ZABUR 15
15
Dengan saq patut bagi ALLAH
1Zabur Daud.
Ya ALLAH, sai saq kanggo nyodoq léq Kémah Deside
dait ndot léq bukit Deside saq suci?
2Dengan saq idup ndéq bedowé cele dait ngelaksaneang saq solah,
dait secare jujur nyampéang saq kenaq;
3saq ndéq pitnah sepade manusie,
ndéq gawéq jahat tipaq batur,
dait ndéq ngelengéang aran tetanggene;
4saq nganggep hine dengan saq tetolaq siq Allah,
laguq hormatin dengan saq takut tipaq ALLAH;
saq nepatin janji, timaq rugi
5dait nyinggaqang képéng ndéq berénten;
saq ndéq mélé nerimaq képéng sogoqan
jari ngerugiang dengan saq ndéq salaq.
Dengan saq gawéq maraq nike,
gen tetep tentrem.
LAI 2007