Kəfwaʼ Tow wə aghəə
Tow wə aghəə
À wən loʼ màʼlə kə fwaʼ kə ngəd tə Klisto. À tɔ̀ɔ Lukas màʼlə kə fwaʼ kə ngəd tə Klisto kən. Tə â tɔ̀ɔ màʼlə kən tə̀ wù nii wən ghə tɔŋŋə nə̀ à loʼ Tiofilos. À loʼ soʼo wi tə â tɔɔnə màʼlə kə Lukas kə. Tə â ləghə nə̀ ghə̂ a tɔʼ keeli tsu nghee dzəŋi kə dzûmə tə Klisto kə â kaʼ tsu tii nsə nghee kə zaamə shi ndownə. Màʼlə kən dii bə fwaʼ key ngəd tə Klisto tə â fwaʼnə nə̀ à loʼ Zay kə Zow kə, kə fuunə ghə n daʼa kə, sey nə̀, ghə i loʼ ni naʼa tûm i dzuŋu zən nə̀ ghə kaʼ nuu bə n Yerosalem, ndow n Judeya, tsəghə ndow n Samaria, ndow taa ndow n bow tə mbi tən tədzəm. À wən loʼ zəzəə fə dzəŋi kə dzûmə tə Klisto, dzəŋi key ghə â səd tsu n fəŋŋə kə ghə̂ a Təjuu, kə n nuu daŋŋə bə, bə mɔm kaabə bə mbi idzəm.
Saa loʼnu ni dzawwə tsu màʼlə kən nə ubad utəghə ni dii bə nghee tûm i dzuŋu i Yeso zə â bwey ngəə tsəghə bənə mbi tii.
1- Nghee ghə â səd tsunə dzəŋi kə dzûmə tə Klisto kə tii n Yerosalem nə̀ Yeso n nuu kɔʼ ndow idəŋ.
2- Nghee ghə â zaamə shi ndownə dzəŋi kən n mboʼo Palestan.
3- Nghee dzəŋi kə tii kə dow shi ndownə, ndow taa ndow n mboʼo Mediterinien n luʼu key Roma loʼnə ti.
Ghə i səŋi zey i loʼnə fa n màʼlə kən loʼ fwaʼ kə Zay kə Zow kə nghee kə bəghənə n daʼa kə, bə fuu tsu ngəd tə Klisto n daʼa n Yerosalem n tsuʼ fey ghə â zəənə zə̂ kə Pentikɔs kə.
Jìi zey ghə bayyə naŋanə ghəə ghə n màʼlə kən
Ghə bayyə nghee ghə khə ni shi naʼa tûm i dzuŋu i tii zə n Yerosalem 1.1-26
Nghee ghə â naʼa tûm i dzuŋu zə a tii n Yerosalem 2.1–8.3
Nghee ghə â naʼa tûm i dzuŋu zə a tii n Judeya nsə n Samaria 8.4–12.25
Fwaʼ kə Pɔl 13.1–28.31
© 2022 CABTAL