लूका 20
20
यीसु को अधिकार पर सवाल
(मत्ती 21:23-27; मरकुस 11:27-33)
1एक रोज यीसु मंदिर मा, जनता ला साजरो बारता सांगत होतो। का मोसे को नियम को गुरू, लेखक, मुखिया याजक ओको कठा आइन। 2अखीन वोला पुसीन, यो तू हमला सांग का कोनतो, अधिकार लक यो काम करासे? उ कोन आय जोना तोला यो अधिकार देइसेस?
3तबा यीसु ना जवाब दियो, मि भी तुम्ही लक एक सवाल पूसासू, अखीन तुमी सांगो 4योहन बप्तिस्मा देवन वालो को बप्तिस्मा, सरग कन लक होतो, का मानूस को कन लक होतो?
5वय आपसी मा सलाह करासे, हमि सरग कन लक सांगबीन तो उ कहेत, का तुम्ही योहन पर भरोसा काहे नही ठेवासो? 6अदी हमि सांगबीन का मानूस कन लक तबा जनता हमला गोटा लक मार-मार के ना मार डाखेत। काहेका लोक गीन ला यो भरोसा होतो, का योहन परमेस्वर को भविस्यवक्ता आय। 7एको लाय उनना जवाब दियो का, आमी नही जानसेजन, का योहन कोन कन लक से।
8एको पर यीसु ना उन लक, कव्हयो “तबा मि भी तुम्ही लक नही सांगसू, का मि कोनतो अधिकार लक यो काम करासू।”
अंगूर को बाडी का उदाहरन
(मत्ती 21:33-46; मरकुस 12:1-12)
9तबा यीसु जनता ला यो उदाहरन सागन लग्यो, एक किसान आपरी अंगूर को बारी, किसान गीनला ठेका मा देयके, ना गजब दिवस काजी, परदेस मा चले गयो। 10जबा बेरा भयो ता उ मालीक ना आपरो एक दास ला धाड़िस, का अंगूर को बारी को बटाई देय दे। पर किसान गीन वोला, मर-पीट के ना रिकामो हात पराय देइन। 11मंग उ मालीक ना दुसरो दास ला धाड़िस, अना वोला भि वसोच मार-पीटके ना रिकामो हात लवटा दियो। 12मंग मालीक ना तिसरो नौकर ला धाड़िस, अखीन उनना वोला भी घायल करके ना कहाड़ देइन। 13तबा अंगूर को बारी को मालीक ना सोचिस, का मी काय करू? मि आपरो चहेतो टूरा ला धाड़सु, साइद वोना लोक गीन वोको आदर करयेत। 14जबा किसान ना वोला चोविन तो, आपस मा बिचारन लगीन, यो ता ओको वारिस आय, आओ एला मार डाखो, का यो बारी हमेसा लक आमरो भई जाहेत। 15अखीन वोला अंगूर को बारी लक, बाहेर कहाड़ केना मार डाखिन।
एकोलाय अबा अंगूर को बारी को मालीक उनको संग का, करयेत? 16उ आयके ना वोना किसान गीनला नास करयेत, अखीन अंगूर को बारी ला दुसरो ला देहेत।
उनना यो आयक के ना ओला कहिन, परमेस्वर करे असो नोको होयहेत।
17वोना उनको कना चोवके ना कहीस,
अखीन का लिखोसे? जोन गोटा ला मिस्तरी ना नकारो सेस,
वोच कोनटा#20:17 सिरे का पत्थर को सप्पा बजन सहन वालो, गोटा भई गईस।
18जोन कोनी वो गोटा मा पडे़त, चकनाचूर भई जाहेत। अखीन गोटा जोनको पर पडहेत उ पिस जाहेत।
कैसर राजा ला जमा पटानो
(मत्ती 22:15-22; मरकुस 12:13-17)
19वोच बेरा मुखिया याजक, अखीन मोसे को नियम को गुरू लिखनवारा, समज गइन का यो उदाहरन आमरो पर लक सांगिसेस, ओना यीसु ला पकड़न चाहत होतिन, पर जनता लक भेव खाइन। 20वय यो ताका मा होतिन, का भेद लेवन काजी कोनि मानूस ला धाड़ेत जोन झुठो बहाना लक नेक बनके वोला कोनी ना कोनी गोस्टी मा पकड़ेत, अना वोला अधिकारी को हात को सुपरुत करहेत। 21वोना गीनना वोला पुसिन, हे गुरू हमि जानसेजन का तू खरो, सांगासेस अखीन सिकावासे। परमेस्वर को मारग खराई लक, सांगासेस अखीन कोनी, तरफदारी नही करासे। 22ता अबा सांग मोसे को नियम लक का अमीला राजा कैसर ला, जमा को सिक्का देवनो खरो, से का खोटो से?
23वोना उनको होसियारी, समज गयो अखीन कव्हयो, 24एक रुपया को सिक्का#20:24 दीनार एक दिवस को बनी मोरो कठा आनो,
तबा जनता लक पुछयो योमा कोन को छापा सेत अखीन कोको नाव सेत? लोगगीन कहिन राजा कैसर को।
25तबा उ उनला कहीस, जोन राजा कैसर को सेत, उ राजा कैसर ला देव, अखीन जो परमेस्वर को, से वो परमेस्वर ला देव।
26वय लोकगीन वोला मिसा लक पकड़न को ताका मा होतिन, यो काजी नेकी को भेस धरके ना काही लोक गिनला ओको कठा मिसा लक धाड़िन, का वय वोको कोनी सबद पकड़े, अखीन वोला अधिकारी गीन लक, सिकायत करके ना धराय देहत।
दुबारा जित्तो होवनो अना बिहा
(मत्ती 22:23-35; मरकुस 12:18-27)
27एको बाद काही सदूकी गुरूगीन, यीसु को जवर आइन जोन मरन को बाद जी उचलनो नही#20:27सदूकी मानत होतिन। उनना वोला यो सवाल करीन, 28गुरूजी, मोसे गुरूजी ना आमरो लाय, एक नियम बनाइसेस, का कोनी को भाऊ बिना सन्तान को मर जासे, तो वोको भाऊ उ बेवा ले बिहा करके ना आपरो भाऊ को, काजी सन्तान पैदा करेत#20:28खानदान । 29एक परिवार मा सात भाऊ होतिन मोठो ना बिहा करकेना नवरी आनीस, अखीन उ बझला मर गयो। 30दुजो अखीन तिसरो 31असो सातो भाऊ वा बायको, लक बिहा करके ना बिना सन्तान को मर जावासे। 32आखीर मा उ बायको भी मर जासे। 33अबा सांगो जित्तो होवनो को बाद मा वा बायको, कोन की बायको होयेत? उ तो सातो को बायको होति।
34यीसु ना कव्हयो एना जुग मा मरद-बायको, को बिहा होवासे। अखीन नवरा-नवरी होवासे। 35पर आवन वालो जुग मा जबा, सप्पा मुरदा जित्तो होवनो भई जाहेत#20:35 मरनो मा लग्न नही होहेत। , वहान बर-बिहा नही होयेत। 36पर सबा जी उचलनो को मंघा अमर होयके ना, सरग दुत जसो परमेस्वर को सन्तान बन जाहेत। 37#20:37 मी जिन्दो को परमेस्वर सेऊ पर यो गोस्टी को की मरयो हुयो जित्तो जित्ता होवासे, मोसे ना स्तो पेटायो झाड़ी को किस्सा मा सांगिसेस, जहान उ पिरभू कव्हासे का मि अबराहम, इसहाक अना याकूब को परमेस्वर सेउ। 38उ मुरदा को नही पर जित्तो को परमेस्वर सेत। कायको लाय का वोको, पूढा सबा जित्तो सेत।
39एको मंघा मोसे को नियम को गुरू अना लेखक गीन कहिन का, तू ना साजरो सांगिसेस। 40अखीन यीसु लक कोनी सवाल पुसन को, हिम्मत नही भयो।
मसीह कोनको सन्तान?
(मत्ती 22:41-46; मरकुस 12:35-37)
41मंग यीसु ना उनला पुसयो, मसीह ला राजा दाऊद को, सन्तान काहे कव्हासेत? 42राजा दाऊद खुदच आपरो भजन को पवीतर किताब मा कव्हासे, परमेस्वर ना मोरो मालीक लक कव्हयो। 43मोरो उज्जो बस जबा तकन मि तोरो बयरी गीन ला तोरो पाँय को खाल्या को पीढ़ो नही कर देवासू। #20:43 चरनो की चौकी 44राजा दाऊद ता वोला पिरभू कव्हासे त मंग वा कसो वोको सन्तान से?
गियानी गीन लक होसियार
(मत्ती 23:1-36; मरकुस 12:38-40)
45जबा सबा लोक गीन आयकत होतिन, तबा वोना आपरो चेला गीनला कव्हासे, 46लेखक मोसे को नियम को गुरू ले होसियार रव्हो। जोन ला, लम्बो-लम्बो कपरा पहननो अखीन, फिरनो चाव्हासेत अखीन उनला, बजार मा नमस्कार अखीन, सभाघर मा उच्चो आसन 47वय बेवा गीनको घर अना धन चट करासे अना दिसावन को लाय लम्बो-लम्बो पिराथना करोसे, उनला कठोर दन्ड मिलहेत।
The New Testament in Powari Language © The Word for the World International and Powari Madhya Pradesh, 2023.
