मत्ती 9
9
ईसू नें लकबा के मारे भये कूं ठीक करौ
(मरकुस 2:1–12; लूका 5:17–26)
1ईसू नाव में बैठकै झील के बा पार कफरनहुम नगर में आयौ, ज्हाँ बू रैहतो। 2तब बानें देखी, कै कछू लोग लकबा के मारे भयेए खाट पै डारकै वाके जौरै ला रये हैं। ईसू नें बिनकौ भरोसौ देखके बा लकबा के मारे भये ते कही, “बेटा हिम्मत रख, तेरे पाप छमा है गये हैं।”
3जि सुनिकें कछू सास्त्रन कूं सिखाबे बारे आपस में बात करबे लगे, “जि ऐसौ कैहके परमेस्वर की अपमान कर रयोए।”
4ईसू बिनके मन की बातन कूं जानिके कैहबे लगौ, “तुम अपने मन में जि चौं सोच रये हो? 5आसान का है, जि कैहबौ कै, ‘तेरे पाप छमा है गये हैं’ या जि कैहबौ, ‘उठ और चलबे लग’? 6मैंनें जि बात जामारै कहिए, कै तुम लोग जि जान लेओ मुझ, ‘मनुस्य के बेटा’ कूं धरती पै पाप छमा करबे कौ अधिकार है।” तब ईसू नें लकबा के मारे भये ते कही, “उठ और खाट उठायकै अपने घर कूं चलौ जा।” 7तब बू लकबा कौ मारौ भयौ आदमी उठौ और अपने घर चलौ गयौ। 8और जि देखके सब लोग डर गये और जि कैहकै परमेस्वर की महिमा करबे लगे, कै परमेस्वर नें आदमिन कूं अचरज के काम करबे कौ अधिकार दयौए।
ईसू नें मत्ती कूं बुलायौ
(मरकुस 2:13–17; लूका 5:27–32)
9जब ईसू म्हांते आगे जा रयौ हतो तब बानें चुंगी लैबे बारे मत्ती नाम के आदमी कूं चुंगी लैबे बारी जगह पै बैठौ भयौ देखौ। और बाते कही, “मेरे पीछे पीछे आजा।” और मत्ती उठकै ईसू के पीछै चलबे लगौ।
10 #
लूका 15:1,2 जब ईसू चेलान के संग में मत्ती के घर में खानों खायबे बैठौ, तब बिनके संग चुंगी लैबे बारे और पापी लोगऊ खानों खायबे बैठे। 11जि देखकें फरीसी लोग ईसू के चेलान ते कैहवे लगे, “तुमारौ गुरू चुंगी लैबे बारे और पापिन के संग चौं खातै?”
12जि सुनिकें ईसू नें फरीसी लोगन ते कही, “बैद्य की जरूरत भले-चंगे लोगन कूं नांय होबे पर बीमार लोगन कूं होबे। 13#मत्ती 12:7जामारै तुम जाकौ मतलब जान लेओ, कै ‘मैं बलिदान नांय पर दया चाहतूं।’ चौंकि मैं धरमिन कूं नांय पर पापिन कूं बुलाबे आयौ हूं।”
बर्त के बारे में सिछा
(मरकुस 2:18–22; लूका 5:33–39)
14फिर यूहन्ना बपतिस्मा दैबे बारे के चेला ईसू के जौरै गये और बाते कैहबे लगे, “हम और फरीसी तौ अकसर बर्त रखतें, पर तेरे चेला बर्त चौं नांय रखतें?”
15ईसू नें बिनते कही, “जि कैसे है सकते कै जब तक दूला बरातिन के संग है तब बे दुखी होबें? पर बू समैंऊ आबेगौ जब दूल्हा बिनते अलग करौ जाबैगौ तब बे बर्त रखेंगे।
16“ऐसे ही पुराने कपड़ा पै कोई नये सूती कपड़ा की थेगरी नांय लगात अगर कोई लगाते तौ नयौ कपड़ा सिकुड़कै पुराने कपड़ा कूं और जादा फाड़ देतै। 17और जई तरैह ते पुरानी मसकन में कोई नये अंगूरन कौ रस नांय भरत। अगर कोई ऐसा करै तौ नये अंगूरन कौ रस पुरानी मसकन कूं फाड़ दैबेगौ। चौंकि अंगूर कौ रस कछू दिना बाद फूलबे लगतै, जामारै पुरानी मसक फट जातै। और मसक के संग-संग अंगूर कौ रसऊ खराब है जाबेगौ। जामारै नयौ अंगूर कौ रस नयी मसक मेंई भरनौं चहिऐं जाते कै दोनों चीज बची रैहमें।”
मरी भयी लड़की कूं जीबित करबौ और बीमार औरत कौ ठीक हैबो
(मरकुस 5:21–43; लूका 8:40–56)
18जब बपतिस्मा दैबे बारे यूहन्ना के चेलान ते ईसू जि बात कैह रयो हतौ। तब पिराथना घर कौ अधिकारी वाके जौरै आयकें दडंबत करके कैहबे लगौ, “मेरी बेटी अबई मरी है अगर तू चलकें वाके ऊपर अपनों हात रख दैबेगो, तौ मेरी बेटी जीबित है जाबैगी।” 19और तब ईसू उठकै अपने चेलान समैंत वाके संग चल दियौ।
20और तब एक औरत जाकूं बारह साल ते खून भैहबै की बीमारी हती। बानें पीछे ते आयकै ईसू के कपड़ा कौ कौनों छू लियौ। 21चौंकि बानें अपने आप ते कही हती कै, “अगर मैं ईसू के कपड़न्नेंउ छू लुंगी तौ मैं ठीक है जाऊंगी।”
22ईसू ने पीछे मुड़कै बा औरत कूं देखौ। और बाते कही, “बेटी हिम्मत रख, जा तेरे भरोसे नें तोय ठीक करौ है।” और बू औरत बाई बखत ठीक है गई।
23जब ईसू पिराथना घर के मुखिया के घर पौंहचौ। तब बानें देखौ कै सबरे लोग रो-रोय कें हल्ला मचाय रये हैं। #9:23 यहुदी लोगन में काऊ की मौंत है जातै चाहे बू छोटो होय या बड़ौ होय तौ बे रोबे के संग बांसुरी बजाते। पर हमारी संस्कृति में ऐसौ नांय होबे, जाके मारे बांसुरी बारी बात जा आयत नांय लिखी गयी। पर यूनानी प्रतियौ में जि बातऊ लिखी भयी है कै बे बांसुरी बजा रये हते। 24तब ईसू ने कही, “सब लोग बाहर चले जाऔ लड़की मरी नांय पर सोय रयी है।” जा बाते सुनकें सबरे लोग ईसू की हसी उड़ायबे लगे। 25और जब सबरी भीड़ बाहर निकर गयी तौ ईसू ने भीतर जायके लड़की कौ हात पकड़ौ और बू जि उठी। 26जा बात की चर्चा सबरे पिरदेस में फैल गई हती।
ईसू नें दो आँधरे और एक गूँगे आदमी कूं ठीक करौ
27जब ईसू म्हांते जा रयो हतो, तब दो आँधरे आदमी चिल्लाय के कैहबे लगे, “हे दाऊद की सन्तान हम पैऊ दया करौ।”
28जब ईसू घर के भीतर गयौ तब आँधरे आदमी वाके जौरै आये, तब ईसू ने बिनते पूँछी, “का तुमें भरोसौ है कै मैं तुमारी आंखन नें सही कर सकतूं?”
और तब बिन्नैं कही, “हाँ पिरभू।”
29तब ईसू नें बिनकी आंखन पै हात रखकैं कही, “जाऔ तुमारे भरोसे नें तुमें ठीक कर दियौ है।” 30और बिनकी आंख अच्छी है गयीं, और बे देखबे लगे और ईसू ने बिनकूं चैतायकैं कही, “जा बाते काऊ ते मत केहियों।” 31पर बिन्नें जि बात सबरे पिरदेस में फैलाय दयीं।
32जब ईसू जा रयो हतौ, तबई कछू लोग एक गूंगे आदमी कूं जामें दुस्ट आतमा हती बाय वाके जौरै लाये। 33और जब ईसू नें दुस्ट आतमा निकार दई तब गूंगौ बोलबे लगौ तबई भीड़ चौंकके कैहबे लगी, “हमनें इसरायल में ऐसौ कबऊ नांय देखौ।”
34 #
मत्ती 10:25; 12:24; मर 3:22; लूका 11:15 पर फरीसी लोगन नें कही, “जि तौ दुस्ट आतमा के मुखिया बालजबुल की सक्ती ते दुस्ट आतमांन कूं निकारते है।”
ईसू कूं लोगन पै दया आयी
35 #
मत्ती 4:23; मर 1:39; लूका 4:44 ईसू गांम गांम, सहर सहर, पिराथना घरन में जायकें परमेस्वर के राज के सुभ समाचार की बातन्नें बतातौ हतो। और लोगन की सब तरैह की बीमारी ठीक करीं और कमजोरीए दूर करत रयौ। 36#मर 6:34तब ईसू ने भीड़ कूं देखौ और बिन लोगन पै बाय बड़ौ तरस आयौ, और बे लोग बिन भेड़न की तरैह हते। जिनकौ कोई चरायबे बारौ नांय होबै और बे भेड़ इत बितकूं भटकती रैहमें। 37#लूका 10:2तब ईसू नें अपने चेलान ते कही, “पके भये खेत तौ भौतेरैंए पर मजदूर तौ थोरेसे हैं। 38जामारै खेत के मालिक ते पिराथना करौ कै, अपनी फसलेै काटबे काजै मजदूर भेज दैबै।”
NonCommercial-NoDerivatives 4.0 International (CC BY-NC-ND 4.0)
