ZABUR 19
19
Keagungan ALLAH dalem ciptean dait hukum-Ne
1Umaq pemimpin kor. Zabur Daud.
2Langit nyeriteang kemuliean Allah,
dait cakrewale beriteang karye-Ne.
3Jelo nerusang berite nike
tipaq jelo saq lain,
dait kelem nyampéang penenaoq nike
tipaq kelem saq lain.
4Ndéq araq berite dait ndéq araq ucapan,
suare ie pade ndéq kedengahan.
5 #
Rm. 10:18
Laguq gaungne kedengahan léq seantéro dunie,
pesen nike jangke ojok poton-poton gumi.
Jelo tepiaqang kémah léq langit siq ALLAH,
6kelémaq-lémaq ie tiwoq
maraq pengantén mame sugul léman kamarne,
maraq pahlawan saq gembire mulai kelampanne.
7Ie bedurus léq langit léman poto ojok poto saq lain;
selapuqne kene siq panasne.
8Préntah ALLAH nike sempurne,
nyegerang jiwe.
Préntah ALLAH nike bau tepercaye,
ngicanin hikmat tipaq dengan saq sederhane.
9Aturan ALLAH nike tepat,
nyenengang até.
Hukum ALLAH nike murni,
miaq dengan ngerti.
10Bebakti tipaq ALLAH nike solah,
jangke selaéq-laéqne.
Hukum ALLAH nike kenaq
dait adil selapuqne.
11Hukum ALLAH nike solahan ketimbang emas tulén,
manisan léman madulani tulén.
12Hambe Deside teperinget siq selapuqne nike;
upaq saq beléq tesedieang umaq dengan saq taat.
13Ndéq araq saq iniq sadar léman kesesatanne;
ya ALLAH bébasang kaji léman kesalaqan saq nénten sadar kaji piaq.
14Jaoqang kaji léman dose saq tesediah,
sampunang menengang kaji tekuasein siq dose nike.
Make kaji jari nénten bedowé cele,
dait bébas léman pelanggaran berat.
15Semoge ucapan-ucapan dait pikiran kaji nyenengang Deside, ya ALLAH,
pelindung dait penebus kaji!
LAI 2007