मर्कुस पेज्याइ ङोःसी
पेज्याइ ङोःसी
दी याःबु लेःङ्गोइ पेज्याला मर्कुसकीइ एःन्डुले प्रुःदी छुदी एः, “दीखो कोन्ज्योइ पुः येशु ख्रीष्टकीइ बारेला याःबु लेःङ्गो इःङे।” दी याःबु लेःङ्गोला येशु ख्रीष्टकीइ पेःक्योक लेःगा ओःले खुङगीइ आङ्ज्याइ बारेला प्रुःदी एः। खुङ आङ्ज्या ज्योर्क्योक मीः इःङे लाःकेन ताम खुङगीइ लोप्कासुना, हेन्डीक्या तेङ्गासुना ओःले मीःक्याइ तीःक्पाक्या क्षमा पेःतेर्कासुना थोङ्गुए। येशुइ मीःक्याला खुङक्याइ तीःक्पाक्यालाःम्ले थार्च्युजेला राःङगीइ मीःली तेर्चेला ओःङ्क्योक “मीःइ पुः” लाःती राःङगीइ बारेला लाःती एः।
दी पेज्याला मर्कुसकीइ येशुइ लाःक्योक ताम ओःले खुङगीइ लोप्क्योक तामला भन्दाङ खुङगीइ पेःक्योक लेःगाक्याला माःङ्बु सेम तेर्ती प्रुःदी एः। बप्तीस्मा तेर्केन युहन्ना, येशुइ बप्तीस्मा लेःङ्क्योक ओःले खुङगीइ परीक्षाइ बारेला तीबी रेःरे प्रुःमीःजीक मर्कुसकीइ येशुइ मीःक्याला टाःच्युक्योक ओःले मीःक्याला लोप्क्योककीइ बारेला प्रुःदी एः। तीःजी डोदेरा पेःगासुना, खुङगीइ योबाक्याइ खुङला ताःरुङ माःङ्बु याःबुले ङोःसेसी, इःनाङ खुङगीइ वीरोधीक्यादी खुङ ङीमु ताःरुङ माःङ्बु टाःलाङ पेःगाला स्युःसी। दी पेज्याइ तीङ्लादी येशुइ तीङगीइ ङीःमाक्याइ बारेला प्रुःदी एः; खुङला क्रुसला प्याङ्दी सेक्योक ओःले खुङ फीर्च्या सीक्योकलाःम्ले सोम्बो काःल्क्योककीइ बारेला प्रुःदी एः।
थीमी सुची
याःबु लेःङ्गो छुक्योक १:१-१३
येशुइ गालीलला पेःक्योक लेःक्याक्या १:१४–९:५०
गालीलमीःजीक यरुशलेमथुप १०:१-५२
यरुशलेमला तीङगीइ हप्ता ११:१–१५:४७
येशु सीक्योकलाःम्ले सेन्क्योक १६:१-८
सेन्मीःजीक येशु फीर्च्या थोङ्क्योक ओःले नाःम्खालीङला काःल्क्योक १६:९-२०
© 2024 (Active), Wycliffe Bible Translators, Inc. All rights reserved.