Dibandu 36
36
Esau utsana etsani o bulongu buEdom
1Ababa la bategula baEsau, diina diandi disusu Edom. 2Esau amawela bagatsi bandi o Canaan: Ada muana mugetu uElon muisi Hitt; na Oholibama muana mugetu uAna muana mugetu uSibeon muisi Hevie. 3Na Basmat muana mugetu uIsmael yibusi yiNebayot. 4Ada amaburila Esau Elifaz; Basmat amabura Reouel; Oholibama amabura Yeouch na Yalam na Cora. 5Amana miina mabaana bababaala baEsau, abamaburulu o bulongu buCanaan.
6Esau amabonga bagatsi bandi na baana bandi bababaala na babagetu na bisi ndagu andi botsu na migamba miandi na biruitsi biandi na biotsu abi amadilila o bulongu buCanaan, amawenda o dilongu disusu vala na muana nguji andi Jacob. 7Diwendi rie: busina buogu bumaviolila ufuna, adina dimabagandisa utsana va mosi, mbura aji bamatsaninanga jisamaba jiwelimina na jogu botsu mu diambu dimigamba miogu. 8Kabogu Esau amatsana o mukongu uSeir. Diina disusu diEsau, Edom.
Bategula baEsau
9Ababa la bategula baEsau, abamaba bisi Edom abamaburulu o julu mukongu uSeir. 10Miina mabaana bababaala baEsau amama: Elifaz muana dibaala uAda mugatsi uEsau; na Reouel muana dibaala uBasmat mugatsi uEsau.
11Miina mabaana bababaala baElifaz amama: Teman, na Omar na Sefo na Gatam na Quenaz. 12Timna amaba mugatsi uElifaz muana dibaala uEsau.
13Miina mabaana bababaala baReouel amama: Nahat na Zera na Chamma na Miza; abana la baana bababaala baBasmat mugatsi uEsau. 14Amama la miina mabaana bababaala baOholibama muana mugetu uAna muana mugetu uSibeon mugatsi uEsau jandi amamuburila Yeouch na Yalam na Cora.
15Amama la miina mabasefu babifumba bibaana bababaala baEsau. Amama la miina mabaana bababaala baElifaz agumaba tsomi Esau: sefu Teman na sefu Omar na sefu Sefo na sefu Quenaz, 16na sefu Cora na sefu Gatam na sefu Amalec. Amana la miina mabasefu abamaburu na Elifaz o bulongu buEdom. Jogu bavu baana bababaala baAda.
17Amama la miina mabaana bababaala baReouel muana dibaala uEsau: sefu Nahat na sefu Zera na sefu Chamma na sefu Miza: Amama la miina mabasefu abamaburu na Reouel o bulongu buEdom. Abana bavu baana bababaala baBasmat mugatsi uEsau.
18Amama la miina mabaana bababaala baOholibama mugatsi uEsau: sefu Yeouch na sefu Yalam na sefu Cora. Amama la miina mabasefu abamaburu na Oholibama muana mugetu uAna mugatsi uEsau.
19Amana la miina mabaana bababaala baEsau na abana la basefu bogu babifumba. Diina disusu diEsau Edom.
20Amama la miina mabaana bababaala baSeir muisi Hori; baHori bamarela utsana o bulongu bueni: Lotan na Chobal na Sibeon na Ana, 21na Dichon na Esser na Dichan. Abana la basefu baHori abamaba baana bababaala baSeir o bulongu buEdom. 22Miina mabaana baLotan amama: Hori na Hemam. Yibusi yiLotan diina diandi Timna. 23Miina mabaana bababaala baChobal amama: Alvan na Manahat na Ebal na Chefo na Onam. 24Miina mabaana bababaala baSibeon amama: Aya na Ana. Ana eni agumasupulila bileka bimamba mamuji o kumu ava amakelisilanga baburu bataji andi Sibeon. 25Miina mabaana baAna amama: Dichan na Oholibama muana mugetu uAna. 26Miina mabaana bababaala baDichan amama: Hemdan na Echeban na Itran na Keran. 27Miina mabaana bababaala baEsser amama: Bilehan na Zavan na Acan. 28Miina mabaana bababaala baDichan amama: Ous na Aran.
29Miina mabasefu baHori amama: sefu Lotan na sefu Chobal na sefu Sibeon na sefu Ana; 30na sefu Dichon na sefu Esser na sefu Dichan. Amama la miina mabasefu baHori, basefu abamabanganga o bulongu buSeir.
31Amama la miina mabakaga abamaruma o bulongu buEdom nesi vakalabana abamaruma o bulongu buIsrael. 32Bela muana dibaala uBeor amarumanga bulongu buEdom; diina dimusiengi andi dimaba Dinaba. 33Bela amafu; Yobab muana dibaala uZera muisi Bosra amaruma va yivinga yiandi. 34Yobab amafu; Houcham muisi bulongu buTeman amaruma va yivinga yiandi. 35Houcham amafu; Hadad muana dibaala uBedad amaruma va yivinga yiandi, jandi agumabetsa bisi Madian o musiru uMoab. Diina dimusiengi andi dimaba Avit. 36Hadad amafu; Samba muisi Masreca amaruma va yivinga yiandi. 37Samba amafu; Saul muisi Rehobot adimaba va mugula mujamba amaruma va yivinga yiandi. 38Saul amafu; Baal-Hanan muana dibaala uAkbor amaruma va yivinga yiandi. 39Baal-Hanan muana dibaala uAkbor amafu; Hadar amaruma va yivinga yiandi, diina dimusiengi andi dimaba Paou; na diina dimugatsi andi Metabeel muana mugetu uMatred muana mugetu uMe-Zahad.
40Amama la miina mabasefu abamaburu na Esau na bukulu bubifumba biogu na malongu na miina mogu amama: sefu Timna na sefu Alva na sefu Yetet, 41na sefu Oholibama na sefu Ela na sefu Pinon, 42na sefu Quenaz na sefu Teman na sefu Mibsar, 43na sefu Magdiel na sefu Iram. Amama la miina mabasefu baEdom na malongu mogu ama bamadilanga. Aguna la Esau agumabura bisi Edom.
La sainte Bible en langue Yipunu © Alliance Biblique du Cameroun, 1992.
