Kenesis 33
33
1Im Iēkob yīmelagkx mō mokesi, im pah, Iso yumprokovelum, mōveteme fōr hunder dal iyi; miyi yetevafegi gi ōvun nĭtnĭme, mō movugi Lia nugkon, ĭm Rētyel, mōvasiven torugat en dūrū sugkū. 2Miyi yetipe ovasiven torugat worōbūm mōvun nĭtnĭme en irora, ĭm Lia mōvun nĭtnĭme eni ĭlebōteven, ĭm Rētyel ĭm Yōsef kitanda sū.
3Miyi mori yōbūm iranda mō ĭmtampūp nĭmpugon seven mafeli nĭmpugon iyi yumpotipot avĭnsī eni. 4Im Iso yalō worevetĭt iran mō malekep iran, mō momol ra nōwan eni, 5mō ĭm sūgū iran, mō mageri; miyi yĭmelagkx mō mokes‐ōra ōvasiven mōvun nalalx; miyi yenūwi memokū, Irora‐mō enugkĭk kū? Im Iēkob yŭn?-?tamsĭ memokū, Ovun nĭtnĭme mori Nōbū yovoyx lĭvsx enugkĭk ugi numpeleves eni.
6Mōvasiven torugat dumpotipot, irora movun nĭtnĭme en irora, mō mūtelasep. 7Im Lia yumpotipot mōvun nĭtnĭme eni, mirora dūtelasep; penūri Yōsēf ĭm Rētyel dumpotĭpot mō mūtelasep.
8Miyi yōmenūwi memokū, Imō sĭmsĭmak mori yx mevetĭt en tiē? Miyi yĭmtamsi memokū, Worevī‐yx?-?eves ra nĭpmi eni narisah enyx. 9Im Iso yenūwi memokū, Avūgsī, ya kum mantipe nōetē tamas enyx, vī nĭsekom enugkĭk.
10Im Iēkob yōmenūwĭ memokū, Eyi, ya kūm magkū, nagkū kĭk emagkū worevī‐yx‐eves, vī ĭtemas enyx, ĭt ya okesi nĭmtum sugkū nagkū nĭpmi eni Nōbū, ĭm kĭmnakī‐woko‐yx. 11Vī maroko‐yx, ya kum nakīug‐kĭk, ītemas mori enyx okevelum pug kĭk, popōwo Nōbū yivīeves yx, ĭm popōwo ya kum mantipe enyx tamas; 12iyi yūrūn‐tagkeli iyi worevī, miyi okevī, mō menūwi memokū, kos mavan, kos mampe, ĭm ya ampum.
13Miyi yōmenūwi memokū, Narisah enyx, kĭk emagkili imō, Ovun nĭtūgeme ĭteivrok, mōvun sĭmsĭmak ūtandio?-?kumpōk, ĭm nagkū irōra woretīen‐tanda ĭtnum sī en dan, sĭmsĭmak omwi sū wamas. 14Aremī Narisah enyx ampe worōbūm lĭvsx eni, ĭm ya ontōr‐ōra ūremis ugi horog en irora, mugi horog en irora ōvun nĭtūgeme, mafeli nĭmpugon ya ampelum pugi narisah enyx ra Sier.
15Im Iso yōmenūwi memokū, Aremi yx worōwi punok nugkon ra irora ūndū yx, ov netevokontū enyx. Miyi yōmenūwi memokū, Irantiē: aremī kĭk ampī‐yx‐eves wokon, Narisah enyx.
16Im Iso yĭmtorĭleki ran dan mori woreve ra Sier. 17Im Iēkob yōmavan ra Sukōt, mō mumpi nimō nĭsekon, mō mumpi ōvun ūvrok nĭsekonda, ōvun nūrah eni; popōwo pe sugkū iyi yatov nin nūrū mori memoku, Ovun ūvrok.
18Im Iēkob yōĭmpe ra Salem ūntĭmne eni Sikem ra nūrū Kēnan, ra nĭmpugon mori yumprokovelum yĭmnē ra Padanaram miyi yĭmetipe ōvun tent eni ra nokoren ūntĭmne. 19Miyi yivasĭgi nūrū mori iyūi yĭpmetipe tent eni; mori ōvun nĭtnĭme eni Hēmor, ĭtemen eni Sikem, yivasi pugi, 20mō movugi nĭpmi kesitah wun hunder; miyi yumpi nefati iyūi mō mōvrugi ra nokoren‐e‐pe memokū, Nōbū, Nōbū eni Isrēel.
Published by the British and Foreign Bible Society: Genesis in 1914, and Ruth in 1932.
