लूका 18
18
अन्यायी न्यायधीश ऐं हिकअ विधवा
1येशुअ पांजे चेलन खे इयो समझाएण जे लाए के हर वक़्त प्रार्थना करण खपे ऐं हिम्मतअ न हारण खपे, हिक मिसाल डि॒नईं।#रोम 12:12; कुलु 4:2; 1 थिस्स 5:17 2“कें नगरअ में हिक न्यायधीश रवंदो हो, जेंखे न परमेश्वरअ जो डप हो ऐं न हीं हू कें मांणूअ जी परवाह कंदो हो। 3उन नगरअ में हिकअ विधवा रवंदी हुई। उहा हरी-घड़ी उन वट अची मिंथूं करे चवंदी हुई, महेरबानी करे ‘मुंजो इंसाफ कर, मुसां मुंजा विरोधी गलत ता कन, मुखे उतां बचाए।’ 4डा॒ढे समय ताईं त उहो न्यायधीश उन खे मना कंदो रयो। परअ आखिरकार उहो पांजे पाण खे दिल ही दिल में चवण लगो॒, के ‘भले ही मां न त परमेश्वरअ खां ड॒कंदो आयां ऐं न हीं कें मांणूअ जी परवाह कंदो आयां; 5परअ त बी इया विधवा हड़ी-घड़ी अची मुखे परेशान ती करे, इन जे करे मां हाणे इंय कंदुम के इन खे इंसाफ मिले, किथे इंय नथे के इया हड़ी-घड़ी अची करे मुंजे नकअ में दम करे’।#लूका 11:7-8”
6प्रभुअ चयईं, “बु॒धव, इन अन्यायी न्यायधीशअ छा चयईं? 7इन करे छा परमेश्वर पांजे चूंडयलन#18:7 इहे उहे आइन जैं येशु मसीहअ खे पांजो उद्धारकरता स्वीकार कयो आहे। जो न्याय न चुकाईंदो, जेके रात-डी॒ंह हुन खां दुआ ता कन? छा उहो उनन जी मददअ करण में देर कंदो? 8मां तवां खे चवां तो, उहो उनन जो न्याय चुकाएण में बिल्कुल देर न कंदो परअ त बी जड॒ऐं मांणूअ जो पुट वापस मोटंदो, त छा इन धरतीअ ते एड़े विश्वासअ खे पाईंदो?”
फ़रीसी ऐं हिकअ महसूल उॻाड़ींदड़अ जो मिसाल
9कुछ मांणू जेके पांजे पाण खे धर्मी ऐं बि॒यन खे तुच्छ प्या समझन, येशुअ उनन जे लाए इया मिसालअ डि॒नईं। 10“ब॒ मांणू मंदरअ में प्रार्थना करण जे लाए वया; उनन मां हिक फ़रीसी हो ऐं बि॒यो महसूल उगा॒ड़ींदड़ हो। 11फ़रीसी बीह करे पांजे दिल में इंय प्रार्थना करण लगो॒, ‘हे परमेश्वरअ, मां तुंजो धन्यवाद तो कयां, के मां बि॒यन मांणुन वांगुर लूटमार करण वारो, अन्यायी ऐं व्‍यभिचारी कोन आयां ऐं न हीं इन महसूल उगा॒ड़ींदड़अ वांगुर आयां।#लूका 16:15 12मां हफ्ते में ब॒ दफ़ा विर्त रखंदो आयां; ऐं पांजी सजी॒ कमाईअ जो ड॒हों हिस्सो बी डी॒ंदो आयां।#मत्ती 23:23 ’
13उहो महसूल उगा॒ड़ींदड़ थोड़ो परते बीठो हो ऐं उन जी एतरी बी हिम्मतअ न थी, के उहो स्वर्ग॒अ जी तरफ डि॒से। उहो पांजी छाती पिटींदे इंय चवण लगो॒, ‘हे परमेश्वरअ, मूं पापीअ जे मथां दया कर!#भजन 51:1’ 14येशुअ उनन खे चयईं, मां तवां खे चवां तो परमेश्वरअ जी नज़रअ में उहो फ़रीसी न परअ हे महसूल उगा॒ड़ींदड़ धर्मी थी करे पांजे घर वयो, छोके जेको बी पांजे पाण खे वडो॒ कंदो, उहो नंढो कयो वेंदो परअ जेको बी पांजे पाण खे नंढो कंदो, उहो वडो॒ कयो वेंदो।#मत्ती 23:12; लूका 14:11; यहेज 21:31”
बा॒रन खे आसीसअ डि॒यण
(मत्ती 19:13-15; मर 10:13-16)
15उन खां पो मांणू पांजे नंढड़े बा॒रन खे येशुअ वट वठी आया ताकि उहो उनन जे मथां पांजा हथअ रखी उनन खे आसीसअ डे॒ परअ जड॒ऐं चेलन इयो डि॒ठो, त उहे मांणुन खे दड़का डि॒यण लगा॒। 16तैंते येशुअ बा॒रन खे पाण वट सड॒ कयो ऐं चेलन खे चयईं, “बा॒रन खे न रोक्यो उनन खे मूं वट अचण डि॒यो, छोके परमेश्वरअ जो राज॒ हेड़न जो ही आहे। 17मां तवां खे सच तो चवां जेको बी परमेश्वरअ जे राज॒अ खे बा॒रन वांगुर ग्रहण न कंदो तेसतांई उहो उन में दाख़िल न थी सग॒ंदो आहे।#मत्ती 18:3 ”
शाहूकार मांणू ऐं अनंत जीवन
(मत्ती 19:16-30; मरकुस 10:17-31)
18हिकअ दफ़े, कें यहूदी सरदारअ येशुअ खां पुछो, “हे नेक गुरू, अनंत जीवनअ जो वारिस थ्यण जे लाए मां छा कयां?” 19येशुअ उन खे चयईं, “छा कारण आहे, के तूं मुखे नेक तो चईं? छोके परमेश्वरअ खां सिवाए कोई बी नेक कोने। 20तोखे आज्ञाऊं त खबर आइन। ‘व्यभिचार न करणो, हत्या न करणी, चोरी न करणी, कूड़ी गवाही न डि॒यणी ऐं पांजे माता-पिता जो आदर करणो’।”#निर्ग 20:12-16; व्य 5:16-20 21उन येशुअ खे चयो, “इन सब आज्ञाउन जो पालन त मां नंढे हुंदे खां हीं कंदो आयो आयां।” 22इयो बु॒धी येशुअ उन खे चयईं, “तोमें अञा बी हिकअ गा॒ल जी घटताई आहे। वञ ऐं जेको कुछ तो वट आहे उन खे विकणी करे ग़रीबन में दान करे छड॒, त तोखे स्वर्ग॒अ में ख़ज़ानो मिलंदए। उन खां पो मुंजे पोयां हल्यो अच।#मत्ती 6:20” 23इयो बु॒धी उहो डा॒ढो दुखी थी वयो, छोके त उहो डा॒ढो शाहूकार हुयो।
24येशुअ उन खे डि॒सी करे चयो, “शाहूकारन जो परमेश्वरअ जे राज॒अ में दाख़िल थ्यण केडो॒ मुश्किल आहे! 25परमेश्वरअ जे राज॒अ में शाहूकारन जे दाख़िल थ्यण जे मुकाबले, उठअ जो सुईअ जे टुंगअ मां निकरण सोहलो आहे।” 26इन ते बु॒धण वारन इंय चयो, “त पो भला केंजो उद्धार थी सग॒ंदो आहे?” 27येशुअ उनन खे चयईं, “जेको मांणुन खां न थी सग॒ंदो आहे, उहो परमेश्वरअ खां थी सग॒ंदो आहे।” 28इयो बु॒धी पतरसअ येशुअ खे चयईं, “डि॒स, असां त पांजो सब कुछ छडे॒ करे तुंजे पोयां हलण लगा॒ आयूं।” 29येशुअ उनन खे चयो, “मां तवां खे सच तो चवां एड़ो कोई कोने जैं परमेश्वरअ जे राज॒अ जे लाए पांजो घर ऐं ज़ालअ ऐं भावरअ ऐं माता-पिता ऐं बा॒रन खे छड॒यो हुजे; 30ऐं इन वक़्त केतराही त वधीकअ गुणा न पाए ऐं मरण खां पो परमेश्वरअ सां गड॒ अनंत जीवन बी।”
पांजी मौतअ जे बारे में येशुअ जी टियों दफ़ो भविष्यवाणी करण
(मत्ती 20:17-19; मर 10:32-34)
31येशुअ पांजे बा॒रहन हीं प्रेरितन खे अलग वठी वञी करे चयईं, “डि॒सो, असां यरूशलेम हली रया आयूं ऐं उते जेतरियूं बी गा॒ल्यूं मांणूअ जे पुटअ जे बारे में भविष्यवक्‍ताउन जे तरफां लिखियूं वयूं आइन उहे सब पूरियूं थींदियूं।#लूका 9:22,44 32उहो गैरयहूदिन जे हथन में सौप्यो वेंदो ऐं उहे हुन जो मज़ाक उडा॒ईंदा; हुन जी बेइज़ती कंदा ऐं संदस खे थुकूं हणंदा। 33उहे हुन खे चाबुक हणंदा ऐं संदस खे मारे छडीं॒दा परअ टें डी॒ंहं ते हू वापस मौतअ मां जी उथंदो।” 34परअ उनन खे येशुअ जी काई बी गा॒ल सम्झअ में न आई। इनन गा॒ल्युन जो मतलब उनन खां लिक्यल रयो ऐं जेकी गा॒ल्यूं उनन खे चयूं वयूं, उहे हो सम्झी न सग॒या।#मर 9:32
अंधे भिखारीअ खे ठीक करण
(मत्ती 20:29-34; मर 10:46-52)
35जड॒ऐं येशु यरीहो नगरअ जे वेझो पौंतो, त उते हिक अंधो भिखारी रस्ते जे किनारे ते वई करे भीखअ घुरी रयो हो। 36जड॒ऐं उन भिखारीअ भीड़अ जे हलण जी आवाज़ बु॒धी, त उहो पुछण लगो॒, “हे छा थी रयो आहे?” 37मांणुन उन खे बु॒धायो, “येशु नासरी तो हितां लंगे।” 38तड॒ऐं उहो जोर जोर सां रड़ियूं करे चवण लगो॒, “हे येशु दाऊदअ जा पुटअ#18:38 दाऊदअ जा पुटअ जो हिते मतलब आहे, के राजा दाऊदअ जो वंशज। , मुंजे मथां रहेम कर!” 39इन ते जेके मांणू अग॒यां-अग॒यां हली रया हुवा, उहे उन खे दड़को ड॒ई चवण लगा॒ के चुप कर; परअ उहो अञा बी वधीकअ जोर जोर सां रड़ियूं करण लगो॒, “हे दाऊद जा पुटअ! मुंजे मथां रहेम कर!” 40इयो बु॒धी येशु उते बीह रयो ऐं मांणुन खे चयईं, उन खे मूं वट वठी अचो। जड॒ऐं उहो अंधो हुन वट आयो, तड॒ऐं येशुअ उन खां पुछो, 41“तूं छा तो चाहीं के मां तुंजे लाए कयां?” अंधे येशुअ खे चयो, “हे प्रभु, इयो कर के मां डि॒सण लगा॒ं।” 42येशुअ उन खे चयो, “डि॒सण लग॒; तुंजे विश्वासअ तोखे ठीक कयो आहे।#लूका 17:19” 43उहो अंधो ओढी॒ मलई डि॒सण लगो॒ ऐं परमेश्वरअ जी स्तुति कंदो हुन जे पोयां हलण लगो॒; ऐं इयो डि॒सी करे सब मांणू परमेश्वरअ जी स्तुति करण लगा॒।
