Matewu 6
6
Ta kunyika svisiwana
1 # Vona ni: Mat. 23:5. Tivoneleni lesvaku mingayendli timfanelo ta n'wina ta kunyika svisiwana mahlweni ka vanhu na miyendlela kuvoniwa hi vanhu; loko miyendlisa svosvo, amingayikumi hakelo ka Tatana wa n'wina lweyi anga matilweni.
Ta lesvi hifanelaka kunyikisa svona svisiwana
2Hikolaho-ke, loko unyika svisiwana, ungatshuki uhuwelela kumbe kutivisa hi mhalamhala kufana ni lesvi vakanganyisi vasviyendlaka masinagogeni ni le tindleleni, lesvaku vatadzunisiwa hi vanhu. Nitiyisile nili ka n'wina: Hakelo ya vona vayikumile. 3Kambe wena, loko unyika svisiwana, voko ra wena ra ximantsi ringatshuki ritiva lesviyendliwaka hi le ra xinene, 4lesvaku kunyika ka wena kuyendleka xihundleni; kutani Tatana wa wena lweyi avonaka xihundleni, hi yena lweyi angatakuhakela.
Ta makhongelela
5 # Vona ni: Luk. 18:10-14. Nasvona loko mikhongela, mingafaneni ni vakanganyisi; hikuva vona varhandza kukhongela na vayimile masinagogeni ni le mahlanganwini ya tindlela, lesvaku vatavoniwa hi vanhu. Nitiyisile nili ka n'wina: Hakelo ya vona se vayikumile. 6Kambe wena loko ukhongela, nghena ndlwini ya wena; kutaku loko upfalile xipfalu, khongela Tatana wa wena lweyi anga xihundleni, kutani Tatana wa wena lweyi avonaka xihundleni atakuhakela. 7“Loko mikhongela, mingaphindhaphindheni marito kufana ni vamatiko, hikuva vapimisa lesvaku hi kutata marito vatayingisiwa.” 8Mingatshukeni mifana na vona, hikuva Tatana wa n'wina ativa lesvi misvipfumalaka na mingasikombela.
Xikhongelo xa Hosi
(Luka 11:24)
9N'wina-ke, khongelani hi ndlela leyi, miku:
“Tatana wa hina lweyi anga matilweni, vito ra wena arihlawuleke;”
10“akute kufuma ka wena;
kurhandza ka wena akuyendliwe misaveni,
tani hi loko kuyendliwa tilweni. 11Uhinyika namuntlha svakuja sva hina sva siku rin'wana ni rin'wana;”
12“uhirivalela svijoho sva hina, tani hi loko na hina hirivalela
lava vahijohelaka;”
13ungahitshiki hiwela amiringweni,
kambe hiponise ka lesvobiha,
[hikuva kufuma, ni matimba, ni kutwala,
i sva wena hi masiku ni masiku. Amen.]#6:13 Van'wana avatsalanga marito lawa.
14 # Vona ni: Mar. 11:25-26. Loko mirivalela vanhu svijoho sva vona, Tatana wa n'wina wa le tilweni atamirivalela na n'wina; 15kambe loko mingarivaleli van'wana, Tatana wa n'wina na yena angakala angamirivaleli svijoho sva n'wina.
Ta kutitsona
16Loko mititsona svakuja, mingasiqeni kufana ni vakanganyisi, lavasiqaka vaku vatavoniwa hi vanhu lesvaku va le kutitsoneni ka svakuja. Nitiyisile nili ka n'wina: Hakelo ya vona vayikumile. 17Kambe wena, loko utitsona svakuja, tota nhloko ya wena hi mafurha, uhlamba ni nghohe; 18akuva ungavoneki ka vanhu lesvaku u le kutitsoneni ka svakuja, kambe utavoniwa hi Tatana wa wena lweyi anga kona xihundleni; kutani Tatana wa wena lweyi avonaka xihundleni, atakuhakela.
Ta kutihlengeletela rifuwo tilweni
(Luka 12:33-34)
19 # Vona ni: Yak. 5:2-3. Mingatihlengeleteleni rifuwo misaveni, laha tinsumba ni kukurha svijaka kona, ni laha makamba maboxaka kona, mayiva. 20Kambe tihlengeleteleni rifuwo tilweni, laha tinsumba ni kukurha svingajiki kona, ni laha makamba mangaboxiki kona mayiva. 21Hikuva laha rifuwo ra wena ringa kona, hilaha mbilu ya wena na yona yingatava kona.
Ta rivoni ra miri
(Luka 11:34-36)
22Rivoni ra miri i tihlo; hikolaho, loko mahlo ya wena mali manene, miri wa wena hinkwawu wutava kuvonakaleni. 23Kambe loko mahlo ya wena mangalulamanga, miri hinkwawu wa wena wutava munyameni. Kutani-ke, loko kuvonakala lokunga ka wena kuli munyama, munyama wakona wutava lowukulu ngopfu!
Ta kutirhela tihosi timbirhi
(Luka 16:13)
24Aku na munhu lweyi angakotaka kutirhela tihosi timbirhi; hikuva atavenga yin'we, arhandza leyin'wana. Mingekoti kutirhela Xikwembu na Mamona.
Ta kuvilela ni kukanakana
(Luka 12:22-31)
25Hikolaho ninge ka n'wina: Mingatshukeni mivilela hi sva vutomi bza n'wina lesvaku mitaja yini kumbe mitanwa yini, hambi kuli kuvilela hi sva miri wa n'wina lesvaku mitayambala yini. Xana vutomi bza n'wina abzitluli svakuja ke? Na wona miri awutluli sviyambalu? 26Langutani tinyanyana letihahaka mpfhukeni: Atibzali, atitshoveli, atihlengeleti nchumu tshaleni, hikuva Tatana wa n'wina wa le tilweni watiphamela; xana n'wina amititluli ngopfu hi risima ke? 27Xana i mani ka n'wina lweyi angayengetelaka nkarhinyana wuli wun'we ka ntsengo wa malembe ya yena, kumbe lweyi angayengeteleka xisungunhu#6:27 Xisungunhu: mpimo wa khale wopima kuleha, wuringanaka 0,66 mm angakusukela ka xisungunhu kufika ka xiyandla. xili xin'we ka xiyimu xa yena hi kuvilela ka yena ke?
28Ni loko svili sviyambalu, mivilela ha yini-ke? Xiyani ndlela leyi sviluva sva nhova lesvi vange i makhon'wa svikulaka ha yona: Asvitirhi, asviluki; 29kambe namibzela lesvaku hambi ali Solomoni akudzunisekeni ka yena hinkwaku, angayambalanga tani hi xin'wana xa svona. 30Kutani lesvi Xikwembu xiyambexaka hi ndlela leyi abzanyi bza nhova lebzinga kona namuntlha, kambe mundzuku bzihoxiwa ndzilweni, xana axingemiyambexi kutlulisa svosvo, n'wina vanhu va kupfumela lokutsongo ke? 31“Hikolaho-ke mingavileleni miku: ‘Xana hitaja yini?’ Kumbe: ‘Hitanwa yini?’ Kumbe: ‘Hitayambala yini ke?’” 32Hikuva svilo svosvo hinkwasvu svilaviwa hi vamatiko; kutani Tatana wa n'wina wa le tilweni wasvitiva lesvaku svilo lesvo hinkwasvu masvipfumala. 33Rhangani mitilavela Mfumu wa yena ni kululama ka wona, kutani svosvo hinkwasvu mitayengeteliwa svona. 34Hikolaho-ke, mingatshukeni mivilela hi sva mundzuku hikuva mundzuku atatikarhatela sva yena. Kukarhateka ka siku rin'wana ni rin'wana kuringana siku rakona.
Novo Testamento Changana © Bible Society of Mozambique, 2014.
