅದಿಕಾರ್‍ಯಾಚ್ಯಾ ಹಾತಿತ್ ತೆಕಾ ಧರುನ್ ದಿ ಸರ್ಕೆ ಕರುಚೆ ಮನುನ್ ಅವ್ಕಾಸ್ ಹುಡ್ಕುಕ್ ಲಾಗಲ್ಲ್ಯಾನಿ. 21ತ್ಯಾ ಖಾಯ್ದೆ ಶಿಕ್ವುತಲ್ಯಾನಿ, ಅನಿ ಯಾಜಕಾಂಚ್ಯಾ ಮುಖಂಡಾನಿ ಶಿಕ್ವುನ್ ಧಾಡಲ್ಲ್ಯಾ ಲೊಕಾನಿ ಜೆಜುಕ್ ಗುರುಜಿ, ತಿಯಾ ಸಾಂಗ್ತಲೆ, ಅನಿ ತಿಯಾ ಸಿಕ್ವುತಲೆ ಸಗ್ಳೆ ಬರಬ್ಬರ್ ಹಾಯ್, ತೆ ಅಮ್ಕಾ ಗೊತ್ತ್ ಅಸಲ್ಲೆ ವಿಶಯ್, ಅನಿ ತಿಯಾ ಕೊನಾಚಿ ಪದ್ವಿ-ಗಿದ್ವಿ ಬಗಿನಸ್ತಾನಾ ದೆವಾಚ್ಯಾ ಯವ್ಜನಿ ಸರ್ಕೆ ಕಾಯ್ ಹಾಯ್ ತೆಚ್ ಅಮ್ಕಾ ಶಿಕ್ವುತೆ, 22ಅಮಿ ರೊಮಾಚ್ಯಾ ಚಕ್ರವರ್ತಿಕ್ ತೆರ್‍ಗಿ ದಿತಲೆ, ಅಮ್ಚ್ಯಾ ಖಾಯ್ದ್ಯಾ ಪರ್‍ಕಾರ್, ಸಮಾ ಕಾಯ್ ಚುಕ್? ಮನುನ್ ಅಮ್ಕಾ ಸಾಂಗ್ ಮನುನ್ ಇಚಾರ್‍ಲ್ಯಾನಿ.
23ಖರೆ ಜೆಜುಕ್ ಹೆನಿ ಕಾಯ್ ಖೆಳ್ ಖೆಳುಲ್ಯಾತ್ ಮನುನ್ ಕಳ್ಳೆ , ತಸೆ ಮನುನ್ ತೆಂಕಾ ತೆನಿ,
24“ಮಾಕಾ ಎಕ್ ಚಾಂದಿಚೊ ಪೈಸೊ ದಾಕ್ವಾ ಹೆಚ್ಯಾ ವರ್‍ತಿ ಹೊತ್ತೆ ಚಿತ್ತರ್, ಅನಿ ನಾವ್ ಕೊನಾಚೆ?” ಮನುನ್ ಇಚಾರ್‍ಲ್ಯಾನ್. ತೆನಿ ಚಕ್ರವರ್ತಿಚೆ ಮನುನ್ ಜಬಾಬ್ ದಿಲ್ಯಾನಿ.
25ತನ್ನಾ ಜೆಜುನ್ ತೆಂಕಾ ಬರೆ ತರ್ ಜೆ ಕಾಯ್ ಚಕ್ರವರ್ತಿಕ್ ಸಮಂದ್ ಪಡಲ್ಲೆ ಹಾಯ್ ತೆ ಚಕ್ರವರ್ತಿಕ್ ದಿವಾ, ಅನಿ ಜೆ ಕಾಯ್ ದೆವಾಕ್ ಸಮಂದ್ ಪಡಲ್ಲೆ ಹಾಯ್ ತೆ ದೆವಾಕ್ ದಿವಾ ಮಟ್ಲ್ಯಾನ್,
26ಥೈ ಲೊಕಾಂಚ್ಯಾ ಇದ್ರಾಕ್ ತೆನಿ ತೆಕಾ ಕಸ್ಲ್ಯಾಬಿ ಚುಕಿತ್ ಸಿರ್‍ಕುಕ್ ಹೊವ್ಕ್ ನಾ, ತಸೆ ಮನುನ್ ಥಂಡ್ ಪಡ್ಲ್ಯಾನಿ. ಅನಿ ಜೆಜುನ್ ಸಾಂಗಲ್ಲೊ ಜಬಾಬ್ ಆಯ್ಕುನ್ ಅಜಾಪ್ ಹೊಲ್ಯಾನಿ.
ಮರಲ್ಲ್ಯಾತ್ನಾ ಝಿತ್ತೆ ಹೊವ್ನ್ ಯೆತಲ್ಯಾ ವಿಶಯಾತ್ ಸವಾಲ್,
ಮಾತೆವ್ 22:23-33; ಮಾರ್ಕ್ 12:18-27
27ಮಾನಾ ಮರಲ್ಲಿ ಲೊಕಾ, ಅನಿ ಝಿತ್ತಿ ಹೊವ್ನ್ ಉಟಿನ್ಯಾತ್ ಮನುನ್ ಮನ್ತಲಿ ಉಲ್ಲಿಸಿ ಸಾದುಸೆವಾ, ಜೆಜುಕ್ಡೆ ಯೆಲಿ, ಅನಿ, 28“ ಗುರುಜಿ ಮೊಯ್ಜೆನ್ ಅಮ್ಚ್ಯಾಸಾಟ್ನಿ ಎಕ್ ಘೊಮಾನುಸ್ ನಗಿನ್ ಕರುನ್ ಘೆತಾ, ಅನಿ ಪೊರಾ ನಸ್ತಾನಾ ಮರ್ಲ್ಯಾರ್, ತ್ಯಾ ಮರಲ್ಲ್ಯಾ ಮಾನ್ಸಾಚ್ಯಾ ಭಾವಾನ್ ತ್ಯಾ ಬಾಯ್ಕೊಮನಿಕ್ಡೆ ಲಗಿನ್ ಹೊವ್ಚೆ, ಅನಿ ತೆಂಕಾ ಹೊಲ್ಲಿ ಪೊರಾ ತ್ಯಾ ಮರಲ್ಲ್ಯಾ ಭಾವಾಚಿ ಪೊರಾ ಮನುನ್ ಘೆವ್ಚೆ” ಮನುನ್ ಎಕ್ ಖಾಯ್ದೊ ಲಿವ್ಲ್ಯಾನಾಯ್. 29ಎಗ್ದಾ ಸತ್ ಜಾನಾ ಭಾವಾ ಹೊತ್ತಿ; ತೆಂಚ್ಯಾತ್ಲೊ ಎಗ್ದಮ್ ಥೊರ್‍ಲೊ ನಗಿನ್ ಹೊಲೊ, ಅನಿ ಪೊರಾ ನಸ್ತಾನಾಚ್ ಮರ್ಲೊ. 30ಮಾನಾ ದೊನ್ವೆಚೊ ತ್ಯಾ ಬಾಯ್ಕೊಮನ್ಸಿಕ್ಡೆ ಲಗಿನ್ ಹೊಲೊ 31ಮಾನಾ ತಿನ್ವೆಚೊ, ಅಶೆ ಸತ್‍ಜಾನಾಬಿ ಪೊರಾ ನಸ್ತಾನಾಚ್ ಮರ್‍ಲೆ. 32ಆಕ್ರಿಕ್, ತಿ ಬಾಯ್ಕೊಮನುಸ್‍ಬಿ ಮರ್ಲಿ. 33ತರ್ ಅತ್ತಾ, “ಮರಲ್ಲೆ ಸಗ್ಳೆ ಜಾನಾ ಝಿತ್ತೆ ಹೊವ್ನ್ ಉಟುನ್ ಯೆಲ್ಲ್ಯಾ ತನ್ನಾ ತಿ ಬಾಯ್ಕೊಮನುಸ್ ಕೊನಾಚಿ ಬಾಯ್ಕೊ ಹೊತಾ? ಕಶ್ಯಾಕ್ ಮಟ್ಲ್ಯಾರ್ ಸತ್‍ಜಾನಾಬಿ ತಿಚೆಕ್ಡೆ ಲಗಿನ್ ಹೊಲ್ಲೆ?” ಮನುನ್ ಇಚಾರ್‍ಲ್ಯಾನಿ.
34ಜೆಜುನ್ ತೆಂಕಾ “ಹ್ಯಾ ಜಲ್ಮಾತ್ ಘೊಮನ್ಸಾ, ಅನಿ ಬಾಯ್ಕೊಮನ್ಸಾ ನಗಿನ್ ಹೊತ್ಯಾತ್. 35ಖರೆ ,ಜಿ ಘೊಮನ್ಸಾ, ಅನಿ ಬಾಯ್ಕೊಮನ್ಸಾ ಮರಲ್ಲ್ಯಾತ್ನಾ ಝಿತ್ತೆ ಹೊವ್ಕ್ ಯೊಗ್ಯ್ ಹಾತ್, ಅನಿ ಝಿತ್ತೆ ಹೊವ್ನ್ ಉಟ್ತ್ಯಾತ್ ತ್ಯಾ ಎಳಾರ್ ತೆನಿ ನಗಿನ್ ಕರುನ್ ಘೆಯ್‌ನ್ಯಾತ್. 36ತೆನಿ ದೆವಾಚ್ಯಾ ದುತಾಂಚ್ಯಾ ಸರ್ಕೆ ಹೊತ್ಯಾತ್, ಅನಿ ತೆನಿ ಕನ್ನಾಬಿ ಮರಿನ್ಯಾತ್ ತೆನಿ ದೆವಾಚಿ ಪೊರಾ, ಕಶ್ಯಾಕ್ ಮಟ್ಲ್ಯಾರ್, ತೆನಿ ಮರುನ್ ಮರ್‍ನಾತ್ನಾ,ಅನಿ ಪರ್ತುನ್ ಝಿತ್ತೆ ಹೊಲ್ಯಾತ್. 37ಮೊಯ್ಜೆ ಮರಲ್ಲಿ ಮಾನ್ಸಾ ಪರ್ತುನ್ ಝಿತ್ತಿ ಹೊತ್ಯಾತ್ ಮನುನ್ ಬರಬ್ಬರ್ ದಾಕ್ವುನ್ ದಿತಾ, ಕಶ್ಯಾಕ್ ಮಟ್ಲ್ಯಾರ್ ಜಳ್ತಲ್ಯಾ ಝಿಳಿಚ್ಯಾ ವಿಶಯಾತ್ ಬಗ್ತಾನಾ, ಥೈ ದೆವಾಚ್ಯಾ ವಿಶಯಾತ್, ಅಬ್ರಾಹಾಮಾಚೊ ದೆವ್ ಇಸಾಕಾಚೊ ದೆವ್, ಅನಿ ಜಾಕೊಬಾಚೊ ದೆವ್” ಮನುನ್ ಮನ್ತಾ. 38ಝಿತ್ತ್ಯಾಂಚೊ ದೆವ್ ತೊ, ಮರಲ್ಲ್ಯಾಂಚೊ ನ್ಹಯ್ , ತೆಕಾ ಸಗ್ಳೆ ಜಾನಾ ಝಿತ್ತೆಚ್ ಮನುನ್ ಜಬಾಬ್ ದಿಲ್ಯಾನ್.
39ಉಲ್ಲ್ಯಾಸ್ಯಾ ಖಾಯ್ದೆ ಶಿಕ್ವುತಲ್ಯಾ ಲೊಕಾನಿ “ಬರಬ್ಬರ್ ಜಬಾಬ್ ದಿಲೆ, ಗುರುಜಿ!” ಮಟ್ಲ್ಯಾನಿ. 40ತೆಂಕಾ, ಅನಿ ಜಾಸ್ತಿಚೆ ಸವಾಲಾ ಇಚಾರುಕ್ ಧೈರೊ ಹೊವ್ಕ್ ನಾ.
ಮೆಸ್ಸಿಯಾಚ್ಯಾ ವಿಶಯಾತ್ ಸವಾಲ್
ಮಾತೆವ್ 22:41-46; ಮಾರ್ಕ್ 12:35-37
41ಜೆಜುನ್ ತೆಂಕಾ “ಮೆಸ್ಸಿಯಾ ದಾವಿದಾಚ್ಯಾ ಘರಾನ್ಯಾಚೊ ಕಸೊ ಹೊವ್ಕ್ ಹೊತಾ?” 42ಕಶ್ಯಾಕ್ ದಾವಿದಾನ್ ಅಪ್ನಿಚ್ ಕಿರ್ತನಾಂಚ್ಯಾ ಪುಸ್ತಕಾತ್ ಸಾಂಗಲ್ಲೆ ಕಾಯ್ ಮಟ್ಲ್ಯಾರ್ “ಧನಿಯಾನ್, ಮಾಜ್ಯಾ ಧನಿಯಾಕ್! ತಿಯಾ ಮಾಜ್ಯಾ ಉಜ್ವ್ಯಾಕ್ ಬಸ್ 43ತುಜ್ಯಾ ದುಸ್ಮಾನಾಕ್ನಿ ತುಜ್ಯಾ ಪಾಯಾಚ್ಯಾ ಬುಡ್ಲಿ ಮ್ಹನಿ ಕರಿಪತರ್”.
44ದಾವಿದಾನುಚ್ ತೆಕಾ “ಧನಿ, ಮನುನ್ ಬಲ್ವುಲ್ಯಾರ್, ಮೆಸ್ಸಿಯಾ” ತೆಚ್ಯಾ ಘರಾನ್ಯಾಚೊ ಮನುನ್ ಕಶೆ ಸಾಂಗುಕ್ ಹೊತಾ? ಮನುನ್ ಇಚಾರ್‍ಲ್ಯಾನ್.
ಖಾಯ್ದೆ ಸಿಕ್ವುತಲ್ಯಾಂಚ್ಯಾ ವಿಶಯಾತ್ ಜೆಜು ಉಶಾರ್ಕಿ ದಿತಾ.
ಮಾತೆವ್ 23:1-36; ಮಾರ್ಕ್ 12:38-40
45ಸಗ್ಳಿ ಲೊಕಾ ಆಯ್ಕುನ್ಗೆತ್ ರ್‍ಹಾತಾನಾಚ್, ಜೆಜುನ್ ಅಪ್ನಾಚ್ಯಾ ಶಿಸಾಕ್ನಿ 46“ಖಾಯ್ದೆ ಶಿಕ್ವುತಲ್ಯಾಂಚ್ಯಾ ವಿಶಯಾತ್ ಉಶಾರ್ಕಿನ್ ರಾವಾ, ಲಾಂಬ್-ಲಾಂಬ್ಲ್ಯಾ ಅಂಗಿಯಾ ನೆಸುನ್ ಫಿರುಕ್, ಅನಿ ಬಾಜಾರಾತ್ನಿ ಲೊಕಾನಿಕ್ನಾ ನಮಸ್ಕಾರ್ ಕರುನ್ ಘೆವ್ಕ್ ತೆಂಕಾ ಲೈ ಕುಶಿ. ಸಿನಾಗೊಗಾತ್ನಿ ತೆಂಕಾ ಬರೆ-ಬರೆ ಜಾಗೆ ಪಾಜೆ, ಅನಿ ಸನಾಚ್ಯಾ ಜೆವ್ನಾಕ್ ಯೆಲ್ಲ್ಯಾ ತನ್ನಾಬಿ ಬರೆ-ಬರೆ ಜಾಗೆ ತೆಂಕಾ ಪಾಜೆ; 47ತೆನಿ ಲಜಿನಸ್ತಾನಾ ಘೊಮರಲ್ಲ್ಯಾ ಬಾಯ್ಕೊಮನ್ಸಾಂಚೊ ಫಾಯ್ದೊ ಕಾಡುನ್ ಘೆವ್ನ್ ತೆಂಚಿ ಘರಾ ಲುಟ್ತ್ಯಾತ್, ಅನಿ ಲಾಂಬ್-ಲಾಂಬ್ ಮಾಗ್ನಿಯಾ ಕರುನ್ ಅಪ್ನಿ ಬರೆ ಮನುನ್ ದಾಕ್ವುತ್ಯಾತ್! ತೆಂಕಾ ಎಗ್ದಮ್ ಕಟಿನ್ ಶಿಕ್ಷಾ ರ್‍ಹಾತಾ!” ಮನುನ್ ಸಾಂಗಟ್ಲ್ಯಾನ್.
The New Testament in Siddi Language © The Word for the World International and Siddi Translation Samithi, Mundgod, Uttara Kannada, 2024.
