लूका 22
22
येशुअ जे खिलाफ साजिश
(मत्ती 26:1-5; मर 14:1-2; यूहन्ना 11:45-53)
1अख़मीरी रोटीअ जो तहेवार जेको फसह#निर्ग 12:1-27 जो तहेवार चवाएजंदो आहे, उहो वेझो अची रयो हो। 2मुख्ययाजकअ ऐं धर्मशास्त्री इन गा॒ल जी ताकअ में हुवा, के कीअं येशुअ खे माराए छडि॒न परअ उहे मांणुन खां ड॒कन पया।#लूका 20:19
यहूदा जो विश्वासघात
(मत्ती 26:14-16; मर 14:10-11)
3तड॒ऐं यहूदा नाले जे चेले में शैतान दाख़िल थ्यो। इयो चेलो बा॒रहन चेलन मां हिक हो ऐं उहो इस्करियोती बी चवाएजंदो हो।#यूह 13:2,27 4उहो मुख्ययाजकन ऐं मंदरअ जे पहेरेदारन जे सरदारन वट वञी उनन खां सलाह-मश्वरो करण लगो॒, के कीअं येशुअ खे उनन जे हथां पकड़ाए। 5तैंते उहे डा॒ढो ख़ुश थ्या ऐं यहूदा खे पैसा डि॒यण जे लाए राजी थी व्या। 6सो यहूदा उनन जी गा॒ल मञी वरती ऐं उन खां पो यहूदा इन मौके जी ताकअ में रवण लगो॒, के जड॒ऐं भीड़अ न हुजे त उन वक़्त हू येशुअ खे उनन जे हथां पकड़ाए।
चेलन सां गड॒ फसह जो आख़री भोज॒न
(मत्ती 26:17-25; मर 14:12-21; यूहन्ना 13:21-30)
7अख़मीरी रोटीअ जे तहेवारअ जो डी॒ंह आयो। जेमें फसह जे तहेवारअ जे मेम्ने जो ब॒लीदान चढ़ाएण ज़रूरी हो।#निर्ग 12:18-20 8येशु पतरस ऐं यूहन्ना खे इयो चई करे मोकल्यईं, “वञो ऐं असां जे लाए फसह जे तहेवारअ जे रोटीअ जी तैयारी कयो ताकि असां उहो खाई सगु॒ं।” 9उनन येशुअ खां पुछो, “तूं छा तो चाईं? के असां किथे उन जी तैयारी कयऊं?” 10तैंते येशुअ उनन खे जवाब डि॒नो, “शहेरअ में घिरंदे ही तवां खे हिक मांणू पाणीअ जो भरयल मटको खणी वेंदें मिलंदो। उन जे पोयां-पोयां वञजो ऐं जैं घरअ में उहो दाख़िल थे, 11उन घरअ जे मालिकअ डे॒ वञी करे चहे जो, ‘गुरूअ पुछो तईं के उहो महेमानखानो किथे आहे, जिते मां पांजे चेलन सां गड॒ फसह जे तहेवारअ जी रोटी खांवां?’ 12उहो मालिक तवां खे घरअ जे मथे माड़े ते हिक वडो॒ सजो सजा॒यल कमरो डे॒खारींदो, उते रोटीअ जी तैयारी कजो।” 13उहे चेला वया ऐं जीअं येशुअ उनन खे चयो हो, उनन उते सब कुछ उअं हीं पातो सो उते उनन फसह जे तहेवारअ जी रोटीअ जी तैयारी कई।#लूका 19:32
प्रभु-भोज॒
(मत्ती 26:26-30; मर 14:22-26; 1 कुरि 11:23-25)
14जड॒ऐं उहो वक़्त आयो, त येशु प्रेरितन सां गड॒ रोटी खाएण वेठो। 15उन संदन खे चयईं, “मुंजी केडी॒ त दिल जी चाहत हुई, के तकलिफुन खे भोग॒ण खां पहेरयों मां फसह जे तहेवारअ जी इया रोटी तवां सां गड॒ खांवां, 16छोके मां तवां खे चवां तो, जेसताईं के परमेश्वरअ जे राज॒अ में इन जो सही मतलब पूरो नथी वञे तेसताईं मां इन खे वरी न खाईंदुम।#लूका 13:29” 17इन खां पो येशुअ कटोरो खणी परमेश्वरअ जो धन्यवाद करे इंय चयईं, “इन खे खणो ऐं पाण में विराए छड॒यो; 18छोके मां तवां खे चवां तो, के अंगूरअ जो रस उन डी॒ंहं ताईं मां वरी न पियंदुम जेसताईं परमेश्वरअ जो राज॒ न अचे।” 19उन खां पो येशुअ रोटीअ खे खणी करे परमेश्वरअ जो धन्यवाद कयईं ऐं रोटीअ खे तोड़े करे चेलन खे डी॒ंदे इंय चयईं, “इयो मुंजो शरीर आहे जेको तवां जे लाए डि॒नो तो वञे। मुंजी याद में इंय हीं कंदा कयो।#1 कुरि 11:23-25; प्रेरि 27:35” 20सागे॒ ही तरीके सां येशुअ रोटीअ खां पो कटोरो खणी करे इंय चयईं, “इयो कटोरो मुंजे खूनअ खे तो डे॒खारे, इयो कटोरो मुंजे खूनअ जे द्वारा स्थापना कयल नईं वाचा आहे ऐं इयो तवां जे लाए वहायो तो वञे।#निर्ग 24:8; यिर्म 31:31; जक 9:11 21परअ डि॒सो, मुखे पकड़ाएण वारो मुसां गड॒ रोटी खाएण वेठो आहे।#यूह 13:21-22; भजन 41:9 22मांणूअ जे पुटअ जे बारे में पवित्रशास्त्र में जीअं लिख्यल आहे उहो त हुन सां थींदो ही; परअ हाय उन मांणूअ ते जेको हुन खे धोखे सां पकड़ाए तो!” 23सो चेला हिकअ-बे॒ खां पुछण लगा॒ असां मां उहो केर आहे, जेको इयो कम करण वारो आहे।
वडो॒ केर आहे? इन ते बहस
24चेलन जे विचअ में इन गा॒ल ते बी बहस थे पई, के असां सबनिन मां केंखे वडो॒ समझ्यो वञण खपे।#मत्ती 18:1; मर 9:34; लूका 9:46 25येशुअ उनन खे चयईं, “जेके राजा ऐं अधिकारी परमेश्वरअ खे नथा सुञारन उहे पांजी प्रजा जे मथां हुकुम हलाईंदा आइन परअ उन खां पो बी पांजे पाण खे ‘भलो कंदड़’ सडा॒ईंदा आइन। 26परअ तवां में इंय न हुजण खपे। जेको तवां मां वडो॒ आहे, उहो नंढे वांगुर ठहे ऐं जेको नेता आहे, उहो सेवकअ वांगुर ठहे।#मत्ती 20:25-27; 23:11; मर 9:35; 10:42-44 27भला, वडो॒ केर आहे? जेको खाएण वेठो आहे यां उहो जेको संदस जी सेवा तो करे? छा उहो न जेको खाई रयो आहे? परअ मां तवां जे विचअ में नौकरअ वांगुर आयां।#यूह 13:12-15 ”
28“तवां उहे आयो जेके मुंजी तकलीफुन में मुसां गड॒ रया आयो। 29जीअं मुंजे पिता मुखे मुकरर कयो आहे, के अधिकारअ सां गड॒ राज॒ कयां, उअं हीं मां बी तवां खे मुकरर तो कयां#लूका 12:32, 30ताकि तवां मुंजे राज॒अ में मुसां गड॒ वई करे मेजअ ते खाओ-पीओ ऐं सिंघासनअ ते वई करे तवां इज़राएल जे बा॒रहन हीं कुलन जा फैसला कयो।”#मत्ती 19:28
पतरसअ जे इन्कार करण जी भविष्यवाणी
(मत्ती 26:31-35; मर 14:27-31; यूहन्ना 13:36-38)
31“शमौनअ, हे शमौनअ! बु॒ध, शैतानअ तवां जी परीक्षा करण जे लाए इज़ाजतअ वरती आहे, के जीअं कणकअ खे फटक्यो वेंदो आहे इंय हीं तवां खे फटके।#2 कुरि 2:11; आमो 9:9 32परअ शमौनअ मां तुंजे लाए प्रार्थना कई आहे, के तूं किथे विश्वासअ खां मुकरी न वञी। सो जड॒ऐं तूं मूं डा॒ं मोटी अचीं, त पांजे भावरन खे बी संभालजैं।#यूह 17:11; 15; 20; भजन 51:13” 33इन ते पतरसअ येशुअ खे जवाब डि॒नईंस, “प्रभु मां तोसां गड॒ जेलअ में वञण जे लाए ऐं मरण जे लाए बी तैयार आयां।” 34येशुअ पतरसअ खे चयईंस, “मां तोखे चवां तो अज॒ रात जो कुकड़अ जे बां॒ग डि॒यण खां पहेरयों तूं टे दफ़ा इंय इन्कार करे चवंदे के तूं मुखे न सुञाणी।”
ब॒टूं, थेल्हो ऐं तलवारअ
35येशुअ चेलन खां पुछयईं, “जड॒ऐं मां तवां खे ब॒टूं, थेलो ऐं जेके जूता पातल हुयव उन जे अलावा बि॒यन जूतन जे बिना मोकल्यो हो, त छा तवां खे काई शए जी कमी थी?”#लूका 9:3; 10:4 36उनन येशुअ खे चयो, “काई शए जी न।” इन ते येशुअ उनन खे चयो, “परअ हाणे मां तवां खे चवां तो अगर तवां वट ब॒टूं हुजे त खणो ऐं थेलो बी ऐं अगर तवां वट तलवारअ न हुजे त पांजा कपड़ा बी विकणे करे उन खे खरीद कयो#22:36 कपड़ा विकरें करे तलवारअ वठण जो मतलब आहे, के तवां जे मथां डा॒ढो जल्दी ही मुसीबतूं अचण वारीयूं आइन, उन जे लाए तैयार रहो।। 37छोके मां तवां खे चवां तो, इयो ज़रूरी आहे के पवित्रशास्त्र जो इयो लेख मूंमे पूरो थेः ‘के उन जी ग॒णप पापिन सां गड॒ थी।’#यशा 53:12; लूका 22:52 हा, जेको कुछ मुंजे बारे में लिख्यल आहे उहो सब ज़रूर पूरो थींदो।” 38तैंते चेलन येशुअ खे चयऊंस, “प्रभु! डि॒स, हिते असां वट ब॒ तलवारूं आइन।” हुन चेलन खे जवाब डि॒नो, “काफी आइन।”
जैतूनअ जे पहाड़अ ते येशुअ जी प्रार्थना
(मत्ती 26:36-46; मर 14:32-42)
39येशु शहेरअ खां बा॒हिर वञी करे पांजी आदतअ मुजुब जैतूनअ जे पहाड़अ ते वयो। संदस जा चेला बी हुन सां गड॒ वया।#यूह 18:1; लूका 21:37 40येशुअ उते पहुंची करे उनन खे चयईं, “प्रार्थना कयो ताकि, तवां प्रलोभन अचण जे वक़्त किथे उन में किरी न पओ।” 41उन खां पो येशु थोड़ो ही परते चेलन खां अलग थी वयो ऐं घोड॒न भर अची करे प्रार्थना में इंय चवण लगो॒ के, 42“हे पिता, अगर तूं चाहीं त इयो दुखअ जो कटोरो मूं वटां हटाए छड॒। परअ त बी मुंजी न तुंजी इच्छा पूरी थे।#मत्ती 6:10” 43[एतरे में स्वर्ग॒अ जो हिक दूत येशुअ वट अची प्रघट थ्यो, जैं हुन खे सामर्थ डि॒नई।#1 राजा 19:5; यूह 12:29 44येशु उन पीड़ा जी वजह सां अञा बी लगनअ सां प्रार्थना करण लगो॒ ऐं हुन जो पसीनो ज॒ण रतअ जे टेपन वांगुर ज़मीनअ ते किरण लगो॒।]#22:44 जेके यूनानी पत्रियूं मिलियूं, उनन मां कुछ में इयो वचन नथो मिले। 45जड॒ऐं येशु प्रार्थना करे उथ्यो ऐं पांजे चेलन डा॒ं मोटी आयो, त उनन खे दुखअ#22:45 येशुअ चेलन खे बु॒धायो हो के उन सां छा-छा डी॒ंदो ऐं उहे कीअं हुन खे छडे॒ वेंदा, इन गा॒लिन जो उनन खे दुख हो ऐं उन जे बारे में उहे सोचे-सोचे थकजी पया हुवा, इन करे सुम पया। जे करे सुमंदे डि॒ठईं। 46येशुअ उनन खे चयईं, “तवां छो सुमी रया आयो? उथो ऐं प्रार्थना कयो ताकि तवां प्रलोभन अचण जे वक़्त किथे किरी न पओ।”
येशुअ जो धोखे सां पकड़ायो वञण
(मत्ती 26:47-56; मर 14:43-50; यूहन्ना 18:3-12)
47येशु अञा गा॒लाए ही प्यो, त उते हिकअ भीड़अ अची पौंती ऐं उनन जे अग॒यां-अग॒यां यहूदा इस्करियोती हली रयो हो जेको बा॒रहन चेलन मां हिक हो। उहो येशुअ जे पासे में आयो ताकि उहो हुन खे चुमी डे॒। 48इन ते येशुअ उन खे चयईं, “हे यहूदा, छा तूं चुमी ड॒ई करे मांणूअ जे पुटअ खे धोखे सां पकड़ाएण आयो आईं?” 49जड॒ऐं चेलन इयो डि॒ठो, के भीड़अ येशुअ खे गिरफ़्तार करण ती अचे, त संदस खां पुछयऊं, “प्रभु! छा असां तलवारूं हलायूं?” 50पो चेलन मां हिकड़े त महायाजकअ जे दासअ जे मथां वार करे उन जो साजो॒ कन कटे छड॒यईं। 51तैंते येशुअ चयईं, “बस, घणहीं थ्यो।” ऐं हुन उन दासअ जे कनअ खे छूही करे ठीक कयईंस। 52उन खां पो मुख्ययाजकअ, मंदरअ जे पहेरेदारन जा सरदारअ ऐं पुरनियां जेके येशुअ खे पकड़ण जे लाए आया हुवा, संदस उनन खे चयो, “छा तवां मुखे डाकू सम्झी करे तलवारूं ऐं लठूं खणी गिरफ़्तार करण निकता आयो#लूका 22:37? 53मां त रोज तवां सां गड॒ मंदरअ में हुंदो हुम ऐं उन वक़्त त तवां मुखे गिरफ़्तार न कयव।#लूका 19:47; 21:37 परअ हाणे इयो तवां जो समय आहे ऐं इन जे मथां अंधकारअ जो राज॒ आहे#22:53 अंधकारअ जो राज॒ इते, शैतान ऐं दुष्‍टआत्माउन जी बुरी शक्‍तिन खे तो डे॒खारे, जेके मांणुन खे प्रभावित त्यूं कन, ताकि उहे येशुअ खे पकड़न। ।#यूह 7:30; 8:20 ”
पतरसअ जो येशुअ खे सुञारण खां इन्कार करण
(मत्ती 26:57-58,69-75; मर 14:53-54,66-72; यूहन्ना 18:12-18,25-27)
54तड॒ऐं उनन येशुअ खे गिरफ़्तार कयो ऐं हुन खे महायाजकअ जे घरअ में वठी आया ऐं पतरस परभरो उनन जे पोयां हलण लगो॒। 55उते कुछ मांणू पदरअ जे विचअ में बाहे बा॒रे करे उन जे चौधरी वेठा हुवा। सो पतरस बी उनन सां गड॒ अची करे वेठो। 56उते हिकअ दासीअ पतरसअ खे बाहे जी रोशनीअ में वेठल डि॒ठईं ऐं उन खे ध्यानअ सां डि॒सी करे चवण लगी॒, “इयो बी येशुअ सां गड॒ हो।” 57इयो बु॒धी पतरस इन्कार करे इंय चवण लगो॒ त, “भेण! मां उन खे न सुञाणा।” 58थोड़ी देर खां पो, हिकड़े बे॒ ज॒णे पतरसअ खे डि॒सी करे चयईं, “तूं बी त उनन मां हिक आईं।” पतरसअ उन खे जवाब डि॒नईंस, “न भा! मां न आयां।” 59कलाक खन खां पो हिकड़े बे॒ मांणूअ पूरे यक़ीनअ सां चयो त, बेशक हे मांणू बी त येशुअ सां गड॒ हुयो, छोके हे मांणू बी त गलीली आहे। 60परअ पतरसअ उन खे जवाब डि॒नईंस, “अरे भा! मुखे न खबरअ आहे के तूं छा तो चईं।” उहो अञा इयो चहे ही प्यो, त ओढी॒ मलई कुकड़अ बा॒ंग डि॒नी। 61उन वक़्त प्रभुअ मुड़ी करे पतरसअ डां॒ निहारियो। तड॒ऐं पतरसअ खे उहा गा॒ल याद आई, के प्रभुअ उन खे चयो हो, “के अज॒ कुकड़अ जे बा॒ंग डि॒यण खां पहेरयों तूं टे दफ़ा मुंजो इन्कार कंदे।#लूका 22:34” 62उन खां पो पतरस उतां बा॒हिर निकरी वयो ऐं वञी ज़ोर-ज़ोर सां रोवण लगो॒।
येशुअ जी बेइज़ती
(मत्ती 26:67-68; मर 14:65)
63जेके पहेरेदारअ येशुअ जी निगराणी करे रया हुवा, उहे हुन जी ठठोली करण लगा॒ ऐं उन खे मारण-कुटण लगा॒। 64उहे येशुअ जी अखियुन ते पट्टी ब॒धी करे संदस खां पुछण लगा॒, “भविष्यवाणी कर! असां मां कें तोखे मारयो?” 65उहे येशुअ जे विरोधअ में डा॒ढियूं बुरियूं गा॒ल्यूं चई करे, हुन जी बेइज़ती कंदा रया।
यहूदी महासभा जे सामूं येशु
(मत्ती 26:59-66; मर 14:55-64; यूहन्ना 18:19-24)
66जीअं हीं सिज निकतो, त पुरनियां, मुख्ययाजकअ ऐं धर्मशास्त्री पाण में अची गड॒ थ्या ऐं उनन येशुअ खे यहूदी महासभा जे अग॒यां पेश कयऊं। 67उनन येशुअ खे चयो, “अगर तूं मसीह आईं, त असां खे बु॒धाए।” तैंते येशुअ उनन खे जवाब डि॒नो, “अगर मां तवां खे चवंदुम बी के मां आयां, त बी तवां मुंजी गा॒ल जो विश्वास न कंदव#यूह 3:22; 8:45; 10:24, 68ऐं अगर मां तवां खां सवाल पुछंदुम, त तवां उन जो जवाब न डी॒ंदव। 69परअ हाणे खां मांणूअ जो पुट सर्वशक्‍तिमान परमेश्वरअ जे साजे॒ पासे#22:69 साजे॒ पासे व्यण जो मतलब आहे, के खास आदर ऐं जेको अधिकार परमेश्वरअ वट आहे उहो हुजण। व्यंदो#दानि 7:13; भजन 110:1।” 70तैंते सबनिन ज॒णन चयो, “छा तूं परमेश्वरअ जो पुट आईं?” हुन जवाबअ में चयईंन त, तवां पाण हीं ता चओ के मां आयां। 71इयो बु॒धंदे ही उनन चयो, “हाणे असां खे ब्॒यन गवाहुन जी छा ज़रूरतअ आहे? असां त पाण हीं इन जे मुंहं मां इयो बु॒धो आहे।”
