मत्ती 1
1
यीशु दी पीढ़ी
(लूका 3:23-38)
1अब्राहम दी औलाद, दाऊद दी औलाद, यीशु मसीह दा खानदान 2अब्राहम थमां इसहाक, इसहाक थमां याकूब, याकूब थमां यहूदा ते ओसदे प्रा पैदा ओए, 3यहूदा ते तामार थमां पेरेस ते जोरह पैदा ओए, पेरेस थमां हिस्रोन ते हिस्रोन थमां एराम, 4एराम थमां अम्मीनादाब, अम्मीनादाब थमां नहशोन ते नहशोन थमां सलमोन। 5सलमोन ते राहब थमां बोआज, बोआज ते रुत थमां ओबेद, ते ओबेद थमां यिशै, 6ते यिशै थमां दाऊद राजा।
ते दाऊद थमां सुलैमान ओस जनानी थमां जमया जेड़ी पैलैं उरिय्याह दी करेआली ही। 7सुलैमान थमां रहबाम, रहबाम थमां अबिय्याह, ते अबिय्याह थमां आसा जमया, 8आसा थमां यहोशाफात, यहोशाफात थमां योराम, ते योराम थमां उज्जियाह, 9उज्जियाह थमां योताम, योताम थमां आहाज, ते आहाज थमां हिजकिय्याह, 10हिजकिय्याह थमां मनश्शे, मनश्शे थमां आमोन, ते आमोन थमां योशिय्याह; 11ते बंधी ओईयै बेबीलोन जाने दे बेलै कोलां पैलैं योशिय्याह थमां यकुन्याह, ते ओसदे प्रा पैदा ओए।
12बंधी ओईयै बेबीलोन पूजी जाने दे बाद यकुन्याह थमां शालतिएल, ते शालतिएल थमां जरुब्बाबेल, 13जरुब्बाबेल थमां अबीहूद, अबीहूद थमां इल्याकीम ते इल्याकीम थमां अजोर, 14अजोर थमां सदोक, सदोक थमां अखीम, ते अखीम थमां इलीहूद, 15इलीहूद थमां इलियाजर, इलियाजर थमां मत्तान, ते मत्तान थमां याकूब, 16याकूब थमां युसूफ, जेड़ा मरियम दा करेआला हा, ते मरियम थमां यीशु जिसी मसीह आखया जंदा ऐ, जमया। 17एस चाली अब्राहम थमां दाऊद तकर चौदां पीडीयां ओईयां, ते दाऊद थमां बेबीलोन गी बंधी ओईयै पज्जाए जाने तकर चौदां पीडीयां, ते बंधी ओईयै बाबुल गी पज्जाए जाने दे बेलै थमां मसीह तकर चौदां पीडीयां ओईयां।
यीशु दा जन्म
(लूका 1:26-38; 2:1-7)
18यीशु मसीह दा जन्म एस चाली ओया, के जेसलै ओसदी मां मरियम दी कड़माई युसूफ कन्ने ओई, तां उंदे किट्ठे ओंने थमां पैलैं ओ पवित्र आत्मा दी सामर्थ कन्ने गर्भवती ओई गेई। 19पर ओसदा करेआला युसूफ जेड़ा तरमी हा ते उसी बदनाम करना नेई चांदा हा, उसी ओनें चोप्प-चाप शुड़ने दा वचार कित्ता। 20जेसलै ओ इनें गल्लें दे बारै सोचें च गै हा तां प्रभु दा सोर्गदूत उसी सुखनें च लबया ते उसी आखन लगया, “ए युसूफ! दाऊद दी औलाद, तू अपनी करेआली मरियम गी अपने इत्थैं आनने आसतै मत डर, किके जेड़ा ओदे गर्भ च ऐ, ओ पवित्र आत्मा थमां ऐ।” 21ओ पुत्तर जमग, ते तू ओसदा नां यीशु रखयां, किके ओ अपने लोकें गी उन्दे पापें थमां उद्धार देग।
22ए सब केछ एस आसतै ओया के जेड़ा वचन प्रभु ने पविखवक्ता थमां आखे दा हा, ओ पूरा ओई जा; 23“दिखो एक कुंआरी गर्भवती ओग ते एक जागत जमग, ते ओसदा नां इम्मानुएल रखया जाग, जेसदा मतबल ऐ परमेसर साड़े कन्ने।” 24ओस बेलै युसूफ निंद्रे थमां बिजियै प्रभु दे सोर्गदूत दे आखने थमां अपनी करेआली गी अपने इत्थैं लेई आया; 25ते जेलै तकर ओ जागत नेई जमी ओलै तकर ओ ओदे कोल नेई गीया ते ओसदा नां यीशु रखया।
This work is licensed under Creative Commons Attribution-ShareAlike 4.0 License.
