Jona Na Kori Lengana Na Omea Tara Marea Tana Buka De
Na Kori Lengana Na Omea Tara Marea Tana Buka De
Nina buka ia propet Jona e tovosi vanira nidira buka ira kesana na propet tana Baebol rongona na buka de e kori lengaa nina pejokoe ia propet Jona vania nina rairai ia Yawe God. Ma ia Yawe e raia ia propet Jona ke dia i Nineve, na vera leho tana tabana pari i Asiria, ira tara halati sekolira ira na Israel. Ma ia propet Jona e hoso viviti na taha dia nina sau rongo ia Yawe, rongona ia Jona e hana nohaa ia Yawe ba ke teha na manalia nina kori te pada vania na vera leho i Nineve. Ia Yawe e tamani sasahavi solehana me hanaa na kori kenihua tina vahai kara leleo basiaa nidira seko. Mi bukena te hadovia ia propet Jona dangana na rota, me rongo mangana ia nina rairai ia Yawe. Ia propet Jona e kore tahania ia Yawe matengana te teha na manalia na luvuluvu te vangarau vani nohara ira i Nineve.
Na buka de e tihisi lengaa ia Yawe God e Taovia savaliu me hae taoni kodera visa nina volavola. Ma ia Yawe e tihisi lenga nina vaisahavi leho tahuna te kori kenihua tana nidira seko ira nidira hala ira na Israel.
Na omea nira tara toha tana buka de
Ia Yawe e raia ia propet Jona ke taha nina paratanga dia vanira ira na tinonina i Nineve, ma ia Jona e pejokoe (1:1-17)
Ia Jona e nonginongi me kamaa ia Yawe tana lalona na cheche (2:1-10)
Ia Jona e tala na dia saurongo tana rukanina nina rairai ia Yawe (3:1-4)
Ira kode na tinoni i Nineve ara rongo mangana ia Yawe mara leleo basiaa nidira seko (3:5-10)
Ia Jona e kore tahania ia Yawe rongona ia te teha sau sivo vanira na luvuluvu te vangaraua (4:1-11)
하이라이트
공유
복사
모든 기기에 하이라이트를 저장하고 싶으신가요? 회원가입 혹은 로그인하세요
© 2024 (active), Wycliffe Bible Translators, Inc. All rights reserved