योहन 20
20
यीसु को जिन्दो होवनो
(मत्ती 28:1-8; मरकुस 16:1-8; लूका 24:1-12)
1हफ्ता को पहिले दिवस मरियम मगदलीनी पहेटिया मा मरघटी मा आइन, अना गोटा ला मरघट्टी लक हटयो हुयो चोवीन। 2तबा वय धाव के समौन पतरस अना उ दुसरो चेला को जवर जेनको लक यीसु माया राखत होतो आयके कहिन, वय पिरभू ला मरघट्टी मा लक हेड़के ले गईन, अना अमीला पता नहात, वोला किता राख दियो!
3तबा पतरस अना उ दुजो चेला हिटके मरघट्टी को कन चली गईन। 4वय दोंनो सँग-सँग धाव रह्यो होतिन, पर दुसरो चेला पतरस लक पुड़ढा मरघट्टी#20:4 मसान घाट मा पहुचयो। 5अना उ वोनो होयके कपरा पड़ो चोवयो, ता भी उ भीतर नही गयो। 6तबा समौन पतरस ओको मंघा-मंघा पहुचियो, अना मरघट्टी #20:6 कब्रस्थान को भीतर गयो, अना कपरा पड़ा चोविस 7अना उ गमछा जोन ओको डोस्का#20:7 कवटी लक बँधो होतो, अलग एक जघा गुन्ड के राखियो होतो। 8तबा दुसरो चेला भी जोन मरघट्टी पर पुढा पहुचियो होतो, भीतर गयो अना चोयके भरोसा करीन। 9वय तो अबा तकन पवितर गिरंथ की उ गोस्टीच ला नही समजयो होतीन, की ओको मरो मा लक जिँदो होवनो से। 10तबा यो चेला आपरो घर लवट गईन।
मरियम मगदलीनी ला दिसनो
(मत्ती 28:9-10; मरकुस 16:9-11)
11पर मरियम रोवती हुई मरघट्टी को जवर च बाहेर उभी रही, अना रोवती-रोवती मरघट्टी को कन नवके, 12दुई सरगदूत ला पाढरो कपरा घालयो हुयो एक ला मुंडेसा अना दुसरो ला पैताना मा बस्यो चोयी, जिता यीसु को लास राखी होतीन। 13उनना ओकोलक कहीन अवो बायका तु काय ला रोवासेस?
ओना उनलक कहीस, वय मोरो पिरभू ला उचलके ले गईन, अना मोला मालूम नहात की ओला किता राखीसेत?
14यो कही अना वा यीसु ला उभो चोयी, पर वा नही वोरख सकी का उ यीसु आय। 15यीसु ना ओला कहीस, अवो बाई तु काय लाय रोवासेस कोन ला ढुढासे?
ओना माली समजके ओला कहीस, हे पिरभू अदी तु ना ओला उचल लेइसेस। तो मोला सांग ओला किता राखीसेस अना मि ओला ले जा? 16यीसु ना ओला कहीस, मरियम! ओना मंघा मुरकके ओला इबरानी मा कहिस “हे गुरु”
17यीसु ना कहीस, मोला नोको छुवस। काहेकि मि अबा तकन बाबूजी को जवर वरता नही गयो, पर मोरो भाऊ को जवर जावके उन लक सांग दे, की मि आपरो बाबूजी अना तुमरो बाबूजी अना आपरो परमेस्वर अना तुम्हरो परमेस्वर को जवर वरता जावासु।
18मरियम मगदलीनी ना जायके चेलागीन चेला गीनला साँगिस, मिना पिरभू ला चोवीसेऊ, अना ओना मोला यो गोस्टी कहीस।
चेलागीन ला चोवनो
(मत्ती 28:16-20; मरकुस 16:14-18; लूका 24:36-49)
19ओनो दिवस जोन हप्ता को पहेलो दिवस होतो, झुलाखाली को बेरा जबा उता को बेसकुड़ जिता चेला होतीन, यहूदिगीन को भेव को मारे बंद होतो। तबा यीसु आयो अना उनको बीच मा उभो होयके उनलक कहीस, “तुमला सान्ती मिलहे।” 20अना यो सांग के ओना आपरो हात अना आपरो पंजर उनला चोवायो तबा चेलागीन पिरभू ला चोवके खुसी लक भय गईन। 21यीसु ना मँग उनलक कहीस, “तुमला सान्ती मिलहे। जसो बाबूजी ना मोला धाड़ीसेस, वसो ही मि भी तुमला धाड़िसेउ।” 22यो साँगके ओना उन पर फुकिस। अना उन लक कहीस, “पवीतर आतमा लेव। 23जिनको पाप तुमी छिमा करो वो उनको लाई छिमा कियो जाहे। जिनला तुमी राखसेव वय राखो गईसेत।”
थोमा ला चोवनो
24पर बारा मा लक एक मजे थोमा जोन दिदमुस कहलावासे। जबा यीसु आयो ता उनको सँग नही होतो। 25जबा चेलागीन ओको लक कव्हन लागीन, हमी ना पिरभू ला चोवीसेजन, तबा ओना उन लक कहीस,
जबा तकन मि ओको हात मा खिल्ला का छेद न चोय लुँ, अना खिल्लो को छेद मा आपरी वोट ना डाक लुँ, अना ओको छेद मा आपरो हात न डाख लु, तबा तकन मि भरोसा नही करुँ।
26आठ दिवस को मंघा ओको चेलागिन मंग घर को भीतर आइन, अना थोमा उनको सँग होतो। अना किवाड़ बँद होतीन। तबा यीसु आयो अना उनको बीच मा उभो होयके कहीस, तुमला सान्ती मिलहे। 27तबा ओना थोमा लक कहीस, आपरी बोट इता आनके मोरो हात ला चोय। अना आपरो हात आनके मोरो छेद मा डाक। अना अबिस्वासी नोको पर बिस्वास करन वालो बन।
28यो आयक के थोमा ना जवाब देइस। हे मोरो, पिरभू हे मोरो परमेस्वर।
29यीसु ना ओला कहीस, “तु ना मोला चोवीसेस एको लाई भरोसा करसेस, धन्य सेत वय जेने मोला बिन चोय भरोसा करासेत।”
यो पुस्तक को मकसद
30यीसु ना अखीन लगत सा निसान चेला को पुढा चोवाईस। जोन यो किताब मा लिखयो नही गई सेत। 31पर एको कारन लक लिखी गई से की तुमी लोकगीन भरोसा करो, की यीसु जोन से उ परमेस्वर को धाड़ो गयो से। अना कव्हनो मा मसीह से। अना ओको नाव मा भरोसा करनो लक जीवन मिलासे।
The New Testament in Powari Language © The Word for the World International and Powari Madhya Pradesh, 2023.
