ಲುಕ್ 19
19
ಜೆಜು ಅನಿ ಜಾಕ್ಕೆವ್ಸ್
1ಜೆಜು ಜೆರಿಕೊತ್ನಾ ಪಾರ್ ಹೊವ್ನ್ ಜಾಯ್. 2ಥೈ ಎಕ್ ಜಾಕ್ಕೆವ್ಸ್ ಮನ್ತಲೊ ತೆರ್‍ಗಿ ವಸುಲಿ ಕರ್‍ತಲ್ಯಾಂಚೊ ಮುಖಂಡ್ ಹೊತ್ತೊ, ತೊ ಲೈ ಸಾವ್ಕಾರ್ ಹೊತ್ತೊ. 3ತೊ ಜೆಜು ಕೊನ್ ಕಾಯ್ ಮನುನ್ ಬಗುಕ್ ಖಟ್‍ಪಟಿ. ಖರೆ ತೊ ಗಿಡ್ಡೊ ಹೊತ್ತೊ, ತಸೆ ಮನುನ್ ತ್ಯಾ ಲೊಕಾಂಚ್ಯಾ ದಾಟ್ನಿತ್ ತೆಕಾ ಜೆಜುಕ್ ಬಗುಕ್ ಗಾವ್ಕ್ ನಾ. 4ತಸೆ ಮನುನ್ ತೊ ತ್ಯಾ ತಾಂಡ್ಯಾಚ್ಯಾ ಫಿಡೆ ಗೆಲೊ, ಅನಿ ಜೆಜುಕ್ ಬಗುಕ್ ಮನುನ್ ಎಕ್ ಅಂಜುರಾಚ್ಯಾ ಝಾಡಾ ವರ್‍ತಿ ಚಡ್ಲೊ. ಜೆಜು ತ್ಯಾ ಝಾಡಾಚ್ಯಾ ಬುಡ್ನಾಚ್ ಪಾರ್ ಹೊವ್ನ್ ಜಾನಾರ್ ಹೊತ್ತೊ. 5ಜೆಜುನ್ ತ್ಯಾ ಜಾಗ್ಯಾರ್ ಯೆವ್ನ್ ಪಾವಲ್ಲ್ಯಾ, ತನ್ನಾ ವೈರ್ ಬಗಟ್ಲ್ಯಾನ್ ಅನಿ ಜಾಕ್ಕೆವ್ಸಾಕ್, ಜಾಕ್ಕೆವ್ಸ್, ಲಗ್ಗುನಾ ಖಾಲ್ತಿ ಉತ್ರುನ್ ಯೆ, ಕಶ್ಯಾಕ್ ಮಟ್ಲ್ಯಾರ್, ಆಜ್ ತುಜ್ಯಾ ಘರಾತ್ ಮಾಕಾ ವಸ್ತಿ ರ್‍ಹಾವ್ಕ್ ಪಾಜೆ ಮಟ್ಲ್ಯಾನ್.
6ತನ್ನಾ ಜಾಕ್ಕೆವ್ಸ್ ಲಗುಲಗುನಾ ಉತ್ರುನ್ ಯೆಲೊ ಅನಿ ಲೈ ಕುಶಿನ್ ತೆನಿ ಜೆಜುಕ್ ಸ್ವಾಗತ್ ಕರ್‍ಲ್ಯಾನ್. 7ಹೆ ಬಗಟಲ್ಲೆ ಸಗ್ಳೆ ಜಾನಾ, “ಹ್ಯೊ ಮಾನುಸ್, ಎಕ್ ಪಾಪಿ ಮಾನ್ಸಾಚ್ಯಾ ಘರಾತ್ ಸೊಯ್ರೊ ಹೊವ್ನ್ ಗೆಲಾ” ಮನುನ್ ಪುಸ್ಪುಸುನ್ ಬೊಲುಕ್‍ಲಾಲೆ.
8ಜಾಕ್ಕೆವ್ಸ್ ಉಟುನ್ ಇಬೆ ರ್‍ಹಾಲೊ, ಅನಿ ಧನಿಯಾಕ್ “ಗುರುಜಿ ಆಯ್ಕಾ! ಮಾಜೆ ಮನುನ್ ಹೊತ್ತ್ಯಾತ್ಲೆ ಅರ್ದ್ಯಾಕ್ ಅರ್‍ದೆ, ಮಿಯಾ ಗರಿಬಾಕ್ನಿ ದಿತಾ, ಅನಿ ಕೊನಾಕ್-ಕೊನಾಕ್ ಮಿಯಾ ಪಸ್ವುಲಾ,ತೆಂಕಾ ತೆಚ್ಯಾ ಚಾರ್ ಪಟ್ ಪರ್ತುನ್ ದಿತಾ”, ಮಟ್ಲ್ಯಾನ್.
9ಜೆಜುನ್ ತೆಕಾ ಆಜ್ ಹ್ಯಾ ಘರಾತ್ ಸುಟ್ಕಾ ಯೆವ್ನ್ ಪಾವ್ಲಾ, ಅನಿ ಹ್ಯಾ ಮಾನ್ಸಾಕ್ ಬಿ.
ಕಶ್ಯಾಕ್ ಮಟ್ಲ್ಯಾರ್, ತೊ ಬಿ ಅಬ್ರಾಹಾಮಾಚ್ಯಾ ಘರಾನ್ಯಾಚೊಚ್. 10ಕಶ್ಯಾಕ್ ಮಟ್ಲ್ಯಾರ್, ಮಾನ್ಸಾಚೊ ಲೆಕ್ ಕಳ್ದುನ್ ಗೆಲ್ಲ್ಯಾಕ್ನಿ ಹುಡ್ಕುಕ್, ಅನಿ ಬಚಾವ್ ಕರುಕ್ ಮನುನ್ ಯೆಲಾ, ಮಟ್ಲ್ಯಾನ್.
ಸೊನ್ಯಾಚ್ಯಾ ಪಯ್ಸಾಂಚಿ ಕಾನಿ
ಮಾತೆವ್ 25:14-30
11ಲೊಕಾ ಹೆ ಸಗ್ಳೆ ಆಯ್ಕುಲಾಗಲ್ಲಿ, ತನ್ನಾ ಜೆಜುನ್ ತೆಂಕಾ ಎಕ್ ಕಾನಿ ಸಾಂಗ್ಲ್ಯಾನ್ ಅತ್ತಾ ತೊ ಜೆರುಜಲೆಮಾಚ್ಯಾ ಎಗ್ದಮ್ ಜಗ್ಗೊಳ್ ಪಾವಲ್ಲೊ, ಅನಿ ತೆನಿ, ದೆವಾಚೆ ರಾಜ್ ಅತ್ತಾ ದಿಸುಕ್ ಜಗ್ಗೊಳ್ ಯೆಲಾ ಮನುನ್ ಯವ್ಜುನ್ ಘೆವ್ನ್ ಹೊತ್ತೆ. 12ತಸೆ ಮನುನ್ ತೆನಿ ತೆಂಕಾ ಎಕ್ ಮೊಟ್ಯಾ ಗೌರವಾಚ್ಯಾ ಘರಾನ್ಯಾಚೊ ಮಾನುಸ್ ಹೊತ್ತೊ, ತೊ ಅಪ್ನಿ ಘರಾತ್ ಯೆತಾನಾ ಎಕ್ ರಾಜಾ ಹೊವ್ನ್ ಯೆವ್ಚೆ ಮನುನ್ ಯೆವ್ಜುನ್ ಧುರ್‍ಲ್ಯಾ ದೆಸಾಕ್ ಜಾವ್‍ಲಾಗಲ್ಲೊ. 13ತೊ ಘರ್ ಸೊಡುನ್ ಜಾವ್ಚ್ಯಾ ಅದ್ದಿ, ತೆನಿ ಅಪ್ನಾಚ್ಯಾ ಧಾ ಜಾನಾ ಆಳಾಕ್ನಿ ಬಲ್ವುಲ್ಯಾನ್, ಅನಿ ಹರ್ ಎಕ್ಲ್ಯಾಕ್ ಎಕ್ಯೆಕ್, ಸೊನ್ಯಾಚ್ಯಾ ಪಯ್ಸಾಚಿ ಗಾಲಿ ದಿಲ್ಯಾನ್, ಅನಿ “ಮಿಯಾ ಯೆಯ್ ಪತರ್, ಹ್ಯಾ ಪೈಸ್ಯಾಚ್ಯಾ ವೈನಾ ತುಮ್ಕಾ ಕವ್ಡೆ ಕಮ್ವುಕ್ ಹೊತಾ, ತವ್ಡೆ ಕಮ್ವುನ್ ಘೆವ್ನ್ ರ್‍ಹಾವಾ” ಮಟ್ಲ್ಯಾನ್. 14ಖರೆ ಅತ್ತಾ ತೆಚ್ಯಾ ಲೊಕಾನಿ ತೆಚ್ಯಾ ಫಾಟ್ನಾ ಹ್ಯೊ ರಾಜಾ ಅಮ್ಕಾ ನಕ್ಕೊ ಮನುನ್ ಸಾಂಗುಕ್ ಮನುನ್ ಎಕ್ಲ್ಯಾ ಖಬರ್ ಸಾಂಗ್ತಲ್ಯಾಕ್ ಸಾಂಗುನ್ ಧಾಡ್ಲ್ಯಾನಿ.
15“ತೊ ಮಾನುಸ್ ಅಪ್ನಿ ರಾಜಾ ಹೊಲೊ! ಅನಿ ಫಾಟಿ ಪರ್ತುನ್ ಯೆಲೊ. ಎಗ್ದಮ್ ತೆನಿ ಅಪ್ನಾಚ್ಯಾ ಆಳಾಕ್ನಿ ತಾಬೊಡ್ತೊಬ್ ಮಾಜ್ಯಾ ಇದ್ರಾಕ್ ಯೆವ್ಚೆ ಮನುನ್ ಹುಕುಮ್ ದಿಲ್ಯಾನ್. ತೆನಿ ಕವ್ಡೆ ಖಮ್ವುಲ್ಯಾನಾತ್ ಬಗುವಾ ಮನುನ್ ತೆನಿ ತೆಂಕಾ ಬಲ್ವುಲ್ಯಾನ್”. 16ಪಯ್ಲೆಚೊ ಆಳ್ ಯೆಲೊ, ಅನಿ “ಗುರುಜಿ, ತಿಯಾ ದಿಲ್ಲ್ಯಾ ಎಕ್ ಸೊನ್ಯಾಚ್ಯಾ ಪೈಸ್ಯಾ ವೈನಾ ಮಿಯಾ ಧಾ ಸೊನ್ಯಾಚೆ ಪೈಸ್ಯೆ ಖಮ್ವುಲಾ” ಮಟ್ಲ್ಯಾನ್. 17ತನ್ನಾ ಧನಿಯಾನ್ ತೆಕಾ “ಶಬಾಶ್! ತಿಯಾ ಮಾಜೊ ಎಕ್ ಬರೊ ಆಳ್! ಅಜುನ್ ಸಗೊಳ್ ತಿಯಾ ಮಾಕಾ ವಿಶ್ವಾಸಾನ್ ಹಾಸ್, ತಸೆ ಮನುನ್ ಮಿಯಾ ತುಕಾ ಧಾ ಶಾರಾಂಚ್ಯಾ ವರ್‍ತಿ ಅದಿಕಾರ್ ದಿತಾ” ಮಟ್ಲ್ಯಾನ್. 18ದೊನ್ವೆಚೊ ಅಳ್ ಯೆಲೊ, ಅನಿ “ಗುರುಜಿ ತಿಯಾ ದಿಲ್ಲ್ಯಾ ಎಕ್ ಪೈಸ್ಯಾ ವೈನಾ ಮಿಯಾ, ಅನಿ ಪಾಂಚ್ ಪೈಸೆ ಖಮ್ವುಲಾ”, ಮಟ್ಲ್ಯಾನ್. 19ಹೆಚ್ಯೆಸಾಟಿ ತೆಕಾ ಧನಿಯಾನ್, “ತಿಯಾ ಪಾಚ್ ಶಾರಾಂಚ್ಯಾ ವರ್‍ತಿ ತುಜೊ ಅದಿಕಾರ್ ಚಾಲ್ವು”, ಮಟ್ಲ್ಯಾನ್.
20ಅನಿ ಎಕ್ ಆಳ್ ಯೆಲೊ, ಅನಿ “ಗುರುಜಿ,ಅಬಕ್ ತಿಯಾ ದಿಲ್ಲೊ ಸೊನ್ಯಾಚೊ ಪೈಸೊ; ಮಿಯಾ ತೊ ಎಕ್ ಪಾಳಿತ್ ಗಾಟ್ ಮಾರುನ್ ನಿಪ್ವುನ್ ಥವಲ್ಲೊ”. 21“ಮಾಕಾ ತುಜೆ ಭಿಂಯೆ ಕರ್‍ಲೆ, ಕಶ್ಯಾಕ್ ಮಟ್ಲ್ಯಾರ್ ತಿಯಾ ಲೈ ಕಟೊರ್ ಮಾನುಸ್, ತುಜೆ ನ್ಹಯ್ ಮನುನ್ ಹೊತ್ತೆ ಸೈತ್ ತಿಯಾ ಕಾಡುನ್ ಘೆತೆ, ಅನಿ ಪೆರು ನಸಲ್ಲ್ಯಾಕ್ಡೆ ತಿಯಾ ಕಾತರ್‍ತೆ”, ಮಟ್ಲ್ಯಾನ್. 22ಧನಿಯಾನ್ ತೆಕಾ “ಬುರ್ಶ್ಯಾ ಆಳಾ ತಿಯಾ ಬುರ್ಸೊ ಮನುನ್ ದಾಕ್ವುಕ್ ಮಿಯಾ, ತಿಯಾ ಸಾಂಗಲ್ಲ್ಯಾ ಗೊಸ್ಟಿಯಾಂಚೊ ವಾಪರ್‍ತಾ.ಮಿಯಾ ಕಟೊರ್ ಮಾನುಸ್ ಮನುನ್ ತುಕಾ ಗೊತ್ತ್ ಹಾಯ್, ಮಾಜೆ ನ್ಹಯ್ ಮನುನ್ ಹೊತ್ತೆ ಸೈತ್ ಮಿಯಾ ಘೆತಾ, ಅನಿ ಮಿಯಾ ಪೆರಿನಸಲ್ಲೆ ಪಿಕ್ಕ್ ಮಿಯಾ ಕಾತರ್‍ತಾ. 23ಬರೆ, ತರ್, ಮಿಯಾ ದಿಲ್ಲೆ ಪೈಸೆ ತಿಯಾ ಬೆಂಕಾತ್ ಕಶ್ಯಾಕ್ ಥವ್ಕ್ ನೈ? ಮಿಯಾ ಪರತ್ ಯೆಲ್ಲ್ಯಾ ತನ್ನಾ ಬಡ್ಡಿ ಸಮೆತ್ ಮಿಯಾ ಘೈ ಹೊತ್ತೊ ನ್ಹಯ್.
24“ತನ್ನಾ ತೆನಿ ಥೈ ಇಬೆ ಹೊತ್ತ್ಯಾಕ್ನಿ ತೊ ಸೊನ್ಯಾಚೊ ಪೈಸೊ ತೆಚ್ಯೆಕ್ನಾ ಕಾಡುನ್ ಘೆವಾ, ಅನಿ ಧಾ ಸೊನ್ಯಾಚೆ ಪೈಸೆ ಹೊತ್ತ್ಯಾಕ್ ದಿವಾ”. ಮಟ್ಲ್ಯಾನ್. 25ಖರೆ ತ್ಯಾ ಲೊಕಾನಿ ತೆಕಾ “ಗುರುಜಿ,ಅದ್ದಿಚ್ ತೆಚೆಕ್ಡೆ ಧಾ ಸೊನ್ಯಾಚೆ ಪೈಸೆ ಹಾತ್ ಅನಿ!” ಮಟ್ಲ್ಯಾನಿ 26ತನ್ನಾ ತೆನಿ “ಮಿಯಾ ತುಮ್ಕಾ ಸಾಂಗ್ತಾ” ಜೆ ಕೊನಾಕ್ಡೆ ಉಲ್ಲೆಸೆ ಹಾಯ್, ತೆಕಾ,ಅನಿ ಉಲ್ಲೆ ಜಾಸ್ತಿಚೆ ದಿವ್ನ್ ಹೊತಾ, ಅನಿ ಕೊನಾಕ್ಡೆ ಕಾಯ್ಬಿ ನಾ, ತೆಂಚೆಕ್ನಾ ಹೊತ್ತೆಬಿ ಉಲ್ಲೆಸೆ ಕಾಡುನ ಘೆವ್ನ್ ಜಾವ್ನ್ ಹೊತಾ. 27ಅತ್ತಾ ಮಿಯಾ ರಾಜಾ ನಕ್ಕೊ ಮನುನ್ ಮಟಲ್ಲ್ಯಾ ಮಾಜ್ಯಾ ದುಸ್ಮಾನಾಕ್ನಿ, ಹಿತ್ತೆ ವೊಡುನ್ ಘೆವ್ನ್ ಯೆವಾ, ಅನಿ ಮಾಜ್ಯಾ ಇದ್ರಾಕುಚ್ ತೆಂಕಾ ಜಿವಾನಿ ಮಾರಾ! ಮಟ್ಲ್ಯಾನ್.
ಜೆಜು ರಾಜಾ ಸರ್ಕೆ ಜೆರುಜಲೆಮಾತ್ ಗುಸ್ತಲೆ
ಮಾತೆವ್ 21:1-11; ಮಾರ್ಕ್ 11:1-11
28ಹೆ ಸಗ್ಳೆ ಸಾಂಗುನ್ ಹೊಲ್ಲ್ಯಾ ಮಾನಾ, ಜೆಜು ತೆಂಚ್ಯಾ ಫಿಡೆ-ಫಿಡೆ ಜೆರುಜಲೆಮಾಕ್ ಜಾವ್ಕಲಾಗ್ಲೊ. 29ತೊ ಓಲಿವ್ ಮಡ್ಡಿವೈಲ್ಯಾ ಬೆತ್ಫಗೆ, ಅನಿ ಬೆಥನಿಚ್ಯಾ ಜಗ್ಗೊಳ್ ಯೆವ್ನ್ ಪಾವಲ್ಲ್ಯಾ ತನ್ನಾ ತೆನಿ ಅಪ್ನಾಚ್ಯಾ ದೊಗೆ ಜಾನಾ ಶಿಸಾಕ್ನಿ. 30“ಥೈ ಫಿಡೆ ಹೊತ್ತ್ಯಾ ಗಾಂವಾತ್ ಜಾವಾ ತುಮಿ ತ್ಯಾ ಗಾಂವಾತ್ ಭುತ್ತುರ್ ಗೆಲ್ಲ್ಯಾ ತನ್ನಾ,ಥೈ ಅಜುನ್ ಪತರ್ ಕೊನ್ಬಿ ಬಸುನಸಲ್ಲೊ ಎಕ್ ಗಾಡ್ವಾಚೊ ಪೆಟೊ ಭಾಂದಲ್ಲೊ ತುಮ್ಕಾ ಗಾವ್ತಾ ತೆಕಾ ಸೊಡ್ವಾ, ಅನಿ ಹಿಕ್ಡಿ ಘೆವ್ನ್ ಯೆವಾ”. 31“ಕೊನ್ಬಿ ತುಮ್ಕಾ ತ್ಯಾ ಗಾಡ್ವಾಕ್ ಕಶ್ಯಾಕ್ ಸೊಡ್ವುಲ್ಯಾಸಿ ಮನುನ್ ಇಚಾರ್ಲ್ಯಾರ್, ತೆಕಾ ಧನಿಯಾಕ್ ತೆಚಿ ಗರಜ್ ಹಾಯ್ ಮನುನ್ ಸಾಂಗಾ” ಮನುನ್ ಸಾಂಗುನ್ ಧಾಡುನ್ ದಿಲ್ಯಾನ್.
32ತೆನಿ ತೆಂಚಿ ವಾಟ್ ಧರುನ್ ಗೆಲ್ಯಾನಿ, ಅನಿ ಜೆಜುನ್ ಸಾಂಗಲ್ಲ್ಯಾ ಸರ್ಕೆಚ್ ತೆಂಕಾ ಸಗ್ಳೆ ಗಾವ್ಲೆ. 33ತೆನಿ ತ್ಯಾ ಗಾಡ್ವಾಕ್ ಸೊಡ್ವುತಾನಾ, ತ್ಯಾ ಗಾಡ್ವಾಚ್ಯಾ ಪೆಟ್ಯಾಚ್ಯಾ ಯಜಮಾನಾನ್ ತೆಂಕಾ “ತೆಕಾ ಕಶ್ಯಾಕ್ ಸೊಡ್ವುಲ್ಯಾಸಿ ತುಮಿ?” ಮನುನ್ ಇಚಾರ್‍ಲ್ಯಾನ್.
34ತೆನಿ ತೆಕಾ “ಗುರುಜಿಕ್ ತೆ ಪಾಜೆ ಹೊಲಾ”, ಮಟ್ಲ್ಯಾನಿ, 35ಅನಿ ತ್ಯಾ ಗಾಡ್ವಾಚ್ಯಾ ಪೆಟ್ಯಾಕ್ ಜೆಜುಕ್ಡೆ ಘೆವ್ನ್ ಗೆಲ್ಯಾನಿ ತನ್ನಾ ತೆನಿ ತೆಂಚೆ ಕಪ್ಡೆ ತ್ಯಾ ಜನಾವರಾಚ್ಯಾ ವರ್‍ತಿ ಟಾಕ್ಲ್ಯಾನಿ, ಅನಿ ಜೆಜುಕ್ ತೆಚೆ ವರ್‍ತಿ ಬಸುಕ್ ಮಜತ್ ಕರ್‍ಲ್ಯಾನಿ. 36ತೊ ತೆಚೆ ವರ್‍ತಿ ಬಸೂನ್ ಯೆತಾನಾ, ಲೊಕಾನಿ ಅಪ್ನಾಚೆ ಕಪ್ಡೆ ರಸ್ತ್ಯಾ ವರ್‍ತಿ ಹಾತರ್‍ಲ್ಯಾನಿ.
37ತೊ ಜೆರುಜಲೆಮಾಚ್ಯಾ ಜಗ್ಗೊಳ್ ಯೆವ್ನ್ ಪಾವಲ್ಲ್ಯಾ ತನ್ನಾ, ಮಟ್ಲ್ಯಾರ್ ಒಲಿವ್ ಮಡ್ದಿ ವೈನಾ ಉತರ್‍ತಲ್ಯಾ ಜಾಗ್ಯಾರ್, ಥೈ ರಸ್ತ್ಯಾಕ್ ಉತಾರ್ ಹೊತ್ತೆ, ಥೈ ತೆಚ್ಯಾ ಶಿಸಾಂಚೊ ಮೊಟೊ ತಾಂಡೊ ಅಪ್ನಿ ಬಗಟಲ್ಲ್ಯಾ ಮೊಟ್ಯಾ ಮೊಟ್ಯಾ ವಿಚಿತ್ರ್ ಕಾಮಾಂಚ್ಯಾಸಾಟ್ನಿ ದೆವಾಕ್ ಮೊಟ್ಯಾನ್ ಬೊಬ್ ಮಾರುನ್ ಧನ್ಯವಾದ್ ದಿವ್ಕ್ ಲಾಗಲ್ಲೊ, ಅನಿ ಹೊಗ್ಳುಕ್ ಲಾಗಲ್ಲೊ. 38ಸಗ್ಳಿ ಲೊಕಾ , ಸರ್ವೆಸ್ವರಾಚ್ಯಾ ನಾವಾನ್ ಯೆತಲ್ಯಾ ರಾಜಾಕ್ ದೆವ್ ಆಶಿರ್ವಾದ್ ದಿಂವ್ದಿ! ಸರ್‍ಗಾ ವರ್‍ತಿ ಶಾಂತಿ, ಅನಿ ದೆವಾಕ್ ಮಹಿಮಾ ಹೊಂವ್ದಿ! ಮನುಕ್‍ಲಾಲಿ.
39ತನ್ನಾ ತ್ಯಾ ಲೊಕಾಂಚ್ಯಾ ತಾಂಡ್ಯಾತ್ ಹೊತ್ತ್ಯಾ, ಉಲ್ಲ್ಯಾಸ್ಯಾ ಫಾರಿಜೆವಾನಿ ಜೆಜುಕ್ “ಗುರುಜಿ, ತುಜ್ಯಾ ಶಿಸಾಕ್ನಿ ಗಪ್ ರ್‍ಹಾವಾ, ಮನುನ್ ಸಾಂಗ್” ಮಟ್ಲ್ಯಾನಿ.
40ಖರೆ ಜೆಜುನ್ ತೆಂಕಾ “ಮಿಯಾ ತುಮ್ಕಾ ಸಾಂಗ್ತಾ ಜರ್ ಹ್ಯಾ ಲೊಕಾನಿ ವದರ್‍ತಲೆ ಬಂದ್ ಕರ್ಲ್ಯಾರ್ ಗುಂಡೆ ಬೊಬ್ ಮಾರುಕ್‍ ಲಾಗ್ತ್ಯಾತ್” ಮನುನ್ ಜಬಾಬ್ ದಿಲ್ಯಾನ್.
ಜೆಜು ಜೆರುಜಲೆಮಾಸಾಟಿ ರಡ್ತಾ
41ಜೆಜು ಜೆರುಜಲೆಮ್ ಶಾರಾಚ್ಯಾ ಜಗ್ಗೊಳ್ ಯೆಲೊ, ಅನಿ ತ್ಯಾ ಶಾರಾಕ್ ಬಗಟ್ಲ್ಯಾನ್, ಅನಿ ತೊ ತ್ಯಾ ಶಾರಾಸಾಟಿ ರಡ್ಲೊ. 42ಅಶೆ ಮನುಕ್‍ಲಾಲೊ ಆಜ್ ತಿಯಾ ತರ್ಬಿ ಸಮಾದಾನ್ ಪಾಜೆ ಮನುನ್ ಕಳ್ವುನ್ ಘೆಟಲ್ಲೆ ರ್‍ಹಾಲ್ಯಾರ್, ಕವ್ಡೆ ಬರೆ ಹೊಯ್ ಹೊತ್ತೆ! ಖರೆ ಅತ್ತಾ ತೆ ತುಕಾ ದಿಸಿನಾ! 43ಕಶ್ಯಾಕ್ ಮಟ್ಲ್ಯಾರ್, ಎಕ್ ಎಳ್ ಯೆತಾ ತುಜೆ ದುಸ್ಮಾನ್ ತುಜ್ಯಾ ಭೊತ್ಯಾನಿ ಯೆವ್ನ್ ಅಡ್ಗೊಲ್ ಘಾಲ್ತ್ಯಾತ್, ಅನಿ ತುಜಿ ರಸ್ತೆ ಸಗ್ಳೆ ಬಂದ್ ಕರ್‍ತ್ಯಾತ್, ಅನಿ ಸಗ್ಳ್ಯಾಕ್ನಾ ತುಕಾ ಬಂದ್ ಕರುನ್ ಸೊಡ್ತ್ಯಾತ್. 44ಅನಿ ತೆನಿ ತುಜ್ಯಾ ಭುತ್ತುರ್ ಹೊತ್ತ್ಯಾ ಸಗ್ಳ್ಯಾ ಲೊಕಾಕ್ನಿ ನಾಸ್ ಕರ್‍ತ್ಯಾತ್; ತುಜ್ಯಾ ಭೊತ್ಯಾನ್ಲ್ಯಾ ಭಿತ್ತಿಚೊ ಎಕ್ ಗುಂಡ್ಯಾರ್ ಗುಂಡೊ ಸೈತ್ ಥೈನಸ್ತಾನಾ ಕೊಸ್ಳುನ್ ಘಾಲ್ತ್ಯಾತ್, ಕಶ್ಯಾಕ್ ಮಟ್ಲ್ಯಾರ್, ದೆವ್ ತುಕಾ ಬಚಾವ್ ಕರುಕ್ ಮನುನ್ ಯೆಲ್ಲೊ ಎಳ್ ತಿಯಾ ವಳ್ಕುಕ್‍ ನೈ!
ಜೆಜು ದೆವಾಚ್ಯಾ ಗುಡಿತ್ ಜಾತಾ
ಮಾತೆವ್ 21:12-17; ಮಾರ್ಕ್ 11:15-19
45ಮಾನಾ ಜೆಜು ದೆವಾಚ್ಯಾ ಗುಡಿತ್ ಗೆಲೊ, ಅನಿ ಯಾಪಾರ್ ಕರ್‍ತಲ್ಯಾಕ್ನಿ ಭಾಯ್ರ್ ಘಾಲುಕ್‍ಲಾಲೊ 46ತೆನಿ ತೆಂಕಾ ಪವಿತ್ರ್ ಪುಸ್ತಕಾತ್ ಲಿವಲ್ಲೆ ಹಾಯ್, ದೆವ್ ಮನ್ತಾ “ಮಾಜಿ ದೆವಾಚಿ ಗುಡಿ ಎಕ್ ಮಾಗ್ನಿ ಕರ್‍ತಲೆ ಘರ್ ಹೊತಾ; ಖರೆ ತುಮಿ ತೆ, ಚೊರಾನಿ ನಿಪ್ತಲೊ ಜಾಗೊ ಕರುನ್ ಥವ್ಲ್ಯಾಶಿ!” ಮನುನ್. ಸಾಂಗಟ್ಲ್ಯಾನ್.
47ಸದ್ದಿಚ್ ಜೆಜು ದೆವಾಚ್ಯಾ ಗುಡಿತ್ ಲೊಕಾಕ್ನಿ ಶಿಕ್ವುಲಾಗಲ್ಲೊ, ಮುಖ್ಯ ಯಾಜಕಾ, ಖಾಯ್ದೆ ಶಿಕ್ವುತಲಿ ಲೊಕಾ , ಅನಿ ಲೊಕಾಂಚಿ ವ್ಹಡಿಲಾ ಜೆಜುಕ್ ಜಿವಾನಿ ಮಾರ್‍ತಲಿ ಯವ್ಜನ್ ಕರುಕ್ ಲಾಗಲ್ಲೆ. 48ಖರೆ ತೆಂಕಾ ಜೆಜುಕ್ ಜಿವಾನಿ ಮಾರ್‍ತಲಿ ವಾಟ್ ಗಾವುಕುಚ್‍ನಾ, ಕಶ್ಯಾಕ್ ಮಟ್ಲ್ಯಾರ್,ಲೊಕಾ ಎಕ್ ಶಬದ್ ಸೈತ್ ಚುಕಿನಸ್ತಾನಾ, ಬರೆ ಕರುನ್ ಜೆಜು ಸಾಂಗ್ತಲೆ ಆಯ್ಕುಲಾಗಲ್ಲಿ.
The New Testament in Siddi Language © The Word for the World International and Siddi Translation Samithi, Mundgod, Uttara Kannada, 2024.
