Kutachika 10
10
Nyunza yanyana kaNowa
1Yeniyi diyi nsaŋu yawanyana kaNowa muyavwalikililuwu, aShemi naHami naYafweta; kudi wena kwavwalikili anyana amayala chidahitili dibaji.
Munza waYafweta
2Anyana kaYafweta amayala; Goma, Magogi, Madayi, Yavani, Tubali, Mesheki, niTirasi.
3Anyana kaGoma amayala; iwu Ashikenazi, iwu Rifwata, iwu Togama.
4Anyana kaYavani amayala; iwu Elisha, iwu Tarashishi, iwu Kitimi, iwu Dodanimi.
5Mpata janyunza jakuchikumu chakaluŋalwiji ajambwili kudi wowenawa, hampata jawu, hampata jawu, iwu nedimi dindi, iwu nedimi dindi, mwahita yisaka yawu ninyunza yawu.
Munza waHami
6Anyana kaHami amayala; iwu Kushi, iwu Mizaremi, iwu Puta, iwu Kenani.
7Anyana kaKushi amayala; iwu Seba, iwu Havila, iwu Sabeta, iwu Rama, iwu Sabateka; anyana kaRama amayala; iwu Sheba, iwu Dedani.
8Kushi wavweli Nimirodi, watachikili kutiyakana nankashi hamaseki.
9Yena wadiŋi chibinda wasweja kwasa kumesu aYehova; dichi chahoshaŋawu nawu, neyi chadiŋiyi Nimirodi chibinda wasweja kwasa kumesu aYehova.
10 #
11:9
KuBabeli, kuEreki, kuAkadi, nikuKalane kwokwatachikilili wanta windi, mwomwituŋa daShinari.
11Yofuma nimwituŋa dina, hakuya nimuAshuri, hakutuŋa #Yona 1:2niNiniva, niRehobota Ira, niKala,
12niReseni mukachi kaNiniva naKala, diwu mukala weneni.
13Mizaremi wavweli niaLudi, niaAnami, niaLehabi, niaNafwatuhi,
14niaPatarusi, niaKasaluhi, kwoku kwafuminuwu aFwilistinu, niaKafwatori.
15Kenani wavweli Sidoni mwanindi wawedi, niaHiti;
16aYebusi, aAmori, aGirigashi;
17aHivi, aAriki, aSini;
18aAravadi, aZemari, niaHamati. Henaha aKenani apalaŋeni mwejima, hayisaka, hayisaka.
19Ŋinza yawaKenani yadiŋi kufumisha kuSidoni, neyi wukuya kuGera, nakushika kuGaza; neyi wukuya kuSodoma naGomora, naAdima, naZeboyimi, nakushika kuLasha.
20Wenawa diwu anyana kaHami, hayisaka yawu, hayisaka yawu, mwahita nimadimi awu, mwatuŋilawu nimpata jawu, mwekala ninyunza yawu.
Munza waShemi
21Nikudi Shemi, yowu tata yawanyana kaEberu ejima, yowu mukulumpi waYafweta, kwavwalikili anyana nikwena.
22Diwu anyana kaShemi amayala; Elami, Ashuri, Arapashadi, Ludi, niArami.
23Anyana kaArami amayala, Uzi, Hula, Geteri, niMasha.
24Arapashadi wavweli Shela; Shela wavweli Eberu.
25Kudi Eberu kwavwalikili anyana amayala ayedi, ijina dawumu diyi Pelegi, muloŋa hadiŋiyi dihaambukilili iseki; ijina damanakwindi diyi Yokitani.
26Yokitani wavweli Alimodadi, Shelefwa, Hazamavweta, Yera;
27Hadorama, Uzali, Dikila;
28Obali, Abimayeli, Sheba,
29Ofwira, Havila, niYobabi; wenawa wejima wawu adiŋi anyana kaYokitani.
30Kwashakaminuwu kwadiŋi kwakufuma kuMesha nakushika kuSefwari, mpidi yakumusela.
31Wenawa diwu anyana kaShemi amayala, hayisaka yawu, hayisaka yawu, mwahita nimadimi awu, nimpata jawu, mwekala ninyunza yawu.
32Yeniyi diyi yisaka yawanyana kaNowa, mwavwalikililuwu, munyunza yawu, munyunza yawu; kudi wenawa kwoku kwadambwilili nyunza yawantu hamaseki chahitili dibaji.
The Holy Bible in Lunda Ndembu © United Bible Societies, 2003.