YOHANES 1
1
Wisara ko mangonggo u puwawiahi
1Su panitakenge, suhoro u dunia niriadi; seng tuwei pia Wisara.
Wisara e'e ene dingang u Mawu Ruata
Dang Wisara e'e l᷊ai musul᷊ung u Mawu Ruata.
2Borong bou titae I Sie seng nuhundingang u Mawu Ruata
3Kaul᷊ie nariadi bou I Sie,
dang bou patiku ko ene,
takoae sarang simbau ko nikoa sil᷊ikuri Sie.
4Wisara e'e ko wanggilu puwawiahi,#1:4: Wisara e'e ko wanggilu puwawiahi: arako Kaul᷊iu patiku ko niriadi, pia wiahi su l᷊al᷊ung u masimbau dingang u Wisara.
dang puwawiahi ko makaonggo u kasasua su taumata.
5Kasasua e'e suminang su l᷊al᷊ung u kararundung,
dang kararundung e'e ta makapate kasasua.
6 #
Mat. 3:1; Mrk. 1:4; Luk. 3:1-2 Pia ko nusumongo taumata ko niroi u Mawu Ruata,
arenge i Yohanes.
7I sie nusumongo nuhabari kasasua e'e,
tadeau apang taumata mangimang.
8I sie sisane wal᷊inge kasasua e'e,
i sie kitang mul᷊ahabaru kasasua e'e.
9Kasasua kahingang ko nupakasua apang taumata,
seng nusumongo su dunia.
10Wisara seng ene su dunia,
dunia nariadi bou I Sie,
kitang dunia wugha ngi Sie 11I Sie nusumongo su wanua-Nge sisane
kateho bangsa-Nge ta nanarima I Sie. 12Kitang pia l᷊ai taumata ko nanarima I Sie
dang mangimang si Sie;
i sire e'e ninggilenang-E haki makoa ana u Mawu Ruata,
13Ko nipahinding wal᷊inge bou taumata,
watu'u puwawiahi ko wuhu e'e asal᷊e ko bou Mawu Ruata.
14Wisara seng nariadi taumata,
I Sie natana sutal᷊oara i kite,
dang i kite seng nakawua kawawantugh-E.
Kawawantughe e'e nitarima-E
kere Ana Yamang mang simbau.
Bou I Sie i kite makawua Mawu Ruata
dang kakindaghi-E si kite.
15I Yohanes nusumongo kere saksi-Nge,
I sie nul᷊ahabari:
“Ko i'i I Sie daku ni habari:
I Sie sarung sumongo samuringu ia,
kateho I Sie nangilembo l᷊abo bou ia,
watu'u suhoro ia ene, I Sie seng tuwei ene.”
16I Sie napene u kakindaghi;
takoe suenge
I Sie nangal᷊amati si kite.
17Tita ngu Mawu nitarima i kite bo i Musa.
Arawe kakindaghi dang kasasatia ngu Mawu Ruata
nil᷊ahe bou l᷊al᷊ung I Yesus Kristus.
18Takoae ko seng bou nakawua Mawu Ruata,
sul᷊ikuru Ahusi Yamang ko mang simbau,
ko musul᷊ung I Yamang dang marike kahingang si Sie.
Ko I Sie seng nupakal᷊ahe I Yamang si kite.
Kasaksiang i Yohanes
(Mat. 3:1-12; Mrk. 1:1-8; Luk. 3:1-18)
19Manga mangangawasangu tau Yahudi su Yerusalem nundoi u manga imam-imam l᷊au manga tau Lewi tamai sarang koa i Yohanes dingang pukina si sie, “I Kau i'i ko isai?”
20Yohanes nangaku mal᷊ahe, “Ia wal᷊inge ratu mananal᷊amati.”
21 #
Ul. 18:15, 18; Mal. 4:5 I sire nukina, “Boko kere e i kau ko isai? I kau i Elia?”
“Wal᷊inge” sasimbahi i Yohanes.
“Apa i kau Nabi?”#1:21: Nabi: Sie ko harapi sarung sumupu dang muhabari sasongo ngu Ratu mananal᷊amati. i sire nukina l᷊ai.
“Wal᷊inge” sasimbahe.
22“Boko kere e, habarite si kami ko i sai i kau i'i,” Angkung i sire, “tadeau i kami makasimbahi si sire ko nundoi i kami. Apa dudato ngu hal᷊i u watangengu?”
23 #
Yes. 40:3
I Yohanes nusumimbahi, “Ia i'i sie ko seng niul᷊i i nabi Yesaya:
‘Taumata ko nunggo sutana l᷊inggi:
Pakateneko ral᷊eng guna ngu Mawu.’ ”
24Manga taumata ko niroi u tau Farisi#1:24: Manga taumata ko niroi u tau Farisi: arako “I sire ko seng niroi e'e ko tau Farisi” arako “i sire”. 25nukina, “Boko i kau wal᷊ingewe Ratu ngu Mananal᷊amati, wal᷊inge i Elia, wal᷊inge l᷊ai nabi, nakurawe kau nanahani?”
26I Yohanes nusumimbahi, “Ia nanahani dingang u ake. Kateho sutal᷊oara i kumu pia taumata ko i kumu wugha 27I Sie nusumongo samuringu ia; kateho sarang mamuka tal᷊i ngu sapatu-E ia ta hinonge.”
28Kaul᷊i e'e nariadi su Betania, susimbukangu raki bou sal᷊uhu Yordan tampa i Yohanes nanahani.
Ahusu Domba-Ngu Mawu Ruata
29Ndai mal᷊ou, i Yohanes nakawua si Yesus nasongo sarang koae, bou e'e i Yohanes nangul᷊i, “Tuhungete Ahusu Domba-Ngu Mawu Ruata, ko nangumu dosa ngu dunia. 30Seng I Sie ko daku nihabari sarung sumongo samuringu ia, kateho nangilebe l᷊abo bou ia, watu'u suhoro u ia nipahinding, I Sie seng tuwei ene. 31Horo ia wugha-Ngi Sie, sumbal᷊i ia nusumongo manahani dingang u ake tadeau komol᷊ang u Israel matitong I Sie.”
32I Yohanes l᷊ai nangongo u kasaksiang i'i, “Ia nakawua Roh u Mawu Ruata nul᷊umintu bou l᷊angi kere paluma bou e'e natana si Sie. 33Su tempo e'e ia mborong wugha-Ngi Sie. Kateho Mawu Ruata ko nuparenta si sia panahani dingang u ake seng nangul᷊i si sia, ‘Boko i kau makawua Roh u Mawu Ruata l᷊umintu, bou e'e natana susingkatau, ko i Sie e'e sarung manahani dingang u Roh u Mawu Ruata.’ 34Ia sisane ku seng mbua e nakawua si Sie,” Angkung i Yohanes, “dang ia nangonggo u kasaksiang humoneu ko I Sie Ahusu u Mawu Ruata.”
Manga Tumatuhu I Yesus ko kahimotongange
35Ndai nal᷊ou i Yohanes sau ene su tampa e'e dingang u tumatuhu-E sire rua. 36Su tempo i sie nakawua si Yesus nusumahe, i sie nangul᷊i, “Tuhungete seng e'e! Ahusu Domba-Ngu Mawu Ruata.”
37Tumatuhu i Yohanes rarua e'e nakaringihi e'e, turusi tamai nutumuhu si Yesus 38I Yesus nuwihu sarang l᷊ikure, dang nakawua si sire rua katuhue si Sie. I Sie nukina, “Apa riakeng i rua?”
Sasimbahi si sire rua, “Rabi, su apa i Rabi natana?” (Rabi mangal᷊enge meteri.)
39I Yesus nangul᷊i, “Maite tuhungengi rua.” I sire rua tamai dingang I Sie dang nakawua su apa i Sie natana. Tempo e'e pukul᷊i pa wawul᷊aeng. L᷊ou e'e i sire natana singkahindo dingang-E.
40Singkatau bou i sire rua ko seng mbuae nakaringihi apang ko niul᷊i i Yohanes bou e'e natamai nutumuhu si Yesus, I sie e'e ko i Andreas ana singkatau ngi Simon Petrus. 41Masahawu-sahawu i Andreas nundea si Simon, ana singkatau nge, dang nuhabari si sie, “I kami seng nusuma dingang I Mesias!” (Mesias musul᷊ungu Kristus: Ratungu Mananal᷊amati.) 42I Andreas nagunturi i Simon sarang koa I Yesus. I Yesus nutaeri si Simon, wuhue nangul᷊i, “I kau Simon ana i Yona. I kau sarung i sigho si Kefas.” (Kefas musul᷊ung i Petrus, mangal᷊enge: wul᷊uru watu.)
I Yesus nukui si Filipus l᷊au i Natanael
43Ndai nal᷊ou I Yesus namutusi makoa sarang Galilea. I Sie nusombangi Filipus, dingang nangul᷊i si sie, “Maite tuhu si Sia!” 44I Filipus asal᷊e bou Betsaida, tampa katanakeng i Andreas l᷊au i Petrus. 45I Filipus nusuma i Natanael dingang nangul᷊i si sie, “I kami seng nusuma u taumata ko nisigho ngi Musa sural᷊ung u Buki Tita-Ngu Mawu Ruata, dang ko nihabaru manga nabi. I Sie e'e I Yesus bou Nasaret, ana i Yusuf.”
46Kateho i Natanael nusumimbahi, “Apa botonge pia simbau ko mapia nusumongo bou Nasaret?”
Sasimbahi Filipus, “Maite i kau sisanengu putuhung.”
47I Yesus nakawua si Natanael nusumongo, wuhue nangul᷊i u hal᷊i i sie, “Tuhungete, e'e tau Israel tutunge. Takaoe manga hal᷊i l᷊eo si sie.”
48I Natanael nukina si Yesus, “Kirapa I Tuang nakakiral᷊a u ia?
I Yesus nusumimbahi; su horo i Filipus nukui si kau, Ia seng nakawua si kau su pungu kau ara e'e.”
49Natanael nangul᷊i, “Tuang Guru, i Tuang ko Ahusu u Mawu Ruata! Ko I Tuang Ratungu tau Israel!”
50I Yesus nangul᷊i, “I kau mangimang; kitang ual᷊ingu Ia nangul᷊i Ia seng nakawua si kau su pungu kau ara e'e? I kau sarung makawua kaul᷊i hal᷊i ko borong nangilembo l᷊abo bou e'e!” 51#Kej. 28:12“Tingari, pangimangte i kau sarung makawua l᷊angi mawuka, dang apang mal᷊aikatu Mawu Ruata lintu awi su tingo ngu Ahusi Ahusu Taumata.”
2014 Indonesian Bible Society (Lembaga Alkitab Indonesia)
