IPEKULU Kilethitsa
Kilethitsa
Ipekulu kaku hipau lono Israelmi xüghili pipüa tsüae—Israelmi no Egypt lo aqüaxemi shicheke lono “Ipeghilu keu.” Kaku hipau ye kikije küthü shi ani:
(1) Hebrewmi aqüaxe lono ipeghikulu lono wo Sinai Toghi kutolo wukeu.
(2) Sinai lo Alhouw timiqo ghenguno Puloshoqhi panonguw xüpivi küxü lo, aqoaho küxü lo, eno achine yezahqo lo kishi xümasa keno tsüe.
(3) Israelmi kümlla-a jukivishi mlakeu, eno Alhou mllani ke achinemi ghenguno ayezahqo.
Kümtsü nguno alau Alhou no kiu kishi mla keno kaku hipau lono pitsü ani, aqüaxe lono Pa no Paw timiqo kuqhophe no ighini keu lo shiye lajupu alu peke.
Kaku hipau lo Moses ghili no akhotoshi pitsü ani, Alhou no pa pelo Israelmi sakipheu shi penike kishelue. Kaku hipau lo kümtsü nhethe lo akeu ye akiyedo 20 lo Azah Chighi no akhotoshi ithulu nani.
Kaku kimji: Israelmi no kishi Egyptmi launo kuqhokiphe ithulu eno shiye pekholupe keno yekithitsu keu.
Khuu no ye kea: Moses.
Kughono ye kea: B.C. 1450-1410 Bothubo yekeu mpe qhauno.
The Bible Society of India
© 2023, Used by permission. All rights reserved. More