Luka MATA DUBBII
MATA DUBBII
Kitaabi Luka aka Yesoni baafama Israelitiifi ka nama ch'ufa garsiisa. Lukani aka Lubbuuni Aabbo, Yeso yaamte Odu Dansa hiyyeeyi barsiisi jetteeni t'aafe, ammalle aka kitaabi kunini waan nami fed'u ch'ufa qabu garsiise. Gammadi guddo kitaaba kana keesati mullate, keesuma boqata qara ka waan d'ufiisa Yeso himufi dubbi buufata ta aka Yesoni olgale himtule keesati mullata. Lukani oduma kitaaba ergattu keesati t'aafe, kitaaba kanale keesati t'aafe, ta aka gumiini Yeso eegi Yesoni due d'ugefacha keesati jabaate dubbi fulla ch'ufa geesite garsiiftu. Fullaani qaraatifi ta jaeeso (waan kitaaba kana ke jira ka arma jalati t'aafani kana laali) waan kitaaba kana keesati argani heddu qabdi. Wonti sunini tana: odu sirba malaikatiifi tissitu fulla Yesoni iti d'alate d'ufteefi Yeso Mana Waaqa keesa jiru gaafa inni ijoolleetifi mammaasa Samaria dansaatiifi ka ilma bade. Kitaaba kana keesa wonti guddo jabeesani tana: Kad'achaafi Lubbu Qulqulloofi waan nad'eeni bara Yeso tolchiteefi aka Waaqi ch'ubbu namaa araaramu.
Boqota waan kitaaba kana ke jira
1.1-4 Mata dubbi.
1.5—2.52 D'alootafi ijoolluma Yohana nama batisutifi ta Yeso.
3.1-20 Huji Yohana nama batisu.
3.21—4.13 Batisofi ilaalacha Yeso.
4.14—9.50 Huji Yeso Galilaya keesa.
9.51—19.27 Aka Yesoni Galilaya bahe Yerusalemu d'aqe.
19.28—23.56 Torbaani eege Yerusalemu keesafi d'aatu.
24 Kaisafi mullachaafi olgaliiti Aabbo.
Borana Bible © Bible Society of Kenya, 2019.